Arantza Zuluetari babesa eman diote 40 talde feministak

  • Preso dagoen Arantza Zulueta abokatuaren egoera salatzeko agerraldia egin dute 40 talde feministak. Bi urte eta hamar hilabete daramatza bakartze egoeran. Isolamenduan pairatzen dituen baldintzak salatzeko deia egin diete Espainiako estatuko herri mugimendu eta elkarte feministei.

Ainhoa Bretos @ob_ainhoa
2016ko azaroaren 11
Preso dagoen Arantza Zulueta abokatuaren egoera salatzeko agerraldia egin dute 40 talde feministak (Arg: Ecuador Etxea)

Azaroaren 10ean egin dute agerraldia Bilbon, Arantza Zulueta presoaren egoera salatzeko. Cadizeko Puerto III kartzelako bakartze-moduluan dago abokatua. Bi urte eta hamar hilabete daramatza egunean hogei ordu ziegan sartuta, eta beste lauak 6x13 metrotako zabalera duen patio estali batean ematen ditu.

Talde feministek adierazi dutenez, “isolamendu modulua gizonentzako prestatutako espazioa da”, eta han emakume izateak dakarren kaltea nabarmendu dute. Azaldu dutenez, Zuluetak ez dauka zerbitzu ginekologikorik. Han dagoen emakume bakarra da, eta inguruko gizonezkoek jarrera matxistak dituztela salatu dute Euskal Preso Politikoen Kolektiboko (EPPK) hainbat kidek.

Horrez gain, ziegatik ateratzen den bakoitzean “ukimenezko miaketa pairatzen” duela adierazi du Puerto III-ko Euskal Preso Politikoen Batzarrak, eta bere gela arakatzen dutenean “dituen gauza apurrak” lurrean botata uzten dituztela. Arantza Zulueta “muturreko bizi baldintzetan” dagoela salatu dute, legez kanpokoa den egoera “bereziki bortitz batean”.

Hori dela eta, gizarte osoaren ahaleginak “beharrezkoak” direla azaldu dute. Talde feministek, bere aldetik, dei egin diete Espainiako estatuko herri mugimendu eta elkarte feministei, Zuluetaren egoera salatzeko.

Hauek dira Arantza Zuluetari babesa eman dioten 40 talde feministak: Oihuka, Mujeres del Mundo, Farrucas, Bullerak, Zikutak, Iruñeko alde zaharreko gaztetxeko feministak, Oñatiko pototak, Pasai Antxoko Harremantxo talde feminista, Plazara Dantzara, Feministalde, Bilgune Feminista, Altsasuko Feministak, Galtzagorri, MDMA, Sare Lesbianista, Plazandreok, Brujas y Diversas, Medeak, ATH-ELE, Emakume Internazionalistak, Bizkaiko Emakumeen Asanblada, Arabako Emakumeen Asanblada, Anoetako Emakume Taldea, Ibarrako Emakume Taldea, Tolosako Neska Taldea, Irmo talde feminista, Aizan talde feminista, Arrasateko Emakume Gazte Asanblada, Akelarre Talde Feminista, Zirgariak Indautxu Feminista, Pare Deustuko Talde Feminista, Asunek Gernikako Talde Feminista, Andere Bidatz Talde Feminista, Kallera, Saregiñek, Marimatraka Santurtziko Talde Feminista, Emari Sestaoko Talde Feminista, Potxuak Martxan, Erandioko Txoko Feminista eta Txantreako Feministak.

Arantza Zuluetaren kasua

Arantza Zulueta abokatu lanetan aritu da 1991tik, euskal preso politikoen defentsan. Espetxeratuen eskubideen alde eta torturaren kontra aritzeaz gain, Espainiako Auzitegi Nazionalak ETArekin lotura izatea leporatuta prozesatu dituen pertsonen defentsan ere egin du lan.

Atxilotuta egon da hainbat aldiz. 1993an Txemi Gorostizarekin batera atzeman zuten, ETArekin kolaboratzea egotzita. 2010ean espetxeratu egin zuten, eta zortzi hilabeteren ostean finantzapeko askatasuna eskuratu zuen. Hala ere, 2011n berriz atxilotu zuten, zulo batzuekin erlazioa zuelakoan, eta bi hilabeteren ostean aske utzi zuten, 60.000 euroko fidantzapean.

2014an Jon Enparantza, Aitziber Sagarminaga, José Campo, Egoitz López de Lacalle, Aintzane Orkolaga eta Mikel Almandozekin batera atxilotu zuten Zulueta, EPPK-ren kontrako operazioan. Bi urte eta hamar hilabete daramatza Puerto III kartzelako bakartze-moduluan isolatuta. Bere egoera salatzeko bideo hau zabaldu dute Zuluetaren aldeko webgunean.

Kanal hauetan artxibatua: Espetxe politika  |  Espetxe baldintzak  |  EPPK

Espetxe politika kanaletik interesatuko zaizu...
Euskal preso politikoen egoeran aldaketak iradoki ditu Pedro Sanchezek

Presidente bezala eman du bere lehen elkarrizketan Euskal Herriko eta Kataluniako preso politikoen egoeraz hitz egin du Espainiako Telebista publikoan.


2018-06-14 | ARGIA
Asier Ezeiza preso hernaniarra Mont-de-Marsan espetxera hurbildu du Frantziako Gobernuak

Tarascon kartzelan izan da Asier Ezeiza azken urtea, bere sorterritik 750 kilometrora, eta orain Mont-de-Marsenera aldatu dute Etxerat Elkarteak jakinarazi duenez.


2018-04-24 | Joxe Aldasoro
"Seme" proiektua

“Haurrek eskubideak dituzte eta, helduok, eskubide horiek betearazteko obligazioa” dio Francesco Tonucci psikologo eta ikerlariak.  Proiektuak helburu horixe du: Etxarriko haur baten eskubideak gauzatzea.


2018-04-06 | ARGIA
Beste bi euskal preso gerturatu ditu Frantziako Estatuak

Arkaitz Agirregabiria eta Iurgi Garitagoitia euskal preso politikoak Lannemezango espetxera lekualdatu dituzte, Etxeratek jakinarazi duenez. Agirregabiria Fresnesen zegoen preso, 930 kilometrora, eta Garitagoitia Poissyko espetxean, 950 kilometrora.


2018-04-05 | Hala Bedi
Dispertsioak eragindako urteko hirugarren istripua salatu du Etxeratek hiriburuetan

Dispertsio politikak Ibon Goieaskoetxea euskal preso politikoaren senideen istripua eragin zuen Aste Santuan. Elkarretaratzeak egin ditu Etxerat Elkarteak hiriburuetan.


2018-03-28 | Axier Lopez
Beste "motxiladun haur" bat jaio da espetxean

Irati Etxebarria Zapirain jaio da Aranjuezeko kartzelan. Guraso biak preso ditu haur jaio-berriak eta momentuz amarekin dago etxetik 500 kilometrotara, Sare ekimenak jakitera eman duenez.


2018-03-11 | Saioa Baleztena
"Espetxeaz dugun irudia ez dator bat hango egunerokotasunarekin, askoz okerragoa da"

Kazetaria, dokumentalista eta antzezlea da Txell Bonet (Bartzelona, 1975). Ausardia eta borroka ditu bidelagun eta dioenez, artea salaketarako lanabes du. Duela lau hilabetetik, hamar hilabeteko semearekin batera, asteburuetan Soto del Real kartzela izaten du helmuga, bere bikotekide Jordi Cuixart matxinada eta sedizio delituak egotzita espetxeratuta baitute.


Xabier Rey euskal presoaren heriotza salatzeko mobilizazioak antolatu dituzte

Xabier Rey Urmeneta euskal preso politikoa hil da Puerto de Santa Mariako (Cadiz, Espainia) espetxean, Etxerat elkarteak jakinarazi duenez. Hainbat eragilek mobilizazioak antolatu dituzte asteazkenean:


2018-02-28 | Hala Bedi
Alfredo Remirezen senideek izandako istripua salatu dute Amurrion eta Gasteizen

Astelehenean eta asteartean elkarretaratzeak egin dituzte Euskal Herrian 2018an dispertsioak eragindako bigarren istripua salatzeko. Kasu honetan, Arabako preso politiko baten senideek izandako istripua salatu dute, Alfredo Remirezen senideek izandakoa.


Lurdes Arronategi eta Pili Garcia zendu dira, haien seme presoak agurtzeko aukerarik gabe

Gaur goizean Bilboko La bolsa eraikinean egin duen agerraldian Etxeratek salatu du azken asteetan bi presoren amak zendu direla beraien semeak agurtzeko aukerarik gabe. Lurdes Arronategi, Ibon eta Eneko Goieaskoetxearen ama eta Pili Garcia, Urko Olabeagaren ama azken asteetan zendu dira semeei azken agurra emateko aukerarik izan gabe.


Azkenak
EGILEA
Eguneraketa berriak daude