Arantza Zulueta isolamendu egoeratik ateratzeko agindu du Espainiako Auzitegi Nazionalak

  • Arantza Zulueta 2014an atxilotutako preso politikoen abokatuak guztiz bakarturik igaro ditu azken hiru urteak: gainontzeko presoekin inolako harremanik eduki gabe, egunean hogei orduz ziegan sarturik eta patiora bakarrik ateratzen. Orain, haren abokatuak aurkeztutako salaketa onartu du Espainiako Auzitegi Nazionaleko Espetxe Zaintzako epaileak. Ondorioz, isolamendutik atera beharko dute.


2017ko otsailaren 07an - 10:17

Abokatua Eloy Velascok zuzendutako Jaque operazioaren barruan atxilotu zuten, eta Puerto III-ko (Cádiz, Espainia) presondegian dago ordutik, etxetik 1.000 bat kilometrora. Lehen graduan sailkatuta dago Zulueta, EPPK-ko presoen gehiengoa lez, baina espetxe barruko zigorrak betetzeko prestatuta dagoen galeria batean eduki dute. Presoaren aldeko plataformak askotan salatu du haren egoera.

“Galeria horretako preso bakarra” dela onartu du espetxe cadiztarreko zuzendaritzak, egoera justifikatzeko beste presoen falta edota espazio falta argudiatuz. Orain, isolamendutik atera beharko dute, María de los Reyes Jimeno epaileak agindutakoaren arabera, “aipatutako argudioak ez baitira nahikoak egoera denboran zehar luzatzeko”.

Epailearen erabakiaren arabera, “Zuluetaren egoerak espetxe-erregimenaren 94.1 artikulua urratzen du”; alegia, preso guztiei (baita lehen graduan daudenei ere) gainontzeko presoekin egoteko eskubidea aitortzen diena, gutxienez lau ordu egunean. Egoera “lehenbailehen” konpontzeko agindu du Jimenok.

 


Irakurrienak
Matomo erabiliz
Azoka
Kanal honetatik interesatuko zaizu: Espetxe politika
2023-12-07 | Ahotsa.info
Karmele Solaguren sakabanaketa politikaren biktima gogoratu dute Barañainen

Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]


Sara Fernandez preso politikoen senidea biktima gisa aitortzea eskatu dute

“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.


2023-11-06 | ARGIA
Espetxera itzularazi ditu Auzitegi Nazionalak Juan Carlos Subijana eta Joseba Borde euskal preso politikoak

Subijanaren eta Borderen kasuan bigarren aldiz, Basauriko espetxeak onartutako hirugarren gradua lehengoratu du Espainiako Espetxe Zaintzako Epaitegi Zentralak. Subijana preso arabarra larriki gaixo dago. Sarek “atsekabea eta haserrea” adierazi ditu, eta... [+]


2023-10-02 | ARGIA
Azpiegitura gabezia nabarmendu du Jaurlaritzak espetxe-kudeaketaren biurteko balantzean

Urriaren 1ean bi urte bete dira Eusko Jaurlaritzak EAEko espetxeen kudeaketa bere gain hartu zuenetik. Bi urteko balantzearen txostena argitaratu berri du. 1.577 pertsona daude preso. %86 daude zigortuta, %8 emakumeak dira eta %31 hirugarren graduan daude. Euskal Espetxe... [+]


2023-08-21 | Ilargi Manzanares
Sare Herritarrak Auzitegi Nazionalaren jarrera "oztopatzailea" salatu du

Fiskaltzat euskal presoen gradu progresioen hiru laurdenei errekurtsoa jarri diela salatu du. Martxan diren salbuespeneko politikekin bukatzeko beharra aldarrikatu du presoen eskubideen aldeko plataformak.


Eguneraketa berriak daude