Madrilgo putre funts batek etxetik botako du kaltetuen bozeramalea

  • Etxea uzteko hilabeteko epea eman dio putre funtsak bere familiari. Mejiasek uste du EMVSk Saldutako Etxebizitzek Kaltetukoen bozeramaile izateagatik kaleratuko dutela.

Jon Ander De la Hoz Arregi @delarregi
2016ko irailaren 07a
Arantxa Mejiasek uste du egoerari aurre egin izanagatik mendekua dela bere familia etxetik botatzea. [Argazkia: El Plural]

“Ia 70.000 euro ordaindu ostean, alde egin beharrean gaude”. Haserre mintzatu da EMVSk Saldutako Etxebizitzek Kaltetutakoen elkarteko bozeramaile Arantxa Mejias eldiario.es atariari eskainitako elkarrizketan. Blackstone multinazionalaren Espainiako adarrak hilabeteko epea eman dio Mejiasen familiari etxea uzteko.

Hamar urteko alokairu kontratua sinatu zuen Mejiasen familiak Madrilgo udalarekin. Hala, kontratua amaitzean etxea jabetzan erosiko zuen familiak, baina 2013an Ana Botellaren gobernuak Blackstoneri saldu zizkion kontratu mota horrekin sinatutako 1.860 etxeak. Erabaki horren aurkako plataforma sortu zuten zenbait familiak, eta bozeramaile postua bere gain hartu zuen Mejiasek. Hain justu, horregatik kaleratuko dutela uste du: “Errepresalia gisa botako gaituzte etxetik, eraso pertsonala da”.

Blackstoneren Espainiako adarrak, Fiderek, ez dio azalpenik eman: “Saiatu ginen negoziatzen, baina alferrik. Ez ordaintzeagatik kaleratu dituzte jada familia batzuk”. Mejiasen arabera, “banekien Goliaten aurka borrokatzen ari nintzela, baina lau lagunek bulego batean horrenbeste familiaren bizitza izorratzea ezin nuen onartu”.

Mejiasek uste du Madrilgo udaleko aurreko gobernua dela egoeraren erantzule nagusia: “Gozoki bat eskaini zien putre funtsei, eta haiek hartu egin zuten”. Garai hartan Madrilgo udaletxeko agintari zirenek duten zigorgabetasuna salatu du.

Azaldu du 2015eko maiatzean osatutako udal gobenuak laguntza juridikoa eskaini diela, etxebizitza alternatibo batez gain. Ontzat jo du oraingo udal batzordearen laguntza, baina “azkenaldian lo hartzen ari direla” ohartarazi du: “Arazo larritzat jo zuten, baita alkateak ere. Ulertzen dugu kasua patxadaz aztertu nahi izatea, baina egoera honek erabaki azkarrak eskatzen ditu”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Etxegabetzeak

Etxegabetzeak kanaletik interesatuko zaizu...
2018-06-14 | ARGIA
Bere buruaz beste egin du Banco Popularraren aginduz etxegabetu behar zuten gizon batek

Cornella de Llobregaten (Katalunia) gertatu da. 45 urteko gizonak bere burua jaurti du hamargarren solairutik behera, Mossoak etxegabetze ordenarekin etxeko atean zirela.


Esan artzapezpikutzak egitekoa duen etxe kaleratzea atzeratu dute epaitegiek

Hipotekek Kalteturiko Plataformak adierazi du "forma" arazo batek atzeratu duela tramitea baina ohartarazi du artzapezpikutzaren nahia oraindik ere Esa herriko familia etxetik botatzea dela.


2018-04-25 | Miren Osa Galdona
Okupatutako etxeak azkarrago husteko lege-erreforma onartu du Espainiako Kongresuak, eskuin unionistek eta subiranistek bat eginda

Prozedura Zibileko Legea aldatzea onartu du Espainiako Kongresuak. Horrela, etxe bat okupatu duten pertsonak bi urteren buruan kaleratu ordez, bi hilabeteko epean kanporatu ditzakete. Neurriak ez du arrisku egoeran dauden familientzat edo norbanakoentzat alternatibarik jasotzen; administrazioak ez die zertan beste bizitoki bat eskaini. PPren, Ciudadanosen eta EAJren botoekin atera da aurrera PDeCATek proposatutako legea. Indarrean jartzeko Senatuaren onespena behar du.


2018-03-02 | ARGIA
360.000 etxegabetze sei urtean Espainiako Estatuan

2011z geroztik, urtean 60.000 etxegabetze burutzen dira batez beste Espainiako Estatuan, Botere Judizialaren Kontseilu Nagusiak emandako datuen arabera. Tartean sartzen dira ez soilik etxebizitzak, baita bestelako espazio, pabilioi edota bulegoak ere. 


Kutxabankek bikote gasteiztar baten aurka zuen kaleratze prozesua bertan behera utzi du epaileak

Cesarea eta Bartolomek 68 eta 72 urte dituzte eta Gasteizen duten etxetik bota nahi zituen Kutxabankek, baina Arabako probintzia-auzitegiak baliogabe jo du hipotekaren kuota bat ordaintzen ez duzunean bankuak hipoteka osoa eskatu ahal dizula dioen klausula. Ez dago helegiteak jartzeko aukerarik.


2018-02-14 | ARGIA
Etxegabetze asko eragin duen IRPH indizearen auzia Europara iritsiko da, Arabako kasu batengatik

Arabako auzitegiak Europara eramango du IRPH klausulen inguruko auzia. Espainiako Auzitegi Gorenak, epaileen arteko desadostasun handiekin, atzera bota zuen Arabatik emandako epai bat, zeinak indize hipotekarioa baliogabetzat jo zuen.


2017-12-13 | Lander Arbelaitz
Etxetik bota ondoren ospitalera eraman behar izan dute 84 urteko Patxi Zubiarre Donostian

Ohatilan atera dute Patxi Zubiaurre 40 urtez bere etxea izan den lekutik. Asteazken goizean kaleratu du Abacredit mailegu enpresak, 2014ko maiatzean ezin izan baitzion 104.000 euroko hipotekari aurre egin.


2017-12-12 | ARGIA
Bertan behera utzi dute gaur kaleratzekoa den Patxi Zubiaurreren aldeko elkarretaratzea, berak hala eskatuta

Etxe Kaleratzeak Stop! taldeak deituta gaur goizean Donostian egitekoa zen elkarretaratzea bertan behera geratu da, Patxi Zubiaurrek, etxegabetu nahi duten 84 urteko gizonak, hala eskatuta.


Etxe kaleratze bat geldiarazi dute Iru˝eko Arrosadia auzoan

Goizeko zortzietan zegoen aurreikusia Santander Bankuan Martha izeneko emakume bat eta bere familia bizi zen etxea hutsaraztea. Elkarretaratzea egin dute Etxe Kaleratzeen Kontrako plataformakoek eta epaile batek momentuz geldiarazi egin du kaleratze hori. 


Azkenak
EGILEA
Eguneraketa berriak daude