Aralar alderdiaren ibilbidea amaitzea proposatu du zuzendaritzak

  • Aralar alderdiak abenduan egingo du VII. kongresua eta zuzendaritzak proposatuko du hor amaitzea 2002an hasitako ibilbidea.

ARGIA @argia
2017ko irailak 13
Rebeka Ubera eta Patxi Zabaleta arduratu dira kongresuan afiliatuei egingo zaien proposamena idazteaz (argazkia: Aralar).

Enekoitz Esnaolak Berrian argitaratu duenez, sorrerako helburuak bete dituela uste du Aralarren zuzendaritza nagusiak. Hortaz, abenduaren 2an egingo den kongresuan afiliatuei proposatuko diete partiduaren ibilbidearekin amaitzea.

“Lekukoa eman eta ibilbide politiko bati amaiera emateko unea” dela dio zuzendaritzak, EH Bildu tresna eraginkortzat joz “Euskal Herrian iraultza sozialerako eta erabakitzeko eskubidearen garapenerako”.

Afiliatuei proposatuko zaien dokumentua Rebeka Ubera alderdiko idazkari nagusia eta Patxi Zabaleta ohorezko presidentea izan dira. Irailaren 4an aurkeztu zioten dokumentua zuzendaritzari eta aho batez onartu zen.

Borroka armatuari buruzko eztabaidatik sortua

ETAren borroka armatuari buruz ezker abertzalean zeuden desadostasunen fruitu izan zen Aralarren sorrera duela 15 urte. Sektore batek “ezker abertzale zibil eta zabala” sortzeko helburuz jarri zuen martxan alderdi berria, “bakea eta giza eskubideak politikagintzaren oinarri bezala aitortzea” xede hartuta.

Patxi Zabaleta izan zen alderdiaren sorreran Aralarren aurpegi ezagunena, baina ezker abertzalean pisu esanguratsua izan zuten beste hainbat lagunek ere babestu zuten hasieran, hala nola, Jose Luis Alvarez “Txillardegi”-k edo Julen Madariagak –Txillardegik 2007an utzi zuen alderdia–.

Bakarka eta koalizioan

2009ko EAEko hauteskunde autonomikoetan lortu zituen alderdiak emaitza onenak: 62.214 boto eta lau eserleku. Nafarroako parlamentuan ere beste hainbeste ordezkari izan zituen 2003ko hauteskunde foralen ondoren, baita hainbat alkatetza garrantzitsu ere –Leitzakoa edo Altsasukoa adibidez–; ondoren , Nafarroa Bai koalizioko kide izan zen.

2011n, ETAk behin betiko armak uzteko atarian, Amaiur koalizioan bat egin zuen Aralarrek EA, Alternatiba eta artean alderdi gisa legeztatu gabe zegoen ezker abertzalearekin. Geroztik, EH Bilduko parte izan da.

Hain zuzen indar politiko horrek azken hilabeteetan egindako berrantolaketaren ondorioz, alderdien koalizioa izatetik berezko afiliatuak dauzkan erakundea izatera pasa da. Abenduaren 2an aurkeztuko den proposamena onartzen bada, Aralarreko kideak EH Bildun independente gisa ariko lirateke.

Kanal hauetan artxibatua: Aralar  |  Euskal gatazka  |  EH Bildu

Aralar kanaletik interesatuko zaizu...
2014-12-07 | Mikel Asurmendi
"Podemosek trantsizioan eman ez zen apurketa gauzatzen lagundu dezake"

Elgeta, 1972. Aralarreko idazkari nagusia da, VI. Biltzarraren ostean. Biltzarrean landu dituzten gaiek Kataluniako prozesu subiranozaleaz hitz egitera bideratu gaituzte: “Kataluniako prozesua eredugarria da, herritarrei eman behar zaie protagonismoa. Alderdiek eta erakundeek gizartearen eskaerei erantzun behar diete”. EAEko legebiltzarkidea da EH Bilduren izenean.  


2014-09-17 | Judith Perez
Abortua zentro publikoetan egiteko aukera jaso du Nafarroako Osasungintza plan berriak

Nafarroako Parlamentuko Osasun Batzordeak asteartean onartu du 2020rainoko plana, UPN, PSN eta Izquierda-Ezkerraren aldeko bozkekin eta Bildu, Aralar eta PPNren abstentzioekin. Legebiltzar-taldeen 77 proposamenetik 76 hartu dituzte kontuan.


EH Bilduko alderdiak egitura bakarrean elkartzearen alde azaldu da Aralar

EH Bilduk "siglak gainditu" eta koalizioko alderdiak bateratzearen alde egin du Patxi Zabaleta Aralarreko koordinatzaile nagusiak, “ezkerreko fronte soberanista” lortzeko asmoz. Alderdiak azaroan egingo duen kongresua aurkezteko agerraldian egin ditu adierazpenak, Rebeka Ubera alderdiko idazkariarekin eta Dani Maeztu koordinatzaile-ordearekin batera.


2014-08-07 | ARGIA
Patxi Zabaletak Nafarroako Parlamentua utziko du

Nafarroako Parlamentuak kide historiko bat galduko du 2015. urtean. Patxi Zabaletak iragarri du ez duela bere burua aurkeztuko hurrengo hauteskundeetan.


2014-06-27 | Judith Perez
Nafarroako lanpostu publikoetan euskara gutxiesten jarraituko da

Nafarroako Parlamentuak atzera bota du, PPren eta UPNren bozkei esker, lanpostu publikoetan euskarak atzerriko hizkuntzak baino balio gutxiago ez izatea eskatzen zuen mozioa. Bilduk, Aralarrek eta I-Ek aurkeztu dute mozioa. Geroa Baik alde bozkatu du eta PSN abstenitu egin da.


2014-05-13 | ARGIA
Kalamu klubak arautzeko eskaera aurrera atera da Nafarroan

Zerbitzu juridikoak aurka agertu arren, Nafarroako Legebiltzarreko Mahaiak onartu du kalamuaren aldeko taldeak erregulatuko lituzkeen herri proposamena tramitatzea, PSN, Bildu, Aralar eta I-Eren botoei esker. PPk eta UPNk aurka bozkatu dute.


2014-05-08 | Xabier Letona
Egigurenen keinu eta probokazioak Iru˝ean

Jesus Egigurenek bere liburu berria (Euskal Herria. Por un nuevo Nacionalismo , vasquismo y navarrismo) Iruñeko Katakraken aurkeztu zuen Aralarreko buru Patxi Zabaletak aurkeztuta eta aretoa beteta.


Aberri Eguneko termometro epela

Aberri Egunak euskal independentismoaren termometro izan nahi bazuen, tenperatura aldakorra antzeman zen igandean. Independentistak sareak 25.000 lagun elkartu zituen Iruñeko kaleetan EH Bilduren parte hartzearekin eta EAJk Bilbon ospatu zuen. Mezuetan batasunik ez.


2014-04-09 | Iera Aranburu
Aberri Eguna Eskoziara eta Kataluniara begira

Independentistak sareak apirilaren 20rako Nafarroako hiriburuan antolatutako Euskal Herriak erabaki. Zazpiak bat lelopeko Aberri Egunera joateko deiarekin bat egin dute Sortuk, EAk, Aralarrek, ABk eta Alternatibak. Bezperan Larresoron (Lapurdi) antolatu duten ekitaldira gerturatzeko deia ere egin dute.


2014-03-25 | Iera Aranburu
Etxegabetzeen aurkako legea babestu du berriz Nafarroako Parlamentuak

Nafarroako Parlamentuko bozeramaileen batzarrak 2013an onartutako etxegabetzeen aurkako legea berretsi du. Izquierda-Ezkerrak aurkeztutako proposamenak PSN, Bildu eta Aralarren babesa izan du. UPNk eta PPNk aurka bozkatu dute.


Azkenak
EGILEA
Eguneraketa berriak daude