Yasser Arafat pozoituta hil zutela pentsatzeko arrazoiak hazi egin dira The Lancet aldizkari medikoak argitaratutako artikulu baten ondorioz.
2012an buruzagi palestinarraren gorpua hobitik atera zuten, Lausanako (Suitza) laborategi batek berriz ere aztertu zezan. Al Jazeera telebista kateak egindako ikerketa batek bultzatu zuen bigarren azterketa hori, Arafaten arropetan eta objektu pertsonaletan ezohiko polonio kopurua antzeman zutela argitaratu ostean.
Laster argitaratzekoak dira Suitzan egiten ari diren analisi horien emaitzak eta nazioarteko hedabideak zain dauden honetan, The Lancetek azterketaren lehen emaitzei buruzko artikuluak baieztatu egin du pozoituta hil zela dioen hipotesia.
Arafaten 75 lagin aztertu dituztela diote adituek eta beraien arabera, pozoiduraren “posibilitatea” ziurtatzen dute. Lagin horiek denbora asko gordeta zeramatela ere esaten dute (zortzi urte inguru) eta horrek ondorio zehatzagoak ateratzea zailtzen duela.
Lausanako ikertzaileen behin betiko emaitzak “laster” argitaratuko dira Al Jazeeraren arabera.
Zisjordanian eta Gazan nolabaiteko gobernu autonomoaren funtzioak betetzeko asmoz jaio zen Palestinar Aginte Nazionala. Horrela jasota dago Osloko akordioetan, baina errealitatea guztiz bestelakoa da.
Azken bi hamarkadetan, nazioarteko bitartekaritza medio, bake negoziaketa ugari abiatu dituzte Palestinako Aginte Nazionalaren eta Israelgo Gobernuaren artean. Gaur arteko emaitza bakarra izan da: Israelen okupazioa betikotzea
Iasser Arafaten argazkia, bere zapiarekin, Palestina askatzeko borrokaren irudia izan zen urtetan. 1974an Nazio Batuen Asanblada Nagusian egin zuen hitzaldiak aldarrikapen hau munduko txoko guztietara eraman zuen. Esku batean pistola zuen, bestean olibondo adaxka bat.
Yasser Arafat buruzagi palestinarra polonioz pozoituta hil zen haren gorpua aztertu duen forentse talde batek jakitera eman duenez.
2004an hil zen urtetan Palestinako buruzagia izandako Yasser Arafat. Zortzi urte geroago, heriotzaren arrazoia zalantzan jarri dute pozoitu ote zuten zurrumurrua zabaldu denetik. Frantziar eta suitzar adituak gaur hasi dira gorpua aztertzen, komunikabideen presentziarik gabe... [+]