Arabako pediatria zerbitzua "kolapsatuta" dagoela salatu du ELAk

  • "Osakidetzaren utzikeria dela-eta", haurrak artatzeko zerbitzuaren "gainbehera" kritikatu du sindikatuak.

Artikulu hau CC BY-SA 3.0 lizentziari esker ekarri dugu.

2016ko azaroaren 03an - 09:17

ELA sindikatuak Gasteizko osasun-zentro guztietako pediatria-arretaren "gainbehera" salatu du, "Osakidetzaren utzikeria dela-eta". Ohar baten azaldu duenez, medikuak eta erizainak ez dira nahikoak haurrak behar bezala artatzeko.

Sindikatuak gogorarazi duenez, orain dela bi urte sindikatuek, elkarte zientifikoek zein lehen arretako profesionalek egoera konpontzeko premiazko eta berehalako neurriak hartzeko eskatu zizkioten Osakidetzari. Gaur egun, ordea, sistema "kolapsatuta" dagoela salatu du sindikatuak. Salburuko Osasun Zentroan , esaterako, pediatria zerbitzuko langileen %50a bajan dago, "Osakidetzak langileengan egiten duen presio itzelagatik".

Ildo horretan, Osakidetzaren "arduragabekeria" kritikatu du, langileak kontratatzeari eta ordezkatzeari dagokionez. Elaren arabera, langileen laneratze-ezak ez dira betetzen, eta horren eraginez, estresarekin lan egiten dute. Gainera, buruek eskatuta, "artatu ezin dituzten umeak Larrialdi Zerbitzuetara bidaltzen dituzte".

Albiste hau Arabako Aleak argitaratu du eta CC-by-sa lizentziari esker ekarri dugu ARGIAra


Kanal honetatik interesatuko zaizu: Osasuna
2024-03-31 | Diana Franco
Teknologia
Gorputzaren memoria

Mekanografia ikasi baduzu, gitarra jotzen, josten edo eskuz idazten, ulertzen duzu zure gorputzak zelan memorizatzen dituen zenbait jarduera. Gorputza eta adimena modu miresgarrian daude harremanduta, bat dira. Gizakiok sortu dugun teknologia eta honek gure gorputzarekin duen... [+]


Behatokiaren hizkuntza urraketei buruzko 2023ko txostena
Hizkuntza muga eta urraketa berak hamar urtez

Hizkuntza eskubideen urraketekin lotutako 909 kexa jaso zituen Behatokiak 2023. urtean. Horien %75 baino gehiago administrazioari loturiko zerbitzuei buruzkoak dira: “Herritarrek salatzen dute urtero horma berdinaren aurka borrokatzen jarraitzen dutela”.


Amurrio, Okondo, Urduña eta Orozkoko Udalek ez dute parte hartuko Laudiok deitutako bileran Osakidetzaren egoera lantzeko, "desleialtasuna" leporatuta

EAJk eskualdean gobernatzen dituen tokiko erakunde guztiek iragarri dute ez dutela parte hartuko Laudioko Udalak deitutako bileran. Guztiek egotzi diote EH Bildu eta Omniako udal gobernu taldeari erakunde desleialtasuna erakustea, hedabideetan horren berri emateagatik, euren... [+]


Osakidetzaren pribatizazioaren aurkako manifestazio jendetsuak Bilbon, Gasteizen eta Donostian

Milaka pertsona elkartu dira larunbat honetan Araba, Bizkaia eta Gipuzkoako hiriburu bakoitzean,“osasun publikoaren narriadura, desegitea eta pribatizazioa” salatzeko. Osakidetzako aurrekontuaren %25 Lehen Mailako Arretara bideratzea eskatu dute.


Eguneraketa berriak daude