Arabako Campusean Nekane Balluerkak izandako boikota salatu du EHUk

  • Errektoregaia bere programa azaltzen ari zela ikasle talde batek protesta egin eta ekitaldia eten zuen asteazken eguerdian.


2016ko azaroaren 10an - 12:43

EHUk ohar bidez salatu du Nekane Balluerka unibertsitate horretarako errektore izateko hautagaiak Arabako Campusean jasandakoa. Bere programa azaltzen ari zela, “ikasle talde txiki batek galarazi egin du” ekitaldia. EHUk gertakaria “gaitzetsi” du eta azaldu du “eztabaida publikoa eta ideien adierazpena” galarazten dituzten jarrerak salatzen dituela.

Ikasle mugimendua: “EHUk irudikatzen duen antzerkiarekin  ez dugu bat egiten”

Hara Ba! atariak “ikasle mugimenduaren oharra” kaleratu du bere webgunean, asteazkenean gertaturikoaren balorazioa egiteko. Ikasleen esanetan Elurren eraikinaren atarian “elkarretaratze jendetsua” egin da eta Balluerkak hauteskunde programa azaltzeko saioa “boikoteatu” dute, “EHUk irudikatzen duen antzerkiarekin” ez dutelako bat egiten.

Euren esanetan ikaslerian bere “haserrea” adierazi nahi izan du mobilizazioarekin, “hautagai berriaren proposamenek, ikasleon klase interesen aurkakoak izaten jarraitzen” dutelako.

Mugimenduak dei egin du azaroaren 24an Leioan Ikasle borrokaz, gurea eraiki! lelopean egingo den mobilizaziora joateko.

 


Kanal honetatik interesatuko zaizu: Ikasle mugimendua
Hezkuntza sistema sozialista aldarrikatu dute ikasleek, martxoaren 20ko ikasle greban

Grebara jo dute bigarren hezkuntzako, lanbide heziketako eta unibertsitateko ikasleek. Ikastetxeen ohiko jarduna gelditu eta kaleak hartu dituzte “negozioen eta inposizioen” hezkuntzaren kontra Bilbon, Donostian, Gasteizen eta Iruñean. Goizeko aurreneko... [+]


Hezkuntza "pribatizaziotik" ateratzeko, borroka

Ikasle Abertzaleak taldeak grebarako deia egin du martxoaren 20rako. Negozioen eta inposizioen hezkuntza borrokatu goiburuarekin manifestazioa ere eginen dute 12:00etan Iruñeko Foruen Plazatik aterata. Unibertsitatera sartu aurretik eta goi mailako ikasketak egiterako... [+]


EHUren “izaera poliziala” salatu dute ehunka ikaslek Gasteizen

Asteazken gaueko gertakariak salatzeaz gain, Polizia unibertsitatetik “kanporatzea” exijitzeko eta EHUren “erantzukizuna” seinalatzeko mobilizazioa egin dute.


Greba antolatu du martxoaren 13rako Ikasle Abertzaleak-ek

Eusko Legebiltzarraren aurrean elkartu dira Ikasle Abertzaleak-eko kideak martxoaren 13rako ikasle grebara deitzeko. “Azken hilabeteetan borroka prozesuak martxan jarri ditugu Euskal Herriko ikastetxe eta campusetan eta, orain, pausu bat gehiago emateko unea dela uste... [+]


Eroritako sabaiak, itoginak, hezetasunak... EHUren eraikinetako baldintzak salatu dituzte

Sabai zati bat erori da berriki EHUren Ibaetako campusean, eta ez da lehen aldia. Azpiegituren "egoera kaskarra" salatu dute, itogin ugari eta berogailu matxuratuak tarteko (ikusi irudiak albiste bukaeran). "Arazoei aurre egiteko aurrekontua egina zutela esan... [+]


Eguneraketa berriak daude