Jon Anza donostiarra Espainiako poliziaren eskuetan hil zen, eta Frantziako Estatuko punturen batean lurperatu zuten, Gara egunkariak jakitera eman duenez.
Honela berreraiki du gertatua Gara-k: Anza Baionatik Okzitaniako Tolosara zihoan trenean ETAko kide batzuekin zuen bilerara. Bidean trenetik jaitsiarazi zuten polizia espainiarrek. Galdeketa ilegala egin zioten eta, bertan, gaixotasun larria zuen preso-ohi eta ETAko militantea hil egin zen. Frantziako poliziaren kolaboraziorik izan ote zuten ez dakitela aipatu du artikuluak, baina estatu frantseseko punturen batean ehortzi zuten gorpua.
Artikuluan aipatzen da "kasuarekin harreman zuzena izan duen jendearen inguruko iturriek" emandako informazioa dela.
Duela hamabost urte desagertu zen euskal militantea. Baionan Tolosarako (Okzitania) trena hartu eta ez zen berriz agertu. Hortik hamaika hilabeteetara atzeman zuten bere gorpua Tolosako (Okzitania) gorputegian. "Egia jakiteko eskubidea" aldarrikatu dute Anza zenaren... [+]
2009ko apirilaren 18an ikusia izan zen azken aldikotz Anza ETAko militantea Baionan. Orduz geroztik ez da sekulan argitu desagerpena, ikerketa hesteko erabakia harturik Frantziako Justiziak. Anza "gerla zikinaren biktima" izan dela deitoratzen du familiak.
Jon Anzaren senideek zortzi orduko kontzentrazioa antolatu dute asteazken honetarako Donostiako Boulevardean: “Parisera joatea dagokigu desagerpenean izandako irregulartasunengatik Frantziar Estatuaren kontra salaketa jarri ostean”.
Miryam Viargues epaileak Jon Anzarena ondoriorik izan ez duen kasu moduan jasotzea eskatu du. Hiru urteko prozedura izan da. ETAko militantea 2009ko apirilaren 18an desagertu zen eta 2010eko martxoaren 11n aurkitu zuten hilda Okzitaniako Tolosako erietxe batean.
Jon Anzaren familiaren abokatuak, Maritxu Paulus-Basurtok, fiskaltzak auzia amaitutzat jotzeko eskaera egingo duen filtrazioaren harira, Frantziako agintariek ETAko militantearen desagertzea eta heriotza argitu nahi ez dutela salatu du.