Antxeta Irratiak 15 urte bete ditu "uhinak orrazten"

  • Behe Bidasoako Antxeta Irratiak 15 urte bete ditu. Mahai-inguruak, topaketa gastronomikoak, euskararen aldeko bestak eta gisakoak antolatu dituzte urteurrena ospatzeko. “Uhinak orrazten” lema aukeratu dute, beren esanetan, hori baita irratiaren eguneroko erronka, “uhinen bidez, eskualdea orraztea”. Urtarrilean hasi zituzten ospakizunak, eta ekainera arte jarraituko dute.


2016ko otsailaren 18an - 10:58
Hedabide komunitarioa da Antxeta Irratia. (Arg: Argia)

Irratia 2001. urteko otsailaren 18an jarri zen martxan, Pausumedia eta Entzun Ikus elkarteen ekimenez. Eskualdea euskalduntzea zen proiektu berriaren asmoa eta hedabide komunitario bat sortzea erabaki zuten horretarako, “komunitatearekin eta komunitatearen zerbitzura lan egiten duen irratia”. Irratiak ekimen ugari antolatu izan ditu langabetu, etorkin eta gizarte zentroekin elkarlanean.

Komunikabidearen jarduera ez da informazioa hedatzera mugatzen, Antxeta Irratia eragile ere badela adierazi dute kideek. Eskualdea saretzea, euskararen aldeko normalkuntzan jardutea, berdintasunaren arloa elikatzea eta etorkinen integrazioa sustatzea dira irratiaren zereginaren oinarri. Elkarlana bultzatzen du eskualdeko gizarte eragile eta mugimenduekin, eta zenbait irratsaiotan parte hartzeko aukera eskaintzen zaie horiei. Hor daude Bilgune Feminista, eskualdeko barazki-kooperatiba edota gay eta lesbianen elkartea, besteak beste.

Antxeta Irratiak beste zenbait hedabiderekin jarduten du elkarlanean, Arrosa Irrati Sareko, Euskal Irratiak elkarteko eta AMARCeko (Irrati Komunitarioen Munduko Elkartea) kide den aldetik. “Irrati komunitario gisa ibilbide oparoa betea du jada Antxeta Irratiak, baina bide luzea du egiteko oraindik ere”, adierazi dute.


Kanal honetatik interesatuko zaizu: Antxeta irratia
Maia Muruaga. Irratia FM-an
“Bi edo hiru administraziopean bizi bagara ere euskarak eta euskal kulturak lotzen gaitu”

Bada hogei urtez, ahots goxo eta irmoa entzuten ari den bidasoarrik. Antxeta Irratiaren hogeigarren urteurrenaren karietara, bertako kazetari beteranoenetariko bat ezagutzeko parada baliatu dugu: Maia Muruaga (Donibane Lohizune, 1977),  “Maia Antxeta”... [+]


"Zaretelako, gara": zaintzaz arduratzen diren emakumeen bizipenak

Batzuetan, "aukeratu gabe eta bat-batean etortzen da" menpeko pertsona zaindu beharra, aipatzen du proiektuan parte hartu duen emakume batek; amaz arduratzeko bere bizitza-proiektua alboratu du beste batek; zahar egoitzan amona penaz hiltzen uzten ari direla dio... [+]


2018-09-11 | ARGIA
Hondarribiko Alardearen berri ematen ari ziren kazetarien aurkako erasoak salatu ditu Hekimenek

Euskal hedabideen elkarteak “elkartasun eta babes osoa” adierazi die joan den larunbatean Hondarribian lanean ari zirela erasoak jasan zituzten kazetariei.


2018-05-15 | Antxeta Irratia
4.600 haur, 18 herri eta 30 egitura ezberdinek, "Pantailarik gabeko desafioa" batuko dute

Urruñako San Frantzisko Xabier ikastetxeak iaz  egindako “Pantailarik gabeko 10 egunen desafioaren” ondotik, aurten 4.600 haur, 18 herri eta 30 egitura ezberdin batuko dituen “Pantailarik gabeko desafioa” aurkeztu zuten joan den astean... [+]


Antxeta Irratiak Donostialdean emititu ahalko du, Espainiako Auzitegi Gorenak baimena berretsi ostean

Hego Euskal Herrian legalki arituko den euskarazko lehen irrati komunitarioa da. Lau urteren ostean, behin betiko erabakia hartu du epaileak.


Eguneraketa berriak daude