Antton Troitiño Auzitegi Nazionaletik igaro da eta espetxeratu egin dute

  • Antton Troitiño gaur pasa da Auzitegi Nazionaletik José De la Mata epailearen aurrean deklaratzera, eta berriz espetxera bidali dute. Pasa den ostiralean Espainiaratu zuten.


2017ko maiatzaren 08an - 11:38
Troitiño Londreseko irudi batean.

Goizeko 9:30ean zegoen aurreikusita adierazpena. Naiz-ek eman duen albistearen arabera “antolakunde terroristako kide” izatea leporatzen diote. Donostiarrak hamar minutu egon da epailearen aurrean, eta ez du deklaraziorik egin.

Troitiño maiatzaren 5ean, aurreko ostiralean Espainiaratu zuten Londresetik, eta ordutik Soto del Realgo kartzelan egon da. Apirilaren 28an onartu zuen Erresuma Batuak Troitiño Espainiaren esku uztea. Estradizioaren kontra jarritako helegitean, defentsak adierazi zuen Londresek ez zuela erabaki Troitiñok egindako asilo eskaeraren inguruan. Epaileak, baina, erabaki hori ez hartu izana argudiatu zuen presoa Espainiaratzeko arrazoi gisa.

ETAko kide izateagatik 24 urte eman zituen preso Troitiñok. Zigorra osorik beteta 2011ko apirilean geratu zen aske. Kartzelatik aterata, ihes egin zuen Auzitegi Nazionalak Parot doktrina aplikatuko ziolakoan. Ordutik, bi estradizio eskaera bota ditu atzera Londresek, baino azkena betetzea erabaki du. 2016ko abenduan atxilotu zuten eta ordutik preso egon da Erresuma Batuan.


Kanal honetatik interesatuko zaizu: Euskal preso politikoak
26 urteko espetxealdia atzean utzita aske da Iñaki Garces otxandiarra

Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.


Euskal preso eta iheslari politikoen aldeko jaialdia egingo dute Ezpeletan larunbatean

Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.


2024-01-15 | ARGIA
Espetxe politikan salbuespeneko arauak desagertzeko exijitu dute 68.000 lagunek Bilbon

Hamarnaka mila lagunek Bilboko kaleak bete dituzte larunbatean, euskal preso politikoen eskubideak betearazteko eskatzeko manifestazioan. Sarek gogorarazi du ez direla pribilegioak eskatzen ari eta azpimarratu du “euskal gizarte pluralaren ahalegina” ezinbestekoa... [+]


Eguneraketa berriak daude