Antisemita deitu dio Israelek Holandako telebista kate bati, Eurovisioneko abestiaren parodioa egiteagatik
Israelgo Armadak palestinarren aurka Gazan egindako azken sarraskia kritikatu du Nettaren abestiaren moldaketa batek.
Eurovision jaialdian garaile atera zen Netta abeslari Israeldarra. ‘Toy’ abestiaren doinu eta Nettaren jantzi antzekoak erabiliz, Holandako BNN-Vara telebista kate publikoko programa batek kantaren moldaketa egin du. Letran, ordea, Gazan Israelgo Armadak egindako palestinarren azken hilketa masiboa kritikatu dute. Horri erantzunez, La Haya-ko (Herbehereak) enbaxada israeldarrak “antisemita” deitu dio telebista kate holandarrari.
Bere aldetik, BNN-Varak adierazi du parodiak Israelen politika ezbaian jartzea zuela helburu eta ez dela judu komunitatearen kontrako erasoa. Zabaldutako komunikatu baten bitartez, argudiatu dute beraien asmoa eztabaida sortzea zela, satiraren bidez, Israelgo Armadak Palestinarren kontra Gazan egindako tiroketen gainean.
Hemen bideoa:
33.000 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.
Iranen eta Israelen arteko tentsioa areagotuz doa eta bi aldeek argi utzi dute parekoaren erasoari erantzun bortitz eta gogorrez erantzungo lioketela. Bizkitartean, Israelekiko babesa berretsi dute AEBek zein Europako Batasunak.
Maulen eta Baionan egon berri da Pierre Stambul, Palestinaren alde dabiltzan kolektiboek gomitaturik. Judu laikoa eta nazien genozidioa hurbiletik ezaguturikoa da, bere amaren alde guztia deuseztatu zutelako. Erresistente komunistak zituen gurasoak, aita Manouchian talde... [+]