Aņorga: 2.000 biztanleko auzoa multinazionalen jo-puntuan

  • Mc Donalds egun batzuetarako itxi izanaren poza zabaldu dute Añorgako auzotarrek, eta salatu dute auzoa multinazionalez bete diela udalak eta aldiz, oinarrizko zerbitzu publiko asko falta zaizkiela.

Estitxu Eizagirre @eeizagirre
2017ko uztailaren 03a

Ekainaren 29an ireki zuten Belartza Canterako Mc Donalds berria eta biharamonean itxi, herritarrek publikoki eginiko presioak salatu baitzuen jarduera baimena lortzeko beharrezko txosten guztiak ez zituela indarrean. Auzotarrek zabaldu duten oharrean salatu dute Eneko Goia Donostiako alkateak eta Enrique Ramos Hirigintza zinegotziak "alfonbra gorria jartzen" ari zaizkiela multinazionalen ereduari: "Zergatik utzi zioten Mc Donaldsi irekitzen? Zergatik aritu ziren joan den urtean Belartza Canterako obretan lanean, obra bera lizitatua izan baino lehenago? Donostiako Udalarengatik balitz eta presionatu ez bagenu, gaur Mc Donaldsek berriro irekiko zuen".

 

 

 

Mc Donaldsen irekiera egunean protestarako deia egin zuen irudia.

 

 

 

2.177 biztanle, dozenaka multinazional eta zerbitzu publikorik apenas

Añorgako auzotarrek kezka adierazi dute, 2.177 biztanle izanik auzoan duten multinazional kopuruagatik eta etor daitezkeenengatik: "DHL, Jorge Fernandez, Mercedes Benz, Decathlon, Mc Donalds, Coca Cola, Mercadona, Heidelberg Cement Group, Strong Wears, Sumelco, Ikor, Dürr, Thyssenkrupp... hauek errealitate dira dagoeneko, baina, Donostiako Udalak OASAko eraikinean 14.000 m2-ko beste poligono komertzial bat eraiki nahi du eta Goiko Belartzan, berriz, 210.000m2-koa". Añorgatarren beharrak ez daudela hornituta oroitarazi dute: "Añorgan ez dugu osasun etxerik, ez dugu kultur ekipamendu publiko bakar bat ere, kirol ekipamendu publikorik ere apenas. Herritarron beharrak asetzeko ezinbesteko diren horietan sekulako gabezia publikoa dago Añorgan eta Donostiako Udalak honen aurrean eskaintzen diguna poligono eta multinazional gehiago dira".

Kanal hauetan artxibatua: Hirigintza  |  Donostia  |  Enpresa transnazionalak

Hirigintza kanaletik interesatuko zaizu...
"Houstonen 'Harvey'k eragindako uholdeena hiri diseinu arazo bat da"

The Atlantic hedabidean Ian Bogostek hainbat adituren iritziak bilduz dio Houstongo uholdeak, hiri handietan gero eta usuago gertatzen diren besteak bezala, ekaitzak ekarri dien ur kopuru handiaren ondorioz baino gehiago gertatzen direla hiriek bere eraikuntza moduagatik urak ahalik eta arinen kanporatu nahiagatik. Ian Bogost Georgiako Teknologia Institutuan irakasle da eta publikatu duen azken liburua du Play Anything. Bere "Houston's Flood Is a Design Problem" artikuluaren... [+]


2017-08-02 | Xalba Ramirez
Donostiako Arroka kaleko frontoia eraitsi du Udalak

Amara auzoko frontoi enblematikoa eraisteari ekin dio Donostiako Udalak, hirigintza planean aldaketak egin ostean. Bizilagun elkarteen protesta zela eta galdeketa egin zuten joan den martxoan baina frontoia botatzearen alde agertu zen bozka eskubidea zuten bizilagunen gehiengoa.


Natura nola bizi eremu urbanoko ikastetxeetan

Ados, baso eskolak eta naturaz inguratutako ikastetxeak abagune paregabea dira pedagogia berdearen onurez gozatzeko, baina Euskal Herrian asko dira hiri eta eremu urbanoetan kokatuta, asfaltoa lagun duten eskolak. Horiek ere, ordea, uste baino gertuago dute bioaniztasuna bertatik bertara lantzeko aukera. Horren lekuko, artikuluaren bukaeran aurkituko dituzun esperientziak.


Bilbora sartzeko bidesaria?

Bilboko Udaleko Zirkulazio zinegotziak egin du proposamena orain egun batzuk, Bizkaiko hiriburuan kotxe pribatuen joan-etorriak murrizteko.


Umeek orube bat konkistatu eta jolas-parke bihurtu zutenekoa

Erabili gabeko orube publiko eta itxia izan da hogei urtez, Madril erdialdean, harik eta haurrek eremua okupatu eta jolasteko gune ezin hobe bihurtu duten arte. Arkitekto, diseinatzaile eta pentsalari taldea auzokideekin batera eremu horretan zer egin eztabaidatzen ari zirelarik, konturatu ziren umeak eurak, planifikaziorik gabe, gunea transformatzen ari zirela jada, jolastuz, esploratuz, bertako baliabideak baliatuz.


2017-06-11 | Unai Brea
Zementuaren aurrean, aitzurrak

2011n amaitu zuten Getxo eta Berango arteko Ibarbengoako metro geltokia eraikitzen, baina ez da sekula erabili. Oraingoz gauzatu ez den plan handiago baten parte zen geltokia: 8.000 etxebizitza landa izaerari eutsi dion eremuan, eta aparkaleku handia. Etxebizitzen proiektua alboratuta dago behin-behinean, ez ordea aparkalekukoa. Herritar talde batek sei urte darama hura egin nahi duten zelaian, egitasmoa geldiaraziz eta aldi berean bizimodu alternatiboa eraikiz. Ongi etorri Tosura.


Herri ekologiko izateko bidean Alegia

Hirigintza plan berritzailea martxan jartzera doaz Gipuzkoako udalerrian, eta helburu garbia du: herri ekologikoranzko bidea urratzea.


2017-06-06 | Xalba Ramirez
Tosuko landa zortzi egunean husteko agindu du Eusko Jaurlaritzak

Eusko Jaurlaritzak desalojo agindua helarazi die Tosuko zelaia (Getxo) okupatuta daukaten bizilagunei. Aparkaleku bat egiteko asmoa dago leku horretan, baina getxoztar talde bat aspalditik dago bertan finkaturik, proiektua geldiarazteko. Lekua husteko zortzi laneguneko epea eman diete. ARGIAk Tosu Betirako Asanbladari buruzko erreportajea kaleratuko du aste honetan.


2017-06-01 | Uriola.eus
Bilboko udaletxea inguratzeko deia egin dute, "auzoen abandonuak hil egiten" duela salatzeko

Bilboko Zorrotzan izandako ezbeherrak herritarrak mugiarazi ditu. Asteazkenean ehunka lagunek bilkura isila egin zuten Zorrotzako Taldeen Kordinakundeak deituta; sare sozialetan ekainaren 2an udaletxea "inguratzera" deitu dute ezezagunek.


2017-05-18 | 52 milimetro
Moskuren agurra

Lehenengo begiradan paradisuzko hondartza baten ondoan dagoena dirudi. Baina ikusten dugun logela hustu eta hondatua Moskukoa da. Laister, udalak Sobietar Batasunaren garaian eraikitako 4000 etxebizitza inguru eraitsiko ditu.


Eguneraketa berriak daude