Laborariok, animalien ongizatea zaintzen aintzindari

  • Hortxe ditugu zain arditegiko aska puntetan gatuak, noiz beteko diegun gatilua, bildotsek utzi esne ondarrak deizten ari garelarik ardieri. Ez ditugu perekatzen guk gatuak, ezin erran maite ditugunik eta nork daki haiek maite gaituztenik?

Mikel Hiribarren / Laborari
2017ko abenduaren 04a
"Gatuak artaldearekin eta gurekin bizi dira. Bakanago dira saguak gure arditegian, kanpoetan ibiltzen dira saguka gure gatuak, baratzekoak eta pentzetakoak ihiztatzen dituzte".

Artaldearekin eta gurekin bizi dira. Zaintzen gaituzte naski ardi ilortze gaitz batzuetarik. Ihiztariak dira bestela, saguak dituzte hazkurri. Bakanago dira saguak gure arditegian, kanpoetan ibiltzen dira saguka gure gatuak, baratzekoak eta pentzetakoak ihiztatzen dituzte. Noizean behin xoriak ere kilikatzen dituzte. Garbitasun ederra atxikitzen daukute etxe inguruan guri gatuek, xerri artekiaren kailua eta gasnaren azala ere merezi baitituzte.

Hainbat gaixto haatik etxaldeko gatuak noiznahi umaldi berriarekin agertzen badira. Zerbait egin behar da hamaika gatume izan ez dadin, gasna azalak, arteki kailuak eta esne oporrak gutiegi izan aintzin. Emeak agorrarazi, umeak kalitu edo arrak suntsitu, bakotxak atxik beza bere ikuspegia, baina natura bereber ibiltzerat ez daiteke utz!

Hemeretzigarren mendearen erditsutan agertu omen ziren animalen ongizatea gerizatu nahi zuten mogimenduak. Orduko andereak ziren karrosak tiratzen zituzten zaldien zorteaz axolatu, hauk harat eta hunat erabiltzen baitziren bidez bide, askotan erdi goserik eta leher egin arte… orduan lanerako eta gudurako baizik ez baziren zamariak, geroztik aldatu da hauen zortea, ausagailu eta bizilagun bihurtuak baitira, erdi sakratuak.

Animalen ongizatearen aldeko sukarra bero beroan dugu jendartean azkeneko denbora hautan. Jende baino zakur eta gatu gehiago bada Frantzia bezalako herrialde batean. Hiriko jende askok guziz arroztuak dituzte baserrietako kabalak, beren eguneroko bizilagun diren zakur ala gatuekilako harreman bitxi hori besterik ez dutela ezagutzen. Horregatik dute animalen ongizatearen marra nunbait gora ezartzen herritar frangok, beren haurrak bezala dauzkate alabainan etxean bizikide dituzten abereak.

Hor debru, animalen ongizatearen mogimendu horren itzalean agertu da berriki indar berri bat, hazkuntza guzia suntsitu nahi duena. Hauek diote  kabalen heztea sekulako menperakuntza izan dela gizonen eskutik. Hauek diote oraino animalen libratzeko borroka dela helburu nagusia. Dioten bezala gizonak izan direla ikaragarri krudelak eta beraz ordu dela animalen dretxo guziak eskuratzeko. Irakurleak ezagutuko ditu hemen gure hiltegietan sartu diren militanteak.

Utopia eta amets orokor nagusiak hurtu egin direlarik jendartean, ahuldu direlarik zeruetako loriak eta gizarte berdintzalearen zoriak, abereen askatasunaren aldeko ideologia mentsak bere bidea urratzen ari du, hazkuntza guziak suntsitu nahi dituela, haragi jatea ere debekatu nahi duela hazkuntzak ekartzen dituen ekoizpen guziak bezala. Galdu ditugu zedarriak, jainkoetarik eta abereetarik berexten gintuztenak, derauku Christian

Wolff filosofoak. Alde batetik erdi jainko egin nahi gaituzte, teknikaz heriotzaren gainditzeko menturan sinesten dutenek, ukatuz abereen parekoak girela gorputzez. Bestaldetik, aberezaleek abere guzien berdinak girela uste dute, eta beraz abere guzientzat gizakien dretxo berdinak nahi dituzte. Bi ikuspegien artetik, lehen bait lehen kausitu behar gizabide berria, emazte eta gizon begiratzen gaituena, ezta abere xoil, ezta jainkoen pare.

Ozen derauku Wolff-ek laborari eta kabala hazleei, hazkuntza suntsitu nahi duteneri buru egiteko, izan gaitezela gu animalen ongizatea zaintzen dutenen aitzindariak. Nun dira hobeki gure ardiak pentze eta bortuetan alha baino, etsaietarik eta gaitzetarik zaintzen ditugula, uzten daukuten mozkinaren alderat? Nun dira hobeki gure gatuak, belar punpulen artetik ihiztari etxaldetan, ala bizitegi hetsietan dena ile eta dena xitxi?


Animalien eskubideak kanaletik interesatuko zaizu...
Ehiztariak eta animalien eskubideen aldekoak kalera aterako dira igandean

Espainiako Estatuko ehiza federaziek manifestazioa deitu dute Estatuko 50 hiritan domekarako, ehiza “bizimodu” gisa defendatzeko. Hego Euskal herriko ehiza elkarteek bat egin dute deialdiarekin eta manifestazioak antolatu dituzte domekan Donostian eta Bilbon. Honi erantzunez, Askekintza talde antiespezistak animalien bizitzeko eskubidea aldarrikatzeko manifestaziora deitu du igande arratsaldean Donostian.


Zizur Nagusian herri galdeketa bidez erabaki dute bigantxak jaietan ez erabiltzea

Herri-galdeketa izan dute asteburuan Nafarroako Zizur Nagusian bigantxak festetan izan nahi ote dituzten jakiteko. 2.219 lagunek eman dute botoa; 1.135 herritarrek ezezko botoa eman dute. 


2018-02-27 | ARGIA
Euskal Herriko festa animaliadunen inguruko dokumentalaren trailerra kaleratu du Askekintzak

Lau urteko lanaren ondorio da “Gurean” dokumentala. Askekintzako hainbat aktibistek Euskal Herriko festetako irudiak grabatu dituzte, herrietako jaietan animalien erabilera salatzeko. “Gurean” martxoaren 23an estreinatuko dute Donostiako Trueba zineman. Trailerra kaleratu dute, aperitibo gisa:


Ehiza eta nekazaritza industrialaren eragina
Borneoko orangutanen erdiak azken 16 urteetan hil dira

The New York Times-ek jaso duenez, Asiako hego-ekialdeko Borneo irlan 150.000 orangutan inguru desagertu dira 1999 eta 2015 artean, lehenago zeudenen erdia.


Bere burua atxilotzen duen animalia bakarra

Garapenaren izenean, munduko espezie guztiak, salbuespenik gabe, menpeko hartu eta merkantzia bilakatu ditugu. Jaten ditugu, janzten ditugu, gozamen  pertsonalerako ehizatu ala giltzapetzen ditugu, zientziaren izenean barrabaskeriak egiten dizkiegu, gure hutsune emozionalak betetzeko bere ingurunetik erauzi eta gure bizimodura behartzen ditugu… Gizakiok naturatik etekina ateratzea (elikadura, eraikuntza, medikamentuak, lanabesak, energia…) zilegia eta ezinbestekoa da, baina... [+]


2018-01-23 | Sustatu
Beste 1.800 animalia espezie desagertzeko arriskuan

Naturaren Kontserbaziorako Nazioarteko Erakundeak (UICN) arriskupean dauden animalia eta landare espezieen zerrenda argitaratzen du urtero. Azken urtean beste 1.800 espezie gehitu dituzte "arriskupean" kategoria horretara eta dagoeneko 25.800 espezie dira betiko desagertzeko dauden animalia eta landareak.


2018-01-11 | Arabako Alea
Legealdi honetan ez da zezenketarik egingo Gasteizen

Bigantxak egiteko aukera zabalik utzi du udal gobernuak; baldintza agiria egingo duela iragarri du Kultura zinegotzi Estibaliz Cantok.


2017-12-21 | ARGIA
"San Tomas eguneko animalien sarraskia" salatu du Askekintzak Donostian txerriaren kaiola blokatuz

Donostiako Plaza Berrian Askekintzako hamabi kide Ursula txerria sartu duten kaiola blokatzen aritu dira desobedientzia zibilez, goizean goiz joan eta bertan sartuta. 30 minutuz izan dira bertan eta erresistentzia pasiboko jarrera hartu dutenez, Udaltzaingoak arrastaka atera behar izan ditu.


2017-10-31 | ARGIA
"Jardunaldi Antiespezistak" antolatu ditu Askekintzak asteazkenerako Hernanin

Ekintza antiespezistaren nazioarteko astea dela eta, ekitaldi eta ekintza ugari antolatu ditu Askekintzak, tartean, Hernaniko Kontrakantxa Gaztetxearekin batera antolatu dituzten Jardunaldi Antiespezistak. Azaroaren 1ean izango dira, beganismoaren nazioarteko egunean.


2017-09-05 | Uriola.eus
Bilboko Piztiak konpartsa: "Etorkizuna zezenketarik gabeko hiria da"

Piztiak konpartsako Ane Ligero eta Loreto Errazti txupinera ohia irmo mintzatu dira Bilbon oraindik ere jasotzen diren animaliadun ikuskizunen inguruan. Pribilejioak eta Udalaren eta erakundeen pasibotasuna kritikatu dituzte.


Azkenak
EGILEA
Eguneraketa berriak daude