Animaliak hil ala ez jateko?

Hiribarren: "Elkartzen dira laborantza industriala eta hazkuntzaren kontrakoak"

  • “Kabalen hiltzea gelditu behar dea jateko?” izenburupean, 2016ko Lurrama feriaren baitan hiru mintzalari kualifikatu ari izan dira baserrietan hazitako animalien ongizateaz eta hiltzeaz baina ere hazkuntzaren tokiaz. Mauleko hiltegiko bideo famatuak nekazariei eragindako kalteei erantzun beharrak mugituta, hitzaldia sustatu dute baserri txikien lana sustatzen duten ELB, Euskal Herriko Laborantza Ganbara, Biharko Lurraren Elkarteak eta Idokik. Bigarren lekukotasuna, Mikel Hiribarren Itsasuko (Lapurdi) abeltzain eta Confederation Paysanneko idazkari nagusia.

Laborari
2016ko abenduaren 06a
Mikel Hiribarren: " Erakutsia dugu animalien artatzen badakigula zuzeneko lokarria badugunean gure kabalekin"."

Kabalen ongizatea bereganatu behar dugu guk laborariek. Ongizatearen arloan aipatzen da erreglamendu barnean hobetzeko gauzak : oiloen kaiolen eremua handituz, aratzeak multzoan haziz, etab.

Hauek denak ez dira gaitza konpontzen duten aterabideak. Guretzat gaitza da zinez hazteko molde industriala nagusitzen ari dela gure eskualdeetan. Animaliak batzuk besteen gainean dira, beti barnean dira, anitz dira, kontzentratuak, laster haziak, gutien bat higitu gabe; kantitateak ekoiztu behar dira merkatuak hola irabazten baitira, ahal den merke haziz kabalak. Sistema hau guzia guztiz kaltegarria da gure laborantzarentzat, prezioa apalak baitauzka eta biziki kaltegarria da ere animalien ongizatearentzat.

Hazkuntza molde horiek gure hazkuntza guztiaren kritikan jartzen ditu herritar batzuk. Ezagutzen balute hobeki beste hazkuntza moldeak badirela, eta zein baikorrak diren jendartea, lurra eta klimarentzat, arras bestela arrazonatuko luketela pentsatzen dugu. Kalte handiak egiten dauzkute kondenan ari direnek: laborantza industriala eta hazkuntzaren kontrakoak borroka berean elkartzen dira azkenean. Gure laborari eta animalien arteko lokarria hausteko helburua dute eta horretan daukute minik handiena egiten. Guk uste dugu laborantza herrikoi eta iraunkorrak duela gehienik ihardesten jendarteak nahi duenari eta animalien ongizateari. Erakutsia dugu animalien artatzen badakigula zuzeneko lokarria badugunean gure kabalekin. Orduan dira kabalak osagarrian eta gu ere trenpu onean.

Laborariak bizi dira beren animaliekin, sortzen ikusten dituzte, bizitzen laguntzen dituzte. Azken gune hori, hiltzeko orduarena, askoz ilunago da bistan da. Gaurko egunean ez da laborarien esku. Europako lege horren menpe gira. Austrian ikusi dugu behiak etxetan hiltzen ahal direla, gero haragia saltzeko. Bada legearen egokitzeko moldea beraz. Etxean hiltzearen eskakizun horretan ez gira mugatzen, nahi dugu ere hurbileko hiltegiak izan ditezen leku guzietan.

Gai beraren inguruan ikusi: Animaliak hil ala ez jateko? (1). J. Porcher: "Abelazkuntza eta abere produkzio industriala ondo berezi"

Kanal hauetan artxibatua: Animalien eskubideak  |  Laborantza

Animalien eskubideak kanaletik interesatuko zaizu...
2017-10-31 | ARGIA
"Jardunaldi Antiespezistak" antolatu ditu Askekintzak asteazkenerako Hernanin

Ekintza antiespezistaren nazioarteko astea dela eta, ekitaldi eta ekintza ugari antolatu ditu Askekintzak, tartean, Hernaniko Kontrakantxa Gaztetxearekin batera antolatu dituzten Jardunaldi Antiespezistak. Azaroaren 1ean izango dira, beganismoaren nazioarteko egunean.


2017-09-05 | Uriola.eus
Bilboko Piztiak konpartsa: "Etorkizuna zezenketarik gabeko hiria da"

Piztiak konpartsako Ane Ligero eta Loreto Errazti txupinera ohia irmo mintzatu dira Bilbon oraindik ere jasotzen diren animaliadun ikuskizunen inguruan. Pribilejioak eta Udalaren eta erakundeen pasibotasuna kritikatu dituzte.


2017-08-02 | Lander Arbelaitz
Azpeitiko zezen plazaren "alde iluna" azaleratu du Askekintzak argazkien bidez

Azpeitiko San Inaziotan zezenketak antolatu dituzte urtero legez. "Ezkutatu nahi duten errealitatea" erakutsi nahi izan du Askekintzak ARGIAra igorritako argazkiekin. "Indarkeria espezista bortitzaz gain, euskal jendartean indarkeria espezistaren normalizazio kezkagarria islatzen da" beren ustez.


Untxi bati ostikoa emanez bideoa grabatu duen gizona aurkitu nahi dute

"Cristiano Ronaldo!" oihukatuz bizirik dagoen untxi bati sekulako ostikoa ematen dion gizona harrapatzeko asmoz, Espainiako fororik jendetsuenean zabaldu dute bideoa. Espainiako Poliziak ere bat egin du mezuarekin, animalien aurkako tratu txarra leporatu diezaiokete-eta.


"Ez ditugu kaiola handiagoak nahi animalientzat, kaiolak desagerraraztea baizik"

Entzierroa, sokamuturra, idi-dema, asto lasterketa… Jaiekin batera, asko dira animaliekin ikuskizunak antolatuko dituzten herriak. Eta uda honetan ere, kanpaina abiatuko du Askekintza animalien askapenaren aldeko Donostialdeko taldeak, animaliak aisialdirako, jateko edo gure probetxurako erabiltzea ez dela zilegi aldarrikatuz.


"Festak ospatu animaliak askatu" lemapean ekimenak iragarri ditu Askekintzak udarako

Animalien askapena aldarrikatzeko kanpainari ekingo dio Askekintzak herriko festak hasiak diren honetan. Hernanin eta Errenteria-Oreretan egin asmo dituzten ekintzen berri eman dute.


2017-06-21 | Uriola.eus
Ehunka lagunek animaliak erabiltzen dituzten ikuskizunen kontra egin dute

Asteburuan Piztiak konpartsak deitutako manifestazioan jende andana bildu da animaliak erabiltzen dituzten ikuskizunak salatzeko. Ekitaldiaren amaieran Naxako geltokian abolizioa aldarrikatzen duen pankarta eskegi dute.


2017-06-20 | Uriola.eus
Ehunka lagunek animaliak erabiltzen dituzten ikuskizunen kontra egin dute Bilbon

Asteburuan Piztiak konpartsak deitutako manifestazioan jende andana bildu da animaliak erabiltzen dituzten ikuskizunak salatzeko. Ekitaldiaren amaieran Naxako geltokian abolizioa aldarrikatzen duen pankarta eskegi dute.


2017-05-03 | Axier Lopez
Zezenketak dinosaurioen arora bidal ditzagun

Zezenketen abolizioaren aldeko borroken Frantziako federazioaren azken bideoa asko zabaltzen ari da sarean. Eta egia esan, bideoa ikusita, nekez geratuko zara indiferente mezua, irudiak eta efektu bereziak ederki josi dituztelako bideo labur batean. Bideoaren mezu laburrak euskaratuta ekarri dugu bideoa gurera.


Galdeketa egin arte zezenketak gelditzeko eskatu dute Donostian

Donostia Antitaurina Orain plataformak eskatu dio Donostiako Udalari herri galdeketa egin arte zezenketak bertan behera utz ditzala “badaezpada”.


Azkenak
EGILEA
Eguneraketa berriak daude