Angelu ere elkargo bakarraren aurka

  • Ez da ustekabekoa izan: Angeluko hautetsien gehiengoak herri elkargoaren aurka bozkatu du. Bosgarren herria da jarrera hori hartzen, eta Ipar Euskal Herriko bi hiri handienetakoak daude horien artean: Miarritze eta Angelu. Ezezkoaren aldeko biztanleriaren kopuruak nabarmen egin du goiti azken egunetan. Miarritzeko 32.000 herritarrei Angeluko 39.184 gehitu zaizkie: 71.184.


2016ko apirilaren 12an - 09:39

Bart egin zuten bozketa, sekretuan: 35 hautetsik egin zuten hirigune elkargo bakarraren aurka, eta hiruk soilik alde. Bakarrak zuri bozkatu zuen. Bozak eman aurretik gaia eztabaidatu zen, eta Claude Olive auzapeza irmo agertu zen elkargo bakarraren aurka. Honako argudioak aipatu zituen, besteak beste: “Elkargo bakarraren proposamenean irizpide demografikoak ez dira aintzat hartu izan”. Halaber, federazio baten aukera lehenesten duela esan zuen Olivek, "Metropoli poloa adibidez”.

Angeluk irailean aurre-bozketa egin zuen. Olive auzapezak atzo agertu zuen jarrera tinkoak orduan baino boz gehiago ekarri du herri elkargoaren aurka. Sandrine Derville, Sylvie Laplace eta Jean-Louis Dulacek eman zituzten elkargo bakarraren aldeko boto bakarrak.

Bestalde, Montorik (Zuberoa) eta Landibarrek (Baxenabarre) ezetz bozkatu zuten iragan asteburuan. Haatik, aurkako bozak ez dira baiezkoaren gainetik jarri. Aldekoak, uneon, 124.000 baino gehiago dira. Iragan egunetan, Arbona, Heleta, Ezpeze-Ürdürein, Mendibe, Lekorne, Duzunaritz eta Ainharbe herriak herri elkargoaren aldekoak dira. Baiezkoaren aldekoak, besteren artean.


Kanal honetatik interesatuko zaizu: Euskal Elkargoa
2023-11-09 | Euskal Irratiak
Europako 10 milioi euro zuzenean kudeatuko ditu Euskal Hirigune Elkargoak

Lehen aldia izanen da Europako funtsak zuzenean kudeatzen ahalko dituela Euskal Hirigune Elkargoak, Akitania Berriko eskualdearen esku hartzerik gabe. 10,8 milioi euroko diru-funtsa izanen da, 2024 eta 2027 artean baliatu beharrekoa.


2023-07-18 | Ilargi Manzanares
Ipar Euskal Herriko hondartzetako dutxak itxiko dituzte, ur kontsumoa murrizteko

Euskal Hirigune Elkargoko kontseiluak proposatutako Idorte Planaren neurrietako bat da. Neurriaren lehentasunaren eta osasun-ondorioen inguruko kezkak areagotu dira.


2023-03-21 | Euskal Irratiak
Etxebizitza eskumen handiagoa galdegin dio Elkargoak Parisi

Botere eta diru laguntza gehiago galdegin dizkio Euskal Hirigune Elkargoak Frantziako Gobernuari, lekuko etxebizitza politika azkar bat abiatzeko. Horretarako, AOH Etxebizitza Antolatzeko Autoritatea bilakatu nahi luke.


Isabelle Pargade (Euskal Hirigune Elkargoko presidenteordea)
“Nahiago nuke laborari gehiago, herritar gehiago baino, baina nola egiten da hori?”

Euskal Hirigune Elkargoan elikadura eta laborantzaren ardura du Isabelle Pargadek. Laborantza lurren desagerpenari buruz galdetu dio ARGIAk, eta lehen sektorearen funtsa guzion plateretan ageri denez, elikadura burujabetzaz hitz egiten bukatu dugu.


Etxebizitza turistikoen konpentsazio neurria indarrean jarri dute Ipar Euskal Herrian

Lapurdi kostaldeko 24 hirietan etxebizitza turistikoa alokatuz gero, jabeak ondasun bat gehiago eskaini beharko du iraupen luzeko alokairu kontratupean, hiri berean eta azalera baliokidearekin.


Eguneraketa berriak daude