Angel Berruetaren omenaldian izango da Nafarroako Gobernua

  • Angel Berrueta 2004ko martxoaren 13an hil zuten. 11-M atentatutik bi egunera, 61 urteko okinak uko egin zion bere dendan ETA ez zioen kartela jartzeari; horren aurrean, Berrueta tiroz eta labankadaz hil zuten Espainiako polizia Valeriano de la Peña eta haren semeak.


2016ko martxoaren 11n - 12:43

Berroeta hil baino bi egun lehenago 11-M atentatua izan zen Madrilen, eta Espainiako agintarien salaketek ETA zuten jo puntuan, erakundeak ekintzaren egikaritza aitortu ez zuen arren. Atentatuen atzean talde islamista bat zegoela frogatu zen hurrengo egunetan.

Igandean 12 urte beteko dira giro nahasi horretan Angel Berrueta hil zutela. Iruñeko Donibane auzoan egingo diote omenaldia eta Nafarroako Gobernuko ordezkaritza bertan izango da, lehenengoz. Orain arteko UPNren gobernuek uko egin izan diote omenaldian parte hartzeari.

Angel Gogoan taldeak eskatuta, Iruñeko Udalak motibazio politikoko biktima gisa aitortu zuen Berrueta, PSN eta UPNren aurkako botoekin. Hala ere, taldeko kide Leire Martinezek Berriari eskainitako elkarrizketan azaldu du “PSNk ez bezala, UPNko Maria Caballero zinegotziak hizketaldi polita egin zuela, Berrueta motibazio politikoko biktima denik onartu ez zuen arren”. Mozioak boto bakarreko aldearekin egin zuen aurrera. Geroa Baiko zinegotzi batek ezin izan zuen bozkatu, auziaren epaiketan, hiltzaileetako baten ofiziozko abokatu izan zelako. Martinezek izendapenaren garrantzia azpimarratu du: "Angel [Berrueta] ez da itzuliko, baina familiak eskubidea du aitortza hori jasotzeko. Beste biktima bat izan da bera; ez da beste inor baino gehiago, ezta gutxiago ere”.


Kanal honetatik interesatuko zaizu: Estatuen biktimak
Estatuaren biolentziaren 41 biktima onartze bidean da Nafarroako Gobernua

Asteazken honetan prozesu horren berri eman du Martin Zabalza motibazio politikoko Biktimen Aitortzarako eta Erreparaziorako Batzordeko lehendakariak. Ostegunean, Egiari Zor Fundazioak eta Nafarroako Torturatuen elkarteak pauso garrantzitsua dela adierazi dute Iruñean... [+]


2024-01-24 | Ahotsa.info
Nafarroako Auzitegiak atzera bota du 1978ko Sanferminetako gertaeretako helegitea eta elkarteak berriro aurkeztuko du kereila

Sanfermines-78: gogoan! elkarteak, German Rodriguezen ahaideek, 1978ko sanferminetako gertaeretan larriki zauritutako pertsonak eta Iruñeko Peñen Federazioak 2019ko urtarrilean kereila bat paratu zuten 1978ko sanferminetan, Iruñean, jazotako poliziaren... [+]


Torturatu eta hil zituztenetik 40 urtera, Zabala eta Lasa ez dituzte oraindik terrorismoaren biktimatzat hartu

Datorren igandean, urriaren 15ean, beteko dira 40 urte GALek Joxean Lasa eta Joxi Zabala Baionan bahitu zituela. Guardia zibilek torturatu eta hil ondoren, oraindik ez dituzte terrorismoaren biktimatzat hartu.


2023-09-26 | Axier Lopez
Xabier Kalparsororen hilketa argitzen laguntzeko egitasmo herritarra aurkeztu dute

Gaur 30 urte Espainiako Poliziaren eskuetan hil zen Xabier Kalparsoro Golmaio militante zumaiarra. Anuk.eus webgunea zabaltzearekin batera ekitaldia egingo dute gaur, irailak 26 . Ekimena bultzatu duen Hegiak elkarteak dioenez, urteak beste zalantza daude Anuken heriotza... [+]


Eguneraketa berriak daude