Espainiako Kultura eta Kirol Ministerioak ematen duen Arte Plastikoen Sari Nazionala irabazita, 30.000 euroko diru ekarpena jasoko du Badosek.

Madrilgo Arte Ederretako Eskolan ikasi zuen eskultore nafarrak, eta ondoren irakasle aritu zen Nafarroako Arte eta Lanbide Eskolan eta Bilboko Arte Ederretako Fakultatean. Halaber, 1990eko hamarkadan tailerrak eman zituen Artelekun, Txomin Badiolarekin batera. Lehen erakusketa 1975ean egin zuen Iruñean.

Saria ebatzi duen epaimahaia osatu dute, besteak beste, iazko irabazle Angela de la Cruzek, Estrella de Diego arte katedradunak, Blanca de la Torre komisarioak eta Karin Ohlenschlager arte komisario eta kritikariak.