“Herritarren Oinarrizko Errentaren finantziatzearen problema ez litzateke aberastasunak ekoiztea, aberastasunak banatzea baizik. Edozein kopurutakoa izanda ere, Herritarren Oinarrizko Errentak aldaketak eskatuko lituzke gaur egungo karga fiskalaren banaketan”.

(…)

“Herritarren Oinarrizko Errenta ez da gaitz guztiak sendatzen dituen edabea, ez da sistema kapitalistaren logikari lotutako problema guztien erantzuna (…) Oinarrizko Errenta Unibertsalak ez luke soldatak jaistea ekarriko, lanbide arteko gutxieneko soldata mantendu beharko litzatekeelako, baita handitu ere. Kontrako efektua izango luke; langileak enpresarioaren aurrean daukan boterea indartzen duenez, bereziki penagarriak diren jarduerek soldata hobeak izango lituzkete”.

(…)

“Laburbiltzeko, Herritarren Oinarrizko Errentak honako abantailak ditu baldintzapeko diru-laguntzen aldean: %100eko estaldura ezartzen du, kontrol umiliagarriak ezabatzen ditu, pobreziaren estigmatizazioa errotik kentzen du, administrazioari kostuak aurrezten dizkio, erraz kudeatzen da, autoenplegua bultzatzen du, baita lanaldi partzialak ere, lan boluntarioa kontuan hartzen du eta etxeko lanari ere bai, iruzurra desagertzen da eta pobreziaren tranpa gainditzen du, baita langabeziarena ere”.

Informazio gehiago:

Herritarren Oinarrizko Errentari buruz gehiago jakin nahi baduzu, irakurri ARGIAren 2.206. zenbakian gaiari buruz idatzitako erreportajea.