Irailaren 27ko hauteskunde autonomikoetan gizarte zibileko pertsonez soilik osatutako zerrenda aurkeztea adostu du Kataluniako Asanblea Nazionalak.
Artur Mas Generalitateko presidenteak eskatu zuen hauteskundeetara mugimendu independentista guztia bilduko duen zerrenda aurkezteko. Eskari horri erantzuna emanez, eta “eztabaida autonomikoetatik haratago” joateko helburuarekin, ANCk politikaririk gabeko zerrenda aurkeztea onartu du, gizarte zibileko pertsonez soilik osatutakoa.
ANCk zabaldutako komunikatuan adierazi du zerrendak Kataluniako gizarteko sentsibilitate ideologiko anitzak bildu beharko dituela, eta “prozesu independentistak segurtasun juridiko eta nazioarteko errekonozimendua” izateko pausoak eman beharko dituela: “Independentziaren aldeko zerrendak indar subiranisten eta gizarte zibilaren batasunaren isla izan behar du”.
Ominum Culturalek egin zion politikaririk gabeko zerrenda aurkezteko proposamena Asanblea Nazionalari. Hasiera batean zalantza handiak izan badituzte ere, luze joandako bileraren ostean, onartu egin dute.
Urtarrilean ERC eta CDC alderdiek zerrenda ezberdinetan aurkeztea erabaki zutenean alde batera gelditu zen independentziaren aldeko hautagaitza bateratuaren aukera. Azken erabaki horrekin, ordea, irailaren 27rako ehun egun baino gutxiago gelditzen direnean, aldatu egin da hauteskundeei begirako mapa Katalunian.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]