ANCk eta Ómniumek igandean argituko dute kontsulta berriaz duten jarrera
ANC eta Ómnium elkarteek igandean Bartzelonako Catalunya plazan egingo den ekitaldian zehaztuko dute azaroaren 9ko kontsultaren aurrean zein jarrera hartuko duten. Independentziaren aldeko alderdien batasuna indartzea da euren nahia.
Kataluniako azken gertakari politikoek garrantzi berezia eman diote igandeko ekitaldiari. Kontsultaren aldeko alderdien ezadostasunak eta kontsultaren beraren izaera-aldaketa medio, Diadako V erraldoia egitera deitu zuten erakundeek erabakiak hartu beharra ikusi dute.
Bi erakundeek gidatu dute Katalunian azken urteetako mugimendu sozial independentista, eta mugimendu antolatu hori "inoiz baino elkartuago" mantentzea da orain xede nagusia, Vilawebek dioenez.
Zerrenda bateratua eta sinadura bilketa, proposamen posibleak
El Punt Avuik jaso duenez, hauteskunde plebiszitarioetarako zerrenda bateratu bat proposatu dezakete, independentziaren aldeko alderdi guztien ordezkaritzarekin.
Zerrenda horrek aldebakarreko independentzia aldarrikapena izan dezake bere programan.
Bestetik, Vilaweben arabera, ANCk azaroaren 9an sinadurak bildu nahi du, Espainiako Gobernuak kontsultari ezarritako oztopoak salatzeko. Erkidegoko instantzietan ekintza demokratiko bat askatasunez egiteko babesa eskatu nahi du sinadura horien bidez.
12:30ean bilduko dira igandean, eta ekitaldi jendetsua izatea espero da. Carme Forcadell eta Muriel Casals ANC eta Ómniumeko zuzendariez gain, alderdi politikoetako ordezkariak ere izango dira.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]