Amnistiaren aldeko manifestazioa Auzitegi Nazionalera eramanen dute
Larunbatean Bilbon egin dute manifestazioa “Amnistiaren aldeko eta errepresioaren aurkako mugimenduak” deituta. Espainiako Gobernuaren EAEko ordezkari Carlos Urquijok salaketa jarriko duela adierazi du.
Manifestazioaren ondoren irakurritako komunikatuan “terrorismoa goratzea” leporatu die Urquijok antolatzaileei. 2.500 lagun inguruk hartu zuten parte manifestazioan, antolatzaileen arabera.
Maiatzean publiko egindako mugimendua
Maiatzean egin zuten publiko “Amnistiaren aldeko gutuna” Amnistiaren Aldeko eta Errepresioaren Aurkako Mugimenduaren blogean eta beste hainbat komunikabidetan. 93 euskal preso eta iheslari politiko oihek sinatu zuten idatzia lehen momentu hartan, eta gerora 141era iritsi dira atxikimenduak.
Filipe Bidart mugimenduko kideak Berrian argitaratutako artikuluan adierazi zuen amnistiaren aldarriak gaur egun ere zilegitasun osoa duela eta Euskal Herri osoan zabaltzea nahitaezko dela: “Amnistia eta giza eskubideen aldeko borrokak edo askatasuna lortzeko urratsak ez dira kontrajarriak, elkar osatzen dute, batek bertzea indartuz”, adierazi zuen.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.