Amiantoz kutsatutako arropak garbitzen zituen emakume baten heriotzagatik, lehen zigor-epaia Euskal Herrian

  • Bergarako auzitegiak Arcelor Mittal zigortu du hildakoaren seme-alabei 71.519 euro ordaintzera. Amiantoak eragindako heriotzen %11 gisa bereko kasuengatik izan ohi da.

Urko Apaolaza Avila @urkoapaolaza
2015eko urriaren 27a
\'La Plaza de la música\' amiantoari buruzko dokumentalean gai kantzerijenoaren fibrak neurtzen.

Amiantoaren kaltetuek daramaten borrokan epai garrantzitsua kaleratu du Bergarako laugarren instrukzio epaitegiak. Arcelor Mittal enpresa zigortu du, frogatutzat emanez amiantoak hil zuela arropak etxean garbitzen zituen langile baten emaztea, enpresak ez zuelako neurririk hartu.

Epaiketa joan den irailean izan zen eta enpresa saiatu zen bere erruduntasuna saihesten, esanez gertaera preskribituta zegoela, eta edozein kasutan Bergarako bere lantegiko labe garaietan ez zela amiantoa erabiltzen eta emakumeak ez zuela laneko arropa garbitu.

Baina epaileak atzera bota ditu horiek denak eta frogatutzat eman du Arcelor Mittalek amiantoarekin lan egin zuela eta ez zuela neurririk hartu legeak zioen bezala arropa lantegian garbitu zedin, eta ez etxean. 2011n hildako emakumearen minbizia amiantoarekin izandako kontaktuagatik baino ezin izan zela sortu ere dio epaileak eta enpresa zigortu du haren seme-alabei 71.519 euro ordaintzera.

Atea zabaltzen duen epaia

Kausa-efektu hori egiaztatzen duen jurisprudentzia badago jadanik, urtarrilean Espainiako Uralita enpresak lau emakume indemnizatu behar izan zituen arrazoi beragatik. Nolanahi ere, Euskal Herrian lehen aldia da halako kasu bat epaitegietan zigortzen dena, eta atea zabal dezake salaketa gehiago jar daitezen.

Hamarkadatan, amiantoarekin lan egiten zuten fabrika askotako langileek arropa zikinak etxera eraman eta euren emazteek garbitzen zituzten, asbesto edo amianto hautsa arnastuz. Pleurako minbiziaz edo mesoteliomaz gaixotutako emakumeok ukapen bikoitza izan dute orain artean: langile izatearena eta biktima izatearena.

Eusko Legebiltzarrean ekainean onartutako ponentzia baten arabera amiantoaren ondorioz hildakoen %11 langileen senideak dira. Ponentzia horrek proposatzen du amiantoaren biktimentzako konpentsazio funts bat osatzea, hauts hilgarria etxean arnastu zutenak edota ingurumeneko kutsadura jasandakoak ere kontuak hartuko lituzke.

 

Kanal honetan artxibatua: Amiantoa

Amiantoa kanaletik interesatuko zaizu...
2017-11-05 | Juan Mari Arregi
Amiantoak 4.000 langile hil ditu jadanik

Duela urte batzuk pentsatzen zen amiantoarena esajerazioa zela, produktu kantzerigeno horrek hurrengo hamarkadetan milaka lagun hilko zituela esaten zenean.


2017-10-22 | Andoni Mikelarena
Amiantoaren biktimek konpentsazio funtsa izango dute 40 urteren ostean

Eusko Legebiltzarrak bultzatu du lege proposamena, aurreko agintaldian Gasteizko parlamentuan onartu ostean. PP abstenitu egin da eta gainontzeko alderdiek aldeko botoa eman dute.


2017-10-11 | Andoni Mikelarena
Amiantoaren biktimek konpentsazio funtsa izango dute 40 urteren ostean

Eusko Legebiltzarrak bultzatu du lege proposamena, aurreko agintaldian Gasteizko parlamentuan onartu ostean. PP abstenitu egin da eta gainontzeko alderdiek aldeko botoa eman dute.


Amiantoaren kontrako militanteok: industriaren infiltratu bat daukazue

Bere jokabide atsegin eta jatorragatik lortuko zuen edo eta kanpainetan erakusten zuen kemenagatik, baina amiantoaren aurkako mundu mailako liderrek lau urtez konfiantza eduki zuten Robert Moore ingelesarengan. Ekintzaile kualifikatuenen artean azpilanean ari zen mundua oraindik material kutsakorrez betetzen duen industriarentzako. Asbestoa hilgarria dela jakin eta mende bete geroago, herrialde gehienetan haren ekoizpen eta salmenta ez etetea lortu dute.


2017-06-05 | Arabako Alea
Amianto egunak

Amiantoarekin lan egiteagatik gaixotzen diren herritarren zifra altuen atzean dauden bizi esperientziak bildu ditu Juanjo Basterra Respaldizak (Areta, 1963) Cuatro lunas. El drama del amianto en Euskal Herria liburuan. Oinarrizko lan segurtasunerako neurriak hartu gabe, ezjakintasunez, mineral kantzerigenoarekin lan egin duten milaka pertsonen eta euren familien drama azaleratu du; enpresen eta mutualitateen aurrean, gaixotasuna aitortzeko egin behar izan duten bide latza jaso du... [+]


Amiantoaren kalteei nola aurre egin? Eztabaida Eusko Legebiltzarrean

Talde politikoek euren proposamenak mahairatu dituzte osoko bilkuran: amiantoaren plana, konpentsazio funtsa, institutua, mapa… Baina eskaera formaletan urardoturik geratu da gaia.


Amiantoren biktimentzat konpentsazio-funtsa: oraingoan Madrilek baietz esango du?

Amiantoaren biktimen kalteak konpentsatzeko funts bat sortzea eskatu dute Eusko Legebiltzarreko ordezkariek Espainiako Kongresuan. Iaz antzeko lege proposamena onartu zuten erkidegoko ganberan, baina Madrilen atzera bota zuten. Oraingoan Kongresuko talde guztien babesa jaso dute.


2017-02-16 | ARGIA
Epaitegiak Laudioko Udala zigortu du amiantoak hildako langilearen familiari kalte-ordaina ematera

Kepa Galdos udal brigadako langilea 2012an hil zen mineral kantzerijenoa arnasteak sortutako mesoteliomagatik. Familiak salatu du EH Bilduren udal-gobernuak baztertuta sentitu dela.


Amiantoaren biktimentzat diru-funtsa sortzeko eskatuko dio Nafarroak Espainiako Gobernuari

Aho batez onartu dute Nafarroako Parlamentuan PSNren proposamena: amiantoaren biktimen kalte-ordainei aurre egiteko diru-funtsa sortzeko eskatuko diote Espainiako Gobernuari. Diru-funtsa “kalte oro konpontzeko” bideratua egongo litzateke, “amiantoak sorrarazita gaixotasunaren aitorpena jaso dutenentzat eta amiantoaren eraginpean jartzeagatik kaltetuentzat”.


“Arcelor Mittalen aurkako epaia justizia egiteko lehen urratsa da”

CCOOko Jesus Uzkudunen aburuz, amiantoaren biktimen artean ageriko biktimak eta isilpeko biktimak daude. Azken horien barruan sartu du Luisa Soraluze, 2011n amiantoz kutsaturik zeuden senarraren arropa garbitzearen ondorioz hil zena. Uzkudunen arabera, askotan fokua langileen gainean jartzen da, “askotan amiantoaren kalteak hauen ingurukoek ere pairatu dituztela ahaztuz”.


Azkenak
EGILEA
Eguneraketa berriak daude