Amiantoaren kalteei nola aurre egin? Eztabaida Eusko Legebiltzarrean

  • Talde politikoek euren proposamenak mahairatu dituzte osoko bilkuran: amiantoaren plana, konpentsazio funtsa, institutua, mapa… Baina eskaera formaletan urardoturik geratu da gaia.

Urko Apaolaza Avila @urkoapaolaza
2017ko martxoaren 23a
Amiantoaren biktimen protesta Bilboko Justizia Juregiaren aurrean (Argazkia: CCOO)

Alderdi Popularrak legez besteko proposamena aurkeztu zuen ostegunean Eusko Legebiltzarreko Osoko Bilkuran onar zedin. Bere esanetan, amiantoak kaltetuei laguntzeko konpentsazio funts batez gain, beharrezkoa zen “Amiantoaren plana” martxan jartzea, ekintza, prebentzio eta laguntza sistema bat ezartzeko.

Gainerako talde politikoek euren zuzenketak egin dituzte. EH Bilduk plan hori gauzatu eta zainketa lanak egiteko Amiantoaren Institutua sortzea eskatu du; Elkarrekin Podemos taldeak, berriz, plana sindikatu eta elkarteen parte-hartzearekin egin eta horrez gain amiantoaren “mapa” osatu dadila eta konpentsazio funts autonomikoa eratzeko aukera azter dadila eskatu du.

Orain arte, konpentsazio funtsa egiteko eskaera Espainiako Gobernuari zuzendu izan zaio. Hain justu, joan den astean Espainiako Kongresuan enegarren aldiz bozkatu zen funts hori sortzea euskal taldeen eskariz, alderdi guztien babesarekin salbu eta PPrena.

Eusko Legebiltzarreko osoko bilkurara hasiera batean PSEk eta EAJk batera zuzenketa aurkeztu behar zuten, berriz eskatzeko  Espainiako Gobernuak sor dezala konpentsazio funtsa, eta horretarako Lege-Proiektua bat egin dezala.

Azkenean, bi alderdiok PPrekin batera erdibideko zuzenketa bat adostu dute, funtsean erabaki garbirik ekarriko ez duena: amiantoaren inguruko informazio eta prebentzio kanpainak "aregotzea" eta Osalani eskatzea lagundu diezaiela amiantoaren mapa egiten hala eskatzen duten udalei.

EAJ, PSE eta PPren bozkei esker aurrera atera da proposamen hori. Hasierako helburuetatik beraz, nahiko urrun geratu da Eusko Legebiltzarraren ekimena amiantoaren inguruan.

Biktimak kalean

1993 eta 2017 artean amiantoak gutxienez 1.472 lagun hil ditu, eta adituen ustez, hurrengo hamarkadatan izango da heriotza tasarik handiena, mineral kantzerijenoaren gaitzak epe luzean azaleratzen baitira.

Asviamie Euskadiko Amiantoaren Biktimen elkarteak hilean hamar kasu baino gehiago artatzen ditu eta mobilizazioak etengabe egiten ari da. Asteazkenean Bilboko Justizia Jauregiaren aurrean elkartu ziren, barrualdean bi lagunen heriotza eragin duten kasuak epaitzen ari ziren bitartean.

 

 

Arazoak ugaritzen

Arazoak baina, ez dira orain gutxi arte uste zenaren kontrara amiantoarekin kontaktu zuzena izan zuten langile edo haien senideengana mugatzen. Mineralaren erabilera oso zabaldua izan zen eta hainbat eraikuntza publikotan oraindik geratzen dira arrasto ugari.

Laudion, esaterako, ikastetxeetan amiantoa atzeman dute eta egoera kudeatzeko Udalak egindako lanak kritika zorrotzak izan ditu hainbat eragile eta sindikaturen partetik. Donostiako Altza auzoan, bestalde, Eneko Goia alkate buru zutela azalpenak eman behar izan zituen asteazkenean 200 bizilagunen aurrean, bertako polikiroldegian eta ondoko lur-eremu batean amiantoa aurkitu delako. Auzotarrek plataforma bat sortu dute, kutsadurak sor dezakeen arriskuaren jakitun.

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Amiantoa

Amiantoa kanaletik interesatuko zaizu...
Autopsiarako frogak

Amiantoarekin gertatzen ari denak gero eta antza gehiago dauka gerraosteko eszenatoki ilun batekin, konpondu beharreko osasun arazo larri batekin baino. Orain jakin berri dugu Irungo familia baten historia: CAFen lan egiten zuen gizon batek bere birikak gordetzeko eskatu zuen hil aurretik, eta horri esker jakin dute amiantoa izan zela bere heriotza eragin zuena.


Asbestoak kutsaturiko birikak: autopsiarako frogak

Amiantoarekin gertatzen ari denak gero eta antza gehiago dauka gerraosteko eszenatoki ilun batekin, konpondu beharreko osasun arazo larri batekin baino. Orain jakin berri dugu Irungo familia baten historia: CAFen lan egiten zuen gizon batek bere birikak gordetzeko eskatu zuen hil aurretik, eta horri esker jakin dute amiantoa izan zela bere heriotza eragin zuena.


2018-04-26 | ARGIA
Amiantoaren biktimen alde lanuztea eta manifestazioa deitu ditu CAFeko enpresa batzordeak Beasainen

Amiantoaren ondorioz hildako langileen zerrenda gorantz doa Goierriko lantegian, azkenaldia beste lau lagun gehitu behar zaio eta jadanik 35 direla baieztatu dute enpresa batzordetik.


Amiantoaren genozidioa
Ahaztuen garrasia, egia eta justizia eske

Itxi ditzakegu begiak eta esan egungo bizimoduagatik ordaindu beharreko bidesaria direla minbizi kopuru alarmagarriak. Baina egiak jarraituko du lurperatutako hilotzen hezurretaraino sartuta: gaixotasun bakoitzak badu jatorri bat eta erantzule bat.

Amiantoak milioika lagun hilko ditu datozen urteetan, aurrez jakingo dugun historiako lehen genozidioa izango da seguruenik. Saihestu zitekeen baina ez zen egin, fibrozementuaren lobbyak nahita ezkutatu zuen haren arriskua eta 60ko hamarkadatik... [+]


Jesus Uzkudun (Asviamie):
"Enpresek heriotza zigorra ezarri zuten"

CCOO sindikatuaren EAEko lan osasun eta ingurumeneko arduradun izana, Orbegozon izan zuen lehen harremana amiantoarekin eta haren kontrako borrokan erreferentzia da Euskal Herrian Jesus Uzkudun (Hernani, 1949). Orain, erretiroa hartuta, Asviamie amiantoaren biktimen euskal elkarteko bozeramaile dihardu. 


2018-03-25 | Maria Roselli
Asbestoa 'ad infinitum'

Suitzan bizi den Maria Roselli kazetari italiarraren “Asbestoaren gezurra” liburua 2007an argitaratu zen lehen aldiz alemanez, ondoren gazteleraz, ingelesez... Arrakasta itzela izan du, amiantoaren biktimen erretrato zehatza emateaz gain, lehengo eta oraingo asbestoaren industriaren interesak oso ondo deskribatzen dituelako. Segidako  testuan, liburuaren epilogoaren laburpena duzue.


2017-11-05 | Juan Mari Arregi
Amiantoak 4.000 langile hil ditu jadanik

Duela urte batzuk pentsatzen zen amiantoarena esajerazioa zela, produktu kantzerigeno horrek hurrengo hamarkadetan milaka lagun hilko zituela esaten zenean.


2017-10-22 | Andoni Mikelarena
Amiantoaren biktimek konpentsazio funtsa izango dute 40 urteren ostean

Eusko Legebiltzarrak bultzatu du lege proposamena, aurreko agintaldian Gasteizko parlamentuan onartu ostean. PP abstenitu egin da eta gainontzeko alderdiek aldeko botoa eman dute.


2017-10-11 | Andoni Mikelarena
Amiantoaren biktimek konpentsazio funtsa izango dute 40 urteren ostean

Eusko Legebiltzarrak bultzatu du lege proposamena, aurreko agintaldian Gasteizko parlamentuan onartu ostean. PP abstenitu egin da eta gainontzeko alderdiek aldeko botoa eman dute.


Amiantoaren kontrako militanteok: industriaren infiltratu bat daukazue

Bere jokabide atsegin eta jatorragatik lortuko zuen edo eta kanpainetan erakusten zuen kemenagatik, baina amiantoaren aurkako mundu mailako liderrek lau urtez konfiantza eduki zuten Robert Moore ingelesarengan. Ekintzaile kualifikatuenen artean azpilanean ari zen mundua oraindik material kutsakorrez betetzen duen industriarentzako. Asbestoa hilgarria dela jakin eta mende bete geroago, herrialde gehienetan haren ekoizpen eta salmenta ez etetea lortu dute.


Azkenak
EGILEA
Eguneraketa berriak daude