Altsasuko liskarrengatik auziperatutako adingabekoen eskubideak babesteko eskatu du Nafarroako Arartekoak

  • Iruñeko Parlamentuak egin zuen adingabeko bien eskubideak babesteko eskaria azaroaren 21ean. Horrez gain, Altsasuko gazteei terrorismo delitua ebatzi izanarekiko desadostasuna agertu, eta horiek askatzeko eskatu zuen.     

Atxilotuta dauden zazpi gazteen askatasuna eskatu zuten milaka lagunek Altsasun azaroaren 26an (Arg: Ekinklik.org)

2016ko abenduaren 05an - 10:34

Javier Enériz Nafarroako Arartekoak, Madrilgo Adingabekoen Epaitegi Zentralera eraman du Altsasuko liskarrengatik auziperatuta dauden adingabeko bien eskubideak babesteko eskaera. José Luis Castro magistratuari bidali dio gutuna. Instituzio publikoen elkarlana “beharrezkoa” dela azaldu du bertan, “herritarren konstituzio eskubideak bermatu ahal izateko”. Eta eskaerari dagokion tramitea emango zaiola ziur dagoela esan du.

Iruñeko Parlamentuak eskatu zion Nafarroako Arartekoari adingabeko bien eskubideak babesteko beharrezkoak diren neurriak hartzeko. Altsasuko gazteen atxiloketen eta erabilitako kautelazko neurrien aurrean desadostasuna agertu zuten Geroa Bai, EH Bildu, Ahal Dugu eta Ezkerrak. Horiek espetxeratzeko arrazoirik ez zegoela gaineratu, eta berehala askatzeko eskatu zuten.  

Nafarroako PP, UPN eta PSNk horren aurka egin zuten. Juan Antonio Extremera PPko kidearen hitzetan, “Altsasuko herria ez dute Espainiako Segurtasun Indarrek zikintzen, erasotzaileek eta erasotzaileak defendatzen dituztenek baizik”.  


Kanal honetatik interesatuko zaizu: Altsasuko gazteak
Altsasu antzezlana ikusi dute Madrilen, Vox-en boikotaren gainetik

Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.


2022-01-19 | ARGIA
Altsasuko gazteen eskakizuna atzera bota du Estrasburgoko Auzitegiak

Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.


2021-11-10 | ARGIA
Auzitegi Nazionalak dio Altsasu auziko Guardia Zibilaren tenientea ez dela terrorismoaren biktima

Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.


Eguneraketa berriak daude