Altsasu: urtebete preso liskar batean parte hartzeagatik

  • 365 egun Madrilgo espetxeetan "bahituta". Bi Guardia Zibilekin eta euren bikotekideekin izandako liskar batean parte hartzeagatik "terrorismo" delitua egozten die Carmen Lamela epaileak.

Euskalerria irratia @fm983irratia
2017ko azaroaren 14a

Hamar dira guztira Altsasuko Auzia izenarekin ezagutzen den liskarrean parte hartzeagatik epaituko dituzten gazteak. Zortzi lagun atxilotu zituzten duela urtebete. Ordutik, hiruk preso segitzen dute: Adur Ramirez de Alda, Jokin Unamuno eta Oihan Arnanzek. Auziak ez du epaiketa egunik, baina bai zigor eskariak, terrorismo kalifikazioaren baitakoak: fiskalak 50na urteko espetxe zigorra eskatzen die gazteetako seiri, 62 urtekoa beste bati, eta 12 urtekoa beste bati. Gainera, beste bi adingabe daude auzipetuta, baina, haien kasua beste bide batetik joan da. Hori horrela, kontuan hartu behar da epaileak ez dituela onartu defentsak aurkeztutako froga gehienak. Auzipetuen abokatuek "berme falta" salatuko dute gaur eguerdian, Madrilgo liburu denda batean eginen duten agerraldian. Halaber, auziaren "balorazio juridiko bat" eginen dute prentsaurrekoan.

Elkarte, talde eragile, alderdi eta norbanako askoren babesa

Bizilagunak, senitartekoak, talde eragileak eta elkarte asko izan dituzte babes ematen urtebete honetan auzipetutako gazteen gurasoek. Eta ez horrek bakarrik, auzipetuek eta beren senideek babes handia jaso baitute hilabeteotan Europako Legebiltzarreko 52 parlamentarik, Espainiako Kongresuko 74 diputatuk eta Espainiako Estatuko hainbat juristak eskatu dute terrorismo kalifikazioa kentzeko. Halaber, Frans Timmermans Europako Batzordeko presidenteordeak irailean adierazi zuen Bruselak «adi» jarraituko duela auzia.

Protesta gisa, gaur, atxiloketak izan zirenetik urtebetera eta hiru gaztek preso segitzen duten egunean gurasoek dei egin dute 20:00etan herri osoan argiak itzaltzera, eta, ordu berean, elkarretaratzea eginen dute Iortia plazan. Ostiralero elkartu ohi dira auzia amai dezatela eta gazteak aska ditzatela eskatzeko.

Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra

Kanal hauetan artxibatua: Altsasu  |  Guardia Zibila

Altsasu kanaletik interesatuko zaizu...
2017-11-14 | ARGIA
Altsasuko auzian froga gehienak ukatu dizkietela salatu du defentsak

Madrilen emandako prentsaurrean, Altsasuko auziko abokatuek salatu dute Auzitegi Nazionaleko Zigor Aretoko I. Sekzioak ukatu egin dituela auzipetutako gazteen defentsarako eskatutako froga gehienak. Horrekin euren lana berme juridikorik gabe uzten dela salatu dute.


Altsasuko alkatearekin izandako bilera baimenik gabe grabatu dute guardia zibilek

Unión de Guardias Civiles elkartearen "etika gabezia" kritikatu du Javier Ollo Altsasuko alkateak (Geroa Bai), eta "elkarbizitza eta proportzionaltasuna" aitatu ditu.


Altsasuko Gurasoak: "Epaiketan fiskalaren eskaerak ez onartzea espero dugu"

Urtebete joan da Altsasuko parranda giroan istiluak izan zirenetik. Hamar gazte daude auzi honetan epaiketaren zain eta hiruk espetxean segitzen dute. Batetik, Jaione Karrera abokatuarekin eta bestetik, Antxon Ramirez de Alda eta Koldo Arnanz gurasoekin solasaldia egin du Euskalerria Irratiak Metropoli Forala saioan.


"Altsasuko istilua ezin dela terrorismotzat jo frogatuko dugu epaiketan"

Urtebete joan da Altsasun parranda giroan istiluak izan zirenetik. Oraindik ez dute epaiketa datarik baina, laster etorri daitekeela esan du Izkok, Altsasuko gazte batzuen defentsa abokatuak. Hamaika gazte daude auzi honetan epaiketaren zain eta hiruk espetxean segitzen dute.


2017-10-13 | Miren Osa Galdona
Altsasuko gertakarien lehen urtemugan, asteburu osoko egitaraua osatu dute

Preso dauden gazteak aske utzi ditzaten eskatzeko, hiru egunez elkarretaratzeak egingo dituzte Altsasun, Nafarroan. Urtebete pasatu da Altsasuko taberna baten guardia zibila eta hainbat gazteren artean istiluak izan zirenetik.


2017-09-06 | Guaixe .eus
Nafarroako Parlamentuak Altsasuko auziko fiskaltzaren eskaerarekin "erabateko desadostasuna" azaldu du

Nafarroako Parlamentuko Bozeramaileen Batzordeak ferietako liskarragatik auzipetutako gazteen kontra fiskaltzak egindako zigor eskaeren aurka egin du.


2017-08-31 | ARGIA
Altsasuko haur eskolak berriz ere ateak zabalik

2015ean jazotako sutearen ostean, herritarren aldarrikapen eta lan askoren ondotik inauguratu dituzte Txirinbulo udal haur eskolaren instalazio berriak Altsasun.


2017-08-07 | Axier Lopez
Ehunka lagun bildu dira Gasteizko jaietan Altsasuko gazteei elkartasuna adierazteko

Igandean Gasteizko Andra Mari Zuriaren plaza bete zuten ehunka lagunek espetxean diren Altsasuko gazteen askatasuna eskatzeko. Gasteizko jaietan egindako mobilizazioak segida eman die Euskal Herriko hainbat herritako jaietan, Sanferminetan edo Hatortxu Rocken kasu, errepikatzen ari diren elkartasun ekimenei.


2017-07-28 | Uriola.eus
Bilboko EAJ, EH Bildu, Udalberri eta Goazen udal taldeek: "Altsasuko auzia bidegabekeria onartezina da"

EAJ, EH Bildu eta Goazen udal taldeek "erabateko desadostasuna" agertu dute auziperatuei eskatutako kartzela-zigorragatik. Altsasuko gertaeren inguruan "terrorismo zantzurik ez dagoela" berretsi dute, baita "auzia epaitzeko eskuduntzek Iruñeko epaitegiaren ardurapean egon beharko luketela" ere.


2017-07-16 | Xabier Letona
Altsasu eta 'ETAren izpiritua'

Altsasuko gazteen zigor eskaerarekin, Madrilen ETAren izpiritua sortu nahi dutela dirudi, lehengo ‘dena da ETA’ren ordez.


Eguneraketa berriak daude