Altsasuko haur eskolak berriz ere ateak zabalik

  • 2015ean jazotako sutearen ostean, herritarren aldarrikapen eta lan askoren ondotik inauguratu dituzte Txirinbulo udal haur eskolaren instalazio berriak Altsasun.

ARGIA @argia
2017ko abuztuaren 31
(Argazkia: Nafarroako Gobernua)

Altsasuko haur eskola berria inauguratu dute Txirinbuloko langile, guraso, udal ordezkari eta Nafarroako Gobernuko eta Parlamentuko hautetsi eta karguek; tartean izan da Maria Solana hezkuntza sailburua. Gobernuaren aburuz "esanahi berezia du Altsasun, behingoz, 0-3ko haur eskola egoki eta kalitatezko bat izatea".

2015eko irailean udal haur eskolaren moduluek su hartu zuten eta Udalak behin-behinean beste toki batean kokatu behar izan zuen haur eskola. Bi urteotan egoera horretan iraun dute, harik eta besteak beste Nafarroako Parlamentuaren eskariz jasotako diru-laguntzei esker eta Udalak egindako diru-ekarpenarekin 3 unitate eta 30 haur inguru hartzeko moduko eraikina jaso duten arte.

Haur eskolak hiru hezitzaile ditu zuzendariaz gain, horietako bat da Rosa Goikoetxea. Guaixe herri-aldizkariari azaldu dionez suteak sortutako egoera "oso gogorra izan zen", baina udalak utzitako tokian ondo moldatu direla azaldu du: "Pixkanaka joan dira gauzak argitzen eta gurasoen laguntzari esker lortu dugu".

Altsasuko alkate Javier Ollo Martinezek, bere aldetik, nabarmendu du haur eskolako langileekin izandako harremana: "Argi eta garbi genuen sutearen ondoren eskaini genien tokia ez zela egokia. Gaur esan dezakegu behin betiko instalazioak dituztela eta bai Txirinbuloko langileak, gurasoak eta herritarrak oso pozik daudela".

 

 

Kanal hauetan artxibatua: Euskara Nafarroan  |  Hezkuntza  |  Altsasu

Euskara Nafarroan kanaletik interesatuko zaizu...
Nafarroako Euskararen Legea alda dezakeen batzordea eratu du Parlamentuak

1986tik indarrean dagoen Euskararen Legea aldatzea aztertuko duen batzordea sortu du Nafarroako Parlamentuak. EH Bilduk proposatu du, eta Geroa Bairen, Ahal Duguren eta Ezkerraren babesa lortu du. Kontra azaldu dira UPN, PSN eta PP.


Aurre-matrikulazioa Nafarroako ikastetxeetan: A ereduak gora, euskarak behera

Nafarroan, A ereduak gora egin du, eta D ereduak behera, batez ere hezkuntza-sare publikoan. 2017ko matrikulen datuekin alderatuta, A eredua %18,8tik %19,8ra igo da, eta D ereduan izen emandako hiru urteko ikasle kopurua %30,7tik %29,4ra jaitsi da.


NUPen erizaintza euskaraz irakasteko eskatu dute

'NUPen erizaintza euskaraz' dinamika aurkeztu dute Ikasle Abertzaleak-ek, Behatokiak, LABek, ELAk, Steilasek eta Iruñeko euskalgintzak, eta osasungintzan hizkuntza eskakizuna duten postuak egotea aldarrikatu.


Fauna publikoa
Zonbi batekin bizi

Berak ezin zuen ezer egin, ez zen bere eskumenekoa. Joseba Tapiaren Real politik entzuten da lerro artean, joan den igandeko Berriak Marisa de Simoni egindako elkarrizketan.


2017-12-22 | Miren Osa Galdona
Zerrenda bakarraren aurkako legea onartu du Nafarroako Parlamentuak

Hezkuntzako lan deialdietan hautagaiak zerrenda bakarrean aurkeztearen aurkako lege proposamena onartu du Nafarroako Legebiltzarrak. Hau da, elebidunek aukeratu egin beharko dute zein hizkuntza esparrutan jardun nahi duten: euskarazkoan ala gaztelaniazkoan. Euskaldun elebidunek bi esparruak hautatu nahi izanez gero, bi azterketa gainditu beharko dituzte. Ezkerraren aldeko botoa erabakigarria izan da legea onartzeko.


Zerrenda bakarraren kontra segitzen du Ezkerrak, Batzarre alde dagoen arren

Ezker Batuaren eta Batzarren jarrerak "ezberdinak" ez direla esan du Marisa de Simonek, bietako inork ez diolako eman "txeke zuririk" gobernuari. Geroa Baik osoko zuzenketa aurkez diezaioke lege proposamenari.


Separatismorik ez!

Wikipediaren definizioaren arabera gizarte-bazterketa da “pertsonek gizarte-ongizatea eta bizi-kalitatea eskuratzeko jasaten dituzten oztopo sozial, ekonomiko edo politikoen multzoa, gizartearen sisteman modu egokian ez integratzeagatik”. Nafarroan, hainbat dira definizio horren baitan sartzen diren marjinazio-egoerak, baina bada bat legez ezarrita dagoena, 1986tik: euskaldunon hizkuntza eskubideen zonifikazioa. Gizarte esklusioa gaitza bada, are eta okerragoa da diskriminazio hori... [+]


2017-12-16 | Xabier Letona
Milaka euskaltzale atera dira euskararen defentsan Iru˝ean, hotzari aurre eginez

Hotzari aurre eginez eta Kontseiluaren deiari jarraituz, milaka herritar atera dira kalera larunbat eguerdian Iruñeko kaleetan, Nafarroako Gobernuak euskararen inguruan hartutako azken erabakia babestuz.

 


2017-12-15 | Xabier Letona
Larunbat eguerdian euskalzaleek manifestazioa egingo dute Iru˝ean euskararen defentsan

Bide eman euskarari. Berdintasunaren alde! goiburupean aterako da manifestazioa larunbatean 12:00etan Iruñeko autobus geltoki zaharretik.


Hezkuntzako gehiengo sindikalak bat egin du larunbateko manifestazioarekin

Kontseiluak deitu du protesta larunbatean 12:00etan Bide eman euskarari, berdintasunaren alde! goiburuarekin. ELA, LAB eta Steilas sindikatuek zerrenda bakarraren aldeko hautua egin dute horrek emanen dielako euskara ere badakiten irakasleei aukera berdintasuna.


Azkenak
EGILEA
Eguneraketa berriak daude