Preso dauden gazteak aske utzi ditzaten eskatzeko, hiru egunez elkarretaratzeak egingo dituzte Altsasun, Nafarroan. Urtebete pasatu da Altsasuko taberna baten guardia zibila eta hainbat gazteren artean istiluak izan zirenetik.
Hilabete geroago, azaroaren 14an, Espainiako Poliziak gazteak atxilotu zituen. Ordutik, preso daude eta Espainiako Auzitegi Nazionalak “terrorismotzat” jo du auzia. Elkarretaratzea, argazki erraldoia eta mikrofono irekia antolatu dituzte gaur, urriaren 13an, arratsaldeko 19:00etan. Asteburuan, kartzeletara eskutitz bidalketa eta urtebetean auziak emandakoa azalduko duen erakusketa izango dira.
333 egun daramatzate Altsasuko gazteak espetxean, etxetik 400 kilometrotara. Auzitegi Nazionaleko Fiskaltzak 50 urteko kartzela zigorra eskatzen die sei gazteri, 62 urte beste bati eta 12 gainontzekoei. Kasuak zabalik jarraitzen du eta epaia ebatzi bitartean,zazpi gazte aske daude, hiru espetxean.
Urte osoan etengabeak izan dira Altsasuko gazteak aske uzteko aldarrira batu diren sostenguak: eragileak, artistak, zuzenbideko profesionalak, herri elkarretaratzeak … Europar Batasuneraino iritsi da auzia eta segimendua “arreta handiz” ari direla egiten esan dute.
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.