Altsasuko gazteen auziaren berri emateko martxa Iruņerrian izanen da asteburuan

  • Hiru bizikleta zutaberen bidez egituratuko dute deialdia larunbatean: Berriozartik aterako da bat, 10:30ean; bigarrena, Barañaindik, 11:00etan; eta, azkena, Atarrabiatik, 11:00etan. Gazteluko plazan elkartuko dira denak, 13:30ean.

Euskalerria irratia @fm983irratia
2018ko martxoaren 16a

Hona bizikleta lerro bakoitzaren ekitaldien xehetasunak:

A zutabea (Berriozar-Arrotxapea-Txantrea-Iruñea):

Berriozar (10:30-11:30): Eguna Euskal Herria Plazan hasiko da, dantzariekin, fanfarrearekin, eskultura erakusketa motozerrarekin eta joaldunekin. Han, auzipetutako senideek hitza hartuko dute. Mokaduren bat jateko tartea ere izango da. Ondoren, bizikleta martxak ibilbideari ekingo dio.

Arrotxapea (11:45-12:15): dantzariak, txalaparta eta momotxorroak eta txikienentzako kultur ekitaldiak izango dira. Auziaren inguruko xehetasunak emango dira eta, ondoren, bizikleta martxak bidetik aurrera jarraituko du.

Txantrea (12:30-13:00): Harrera ekitaldia antolatu da joaldunekin eta aurresku batekin. Musika, sokatira eta haurrentzako jolasak egongo dira. Informazioa zabaltzeko ekitaldiaren ondoren, martxa Gazteluko Plazarantz abiatuko da.

B zutabea (Barañain-Golem zinemak-Gazteluko Plaza):

Barañain (10:30-12:00): Ezki Plazatik, gaztetxetik, Lurgorri Plazatik eta Bakea/Nelson Mandela Plazatik abiatutako lau zutabeak 11:00etan Udaletxe Plazan batzean hasiko da eguna. Han, Barañaingo herri taldeek harrera egingo diote Nafarroako Itzuli honi. Lehenago, bertsolariak, dantzariak, eta musika egongo da, eta mokaduren bat dastatu ahal izango da. Ekitaldi informatiboaren ondoren, 12:00ak aldera, bizikleta zutabea abiatuko da.

Golem zinemak (12:30): Zutabeak geldialdia egingo du musikaz lagunduta, eta Altsasuko gurasoek auziari buruzko informazioa zabaltzeko ekitaldia egingo dute. Ondoren, bizikleta martxak bideari ekingo dio atzera, Gazteluko Plazarantz.

C zutabea (Atarrabia-Burlata-Gazteluko Plaza):

Atarrabia (11:00): Jardunaldia Nafarroako Gorteak Plazan hasiko da, Atarrabiako Ihauteriak egingo duen harrera ekitaldiarekin. Aurreskuaren ondoren, informazioa zabaltzeko ekitaldia izango da, musikaz lagunduta.  Amaitutakoan, bizikleta zutabeak bideari ekingo dio.

Burlata (11:30-13:00): Elizaren plazan, “Nahiak nahi”, “Hura” eta “Burlatan kantuz” musika taldeen emanaldiarekin hasiko da eguna. Txistorra jateko aukera egongo da. 12:30ean Altsasuko gurasoei harrera egingo zaie, eta auziaren inguruan informazioa zabaldu ondoren, 13:00etan, bizikleta zutabeak bideari jarraituko dio Gazteluko Plazarantz.

Iruñea-Gazteluko Plaza (12:00-14:00):

Hiru zutabeek Gazteluko Plazan bat egingo dute 13:30ean. Lehenago, 12:00etatik aurrera, plazan eta Alde Zahar inguruko kaleetan hainbat kultur ekitaldi daude antolatuta, hala nola trikitilariak, gaitariak, elektro-txaranga, joaldunak, “Iruñea-Altsasu Kantuz”, txaranga Jarauta kalean, “Tarima” antzerki taldearen emanaldia, “Broken Brothers Brass Band’ musika taldea, Altsasuko dantzariak eta Enrike Zelaia akordeoilaria.

13:30ean hiru zutabeei harrera egingo zaie eta eguna ekitaldi batekin amaituko da, non Altsasuko gurasoek hitza hartuko duten.

Helburua: auzia ikusaraztea

Biraren, helburua: "Altsasuko zortzi gazteak, beren familiak eta herria bera pairatzen ari diren justizia eza salatzea". Hala, herri bakoitzean bertako herritarrek, elkarteek eta animazio taldeek jasoko dituzte. Lekunberrin, Leitzan, Iturenen, Eizondon, Beran eta Baigorrin, guztira 3.400 lagun bildu dira.

Zabala izanen da informazio bira eta ahalik eta herri gehienetara jotzen ahaleginduko dira. Kasuaren "proportzionaltasun eza" salatu izan dute behin eta berriz: "Demokrazia batean bermatuta egon beharko liratekeen eskubideak eta printzipioak urratuak izan dira: errugabetasun printzipioa, legearen proportzionalitatea eta erabilpen ez-estentsiboa, defentsarako eta askatasunerako eskubideak...".

Albiste hau Euskalerria Irratiak egin du eta Creative Commons lizentziari esker ekarri dugu.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Altsasu  |  Iruņea  |  Epaiketak  |  Baraņain  |  Atarrabia  |  Berriozar  |  Burlata

Altsasu kanaletik interesatuko zaizu...
2018-07-20 | Guaixe .eus
AHTren kontra bizikletan Martzilla eta Altsasu artean

AHT Gelditu! Elkarlanak Nafarroako Abiadura Handiko Tren korridorearen kontrako bizikleta martxan antolatu du. Ostegunean Martzillatik abiatuko da eta 29an Altsasun bukatuko da. Azken etapa Irurtzun eta Altsasu artekoa da. Astelehenera arte eman daiteke izena ahtrikeznafarroa@gmail.com e-postan edo 628 243 066 telefonoan. Lau egunetarako joaten direnek 40 euro ordaindu beharko dituzte, 25 bi egunerako joaten direnak eta 15 euro egun bakarrean ariko direnek. Horren barruan gosariak, bazkariak... [+]


Pablo Casado (PP): "Ikurrina ez da Nafarroako bandera; euskara ez da Nafarroako hizkuntza"

Nafarroan izan da PP presiditzeko hautagaia den Pablo Casado, Altsasuko koartelean hain zuzen, eta haren esanek hautsak harrotu dituzte. 

 

 


Justiziaren arrakalak elkartasunez beteta

Ekainaren 13a, asteazkena, Altsasu. “Utzi Altsasu bakean” dioten banderek herriko balkoiak atontzen dituzte. Samina antzematen da, ez ordea dolurik ezta etsipenik ere. Aitzitik, herriaren batasuna eta indarra sumatzen dira. Koxka tabernan hiruzpalau altsasuar daude arratsaldeko kafea hartzen. 606 egun igaro dira bertan herriko gazte batzuen eta bi Guardia Zibilen eta beraien bikotekideen artean liskarra sortu zenetik. Bertan hasi zen dena 2016ko ferietako ostiralean, Nafarroako... [+]


2018-06-22 | Guaixe .eus
"Auziak sortu duen harriduraren isla: funtzionario eta guardia zibil batzuek ere elkartasuna adierazi didate"

Altsasuko auziagatik kartzelan behin-behinean preso 19 hilabete darama Jokin Unamuno Goikoetxeak. Estremerako espetxetik erantzun du Guaixe astekariak bidalitako galdetegia. Epaia jakin berritan, baina fiskaltzaren helegitearen eta Iruñeko manifestazioaren berri ez zituela.


2018-06-12 | Topatu.eus
Ostegunean Altsasukoen aldeko elkartasun gunea osatzeko deia egin dute Iruņean

Hainbat gazte mugimenduk antolatuta, 17:00etan San Frantzisko plazara joateko deia egin dute, esterilla eta lozakua hartuta.


Har ditzagun kaleak, injustizia hau gelditzeko

2 eta 13 urte arteko espetxe zigorrak, herriaren okupazioa, espetxeratzeak, isunak… hori da Altsasun egun hauetan ikusitakoa. “Kalteak, desordena publikoa eta mehatxuak” eta “agintearen aurkako atentatu” delituak leporatu dizkie Espainiako Auzitegi Nazionalak Altsasuko zortzi gazteei. “Nagusitasun abusu eta gorroto” larrigarriak ezarri dizkiete, gertakariak “arrazoi ideologikoengatik eta Guardia Zibilarenganako gorrotoagatik” eman zirela... [+]


2018-06-05 | ARGIA
Guardia Zibilak Iņaki Abad, Jon Ander Cob, Aratz Urrizola eta Julen Goikoetxea atxilotu ditu

Astearte goizeko 8:00etan abiatu den polizia operazioan, Guardia Zibilak atxilotu egin ditu joan den ostiralean Espainiako Auzitegi Nazionalak zigortu zituen eta kalean ziren Jon Ander Cob, Aratz Urrizola, Iñaki Abad eta Julen Goikoetxea.


2018-05-23 | Zebrabidea
"Gazte jakintzak" trukatzeko topaketa antolatu dituzte Altsasun maiatzaren 26an

Hauspoa, gazte mugimenduen ikerketa laborategia da. Barañaingo Gatze Eraiki topaketetan jarri zuten lehenengo hazia, eta pixkanaka pixkanaka loratzen joan den egitasmoa da. Asteburu honetan, hilaren 26an, “Gazte jakintzen saretzerako topaketak” antolatu dituzte Altsasuko gaztetxean.


2018-05-18 | Guaixe .eus
Tren publiko eta soziala aldarrikatu dute Altsasun

AHTren kontrako martxan haren eraginak bertatik bertara ikusteko aukera izan dute ibiltariek. Hilaren akaberarako beste ekimen bat deitu dute.


2018-04-18 | Axier Lopez
Altsasuko auzia
Guardia Zibil baten emaztearen bertsioa gezurtatzen duen argazkia

Altsasuko gazteen aurkako epaiketan, asteartean Guardia Zibileko teniente baten emazteak –Maria Jose izenekoa–, behin baino gehiagotan adierazi zuen auzipetuetako bat, Adur Ramírez de Alda, kamiseta gorriz jantzita zegoela erasoak gertatu ziren gauean. Altsasuko gazteen gurasoek igorri duten argazki honetan argi ikusten da hori ez dela egia.


Azkenak
EGILEA
Eguneraketa berriak daude