Altsasuko auziaren alde ekonomikoa: bisitetan, dagoeneko, 55.000 euro gastatu dituzte senideek

  • Altsasuko gazteen gurasoek “muntaiaren inguruko zifrak” eman dituzte: iazko azarotik 208.662 kilometro egin dituzte espetxeetara eginiko bisita-bidaietan eta 55.552 euroko gastua eragin die. Epaiketa eguna iritsi arte 72.644 euro gastatuko dituztela aurreikusten dute.

Miren Osa Galdona @Mirentx_U
2017ko abenduaren 13a
Urteurrenaren harira, manifestazio jendetsua egin zen azaroaren 26an. Argazkia: @m_gorka

Altsasuko gazteen senideak ere dispertsioaren ondorioak pairatzen ari dira eta datuek argi uzten dute urtebetean egindako ibilbidea nolakoa izan den. Publico.es atarian argitaratu dutenaren arabera, kasua epaiketaren egunean amaitzen bada, apirilaren 16an, ordurako munduari buelta emateko bezainbeste kilometro eginak izango dituzte senideek nahiz lagunek.

Hau da, 272.865 kilometro eginak izango dituzte eta 72.644 euroko gastu ekonomikoari aurre egina izango diote. Beste modu batera esanda, hilean 4.273 euro gastatzen dituzte 16.050 kilometro egiteko.

Adur Martinez de Alda Aranjuezeko presondegian dago. Jokin Unamuno Estremenakoan eta Oihan Arnanz, aldiz, Navalcarneron. Hiruak Madrilgo Erkidegoan daude eta hirurei terrorismo delituak egozten dizkiete. 375 urteko kartzela zigorra eskatzen ditu Fiskalak auzipetuta dauden zazpi gazteentzat.

Kanal hauetan artxibatua: Sakabanaketa  |  Altsasu

Sakabanaketa kanaletik interesatuko zaizu...
2018-01-16 | Andoni Mikelarena
Frantzia eta Espainiako Estatuek diote koordinatuta daudela euskal presoen gerturatzearen auzian

Joan den larunbatean, urtarrilak 13, euskal presoak Euskal Herritik gertuen dauden espetxeetara gerturatzen hasiko dela jakinarazi zuen Parisek. Madrilek dio erabaki horren jakitun zela, nahiz eta gaur gaurkoz Espainiar Estatuak ez dituen gerturatuko.


2018-01-16 | Andoni Mikelarena
AVT Frantziako Justizia Ministerioarekin bilduko da euskal presoak ez gerturatzeko eskatzeko

Datozen asteetan hasiko dira Frantzia euskal presoak gerturatzen. Horren inguruko xehetasunak emateko, urtarrilaren 24an bilera egingo du Frantziako Justizia ministerioak Marimar Blanco AVTko lehendakariarekin.


2018-01-11 | Uriola.eus
Sarek larunbateko ekintzen egitaraua aurkeztu du

Ekintzarik nagusiena arratsaldeko 17:30ean La Casillatik irtengo den manifestazioa izango da. Elkarrekin aurrera egiteko prest gaude izango da aurtengo leloa, eta hiru helburu zehatz edukiko ditu: giza eskubideak, konponbidea eta bakea.


2018-01-10 | Rita Naveira
Motxilaren umea
MULTIMEDIA - film laburra

Hilabetero Euskal Herriko ehunka haurrek milaka kilometro egin behar dituzte gurasoak bisitatzeko. Film hau haien omenez eginda dago.

Aktoreak: Maider Latatu, Itziar Ituño, Jose Angel Aramendi, Borja Ruiz


2017-11-21 | Andoni Mikelarena
"Motxiladun haurrei espetxeak haurtzaroa lapurtzen die"

Gurasoak preso dituzten haurren inguruko dossierra osatu dute bi psikologok eta pedagogo eta irakasle banak, Sarek eskatuta. Porrotxek Motxilak gora! abestia eta bideoklipa aurkeztu ditu dossierraren aurkezpenean.


Alfreedo

Larunbatean beste pertsona batek potoldu zuen preso politikoen zerrenda luzea: Alfredo Ramirez amurrioarrak. Politikoa da bere espetxealdia, asmo politikoak daudelako bera urtebetez itzalpera bidaltzea posible egiten duen legean. Twitterrez idatzitako iritziak kode penalez zigortzea, politikari batzuek hala eskatuta da egun “legezko”. Eta, herriko festetan, umorez eta inori kalterik egin gabe, sakabanaketa politika ankerra salatzea kartzelan sarrarazteko adina motibo izatea... [+]


Senide eta lagunak ere, preso

Arabako presoek bizi dituzten salbuespen-egoerak eta eskubide urraketak mahai gainean jarriko ditu Askerock jaialdiak; Willis Drummond, Esne Beltza edota Riot Propaganda izango dira urriaren 21ean Gasteizko Mendizabalan. 


2017-09-27 | Euskal Irratiak
Luhuson, 12 oren bakearen aldeko ekimena

Larunbatean Luhuson, 12 oren bakearen deitu duten eguna izanen da. Antolatzaileetan den Paxkal Irigoien kulturgilea eta Mixel Berhokoirigoin “bakegilea” gurekin dira astearte goizean.


2017-09-19 | Xalba Ramirez
Garcia Justo euskal presoaren bikotekideak izandako istripua salatzeko protestak egiten ari da Etxerat

Dispertsio politikak zortzigarren istripua eragin duela salatu du Etxeratek. Asier Garcia Justo euskal presoaren bikotekideak irailaren 16an Badajozeko espetxera bidean zela izan zuen istripua. Elkarretaratzeetara deitu dute Hegoaldeko lau hiriburuetan.


2017-08-11 | Xalba Ramirez
Zuhaitz Errasti presoaren hurbilketa eskaera onartu du Frantziako epaile batek

Euskal Herritik 750 kilometrora dagoen Tarascon-go kartzelatik, Mont-de-Marsango kartzelara hurbildu dute Zuhaitz Errasti presoa. Administrazio epaitegi batek euskal preso baten hurbilketa eskaera onartzen duen lehen aldia da.


Azkenak
EGILEA
Eguneraketa berriak daude