Altsasuko auzia apirilean epaituko da

  • Zigor Kodeko terrorismo delituei buruzko 573 artikuluan oinarrituta auzipetu dituzte altsasuarrak. Haietako hiru espetxean daude eta epaiketa aurretik askatzen ez badituzte behin behineko 17 hilabeteko espetxealdia egina iritsiko dira

Guaixe .eus @guaixe
2017ko azaroaren 22a

Ferietako liskarragatik auzipetutako gazteen gurasoek jakinarazi dutenez, Espainiako Auzitegi Nazionalean eginen den epaiketak badu data: apirilaren 16tik 27ra bitartean izanen da. Bi Guardia Zivil eta haien bikotekideak erasotzea leporatuta 10 gazte altsasuar daude auzipetuta. Haietako bi adin txikikoak dira eta auziak beste bide bat du, baina gainontzeko zortziak izanen dira epaituak.

Fiskaltzak haiendako, guztira 375 urteko espetxe zigorra eskatzen du. Gazte bakoitzari lau “terrorismo delitu” egozten die eta bakoitzagatik 12 urteko eta sei hilabeteko espetxe zigorra eskatzen du. Hau da, 50 urte. Eskaera horri aurre eginen diote Jokinek, Jon Anderrek, Julenek, Adurrek, Aratzek eta Iñakik. Oihanen kasuan fiskalak “mehatxu terrorista” egin izana egozten dio eta 12 urte eta erdiko beste zigor bat eskatu du harendako, guztira, 62 urte eta erdiko espetxe zigorra eskaera. Azkenik, Ainarari delitu bakarra egotzi diote, “mehatxu terrorista” egitea eta 12 urte eta erdiko kartzela-zigorrari aurre egin beharko dio. Bestetik, fiskalak 20 urteko inhabilitazio osoa eta, zigorra bete ondoren, beste bost urtez zaintzapeko askatasunean egotea eskatu du. Baita 41.100 euroko isuna zauriak eragiteagatik akusatutako zazpiendako ere.



Zigor alternatiboak ere proposatu ditu fiskalak. Oihanendako 30 urteko espetxe-zigorra eskatu du desordena publiko terroristak (8 urte), autoritatearen kontrako atentatua (2 urte), lau lesio delitu (8 urte) eta mehatxu terroristak (12 urte eta sei hilabete) egotzita. Gainerako sei gizonezkoendako 18 urte eta sei hilabeteko kartzela aldia eskatu du.

"Urte bat espetxean Ohian, Jokin eta Adur askatu! Altsasukoak aske!" lelopean manifestazioa eginen da igandean, 13:00etan, Iortiako zabalgunetik abiatuta.

Albiste hau Guaixek argitaratu du eta CC-by-sa lizentziari esker ekarri dugu ARGIAra.

Kanal hauetan artxibatua: Altsasuko gazteak  |  Guardia Zibila  |  Altsasu

Altsasuko gazteak kanaletik interesatuko zaizu...
Altsasuko Gurasoen asteazkeneko kronika

Astelehenean eta asteartean bezala, goizeko 9:00etan Auzitegi Nazionaleko sarreran elkartu ginen, kamera batzuk gure zain zeuden jada, eta beste batzuk etorri ziren; hiru egun damazkigu eta pausu berberak errepikatzen dira beti.


Koxkako tabernariak deklarazioan "esan ez zituen gauzak" txertatutako dokumentua aurkeztu du akusazioak

“Nik igandean deklaratu nuen, baina esan ez nituen gauzak daude dokumentuan”, esan du Altsasuko Koxka tabernako jabe Iosu Muñoak.


2018-04-18 | Hala Bedi
Ertzaintza ikasleen aurka oldartu da Gasteizen, Altsasuko gazteen aldeko mobilizazioan

Baimen eza argudiatuta, Ertzaintza Gasteizko Campuseko ikasleen aurka oldartu da, hainbat ikasle kolpatuz. Datozen egunetan, Altsasuko gazteen alde “zarata ateratzeko” deia egin du Altsasukoak Aske Gasteiz plataformak: lau elkarretaratze ezberdin egongo dira.


2018-04-18 | Axier Lopez
Altsasuko auzia
Guardia Zibil baten emaztearen bertsioa gezurtatzen duen argazkia

Altsasuko gazteen aurkako epaiketan, asteartean Guardia Zibileko teniente baten emazteak –Maria Jose izenekoa–, behin baino gehiagotan adierazi zuen auzipetuetako bat, Adur Ramírez de Alda, kamiseta gorriz jantzita zegoela erasoak gertatu ziren gauean. Altsasuko gazteen gurasoek igorri duten argazki honetan argi ikusten da hori ez dela egia.


2018-04-18 | Xabier Letona
Altsasuko auzia: Madrilek ez du jada indar bera Nafarroan

Guardia Zibilarekin egin du topo Altsasuko herriak auzi honetan, eta horrek esan nahi du Espainiarekin topo egitea. Auzipetutako gazteek Auzitegi Nazionalarekin egin dute topo, terrorismoaz akusatuta, eta horrek urte askotako kartzela zigor arriskua esan nahi du.


Altsasuko auzia epaituko duen Concepciˇn Espejelek "Billy el Ni˝o" babestu zuen

Ctxt hedabideko Cristina Fallarás kazetariak Concepción García Espejelek Billy el Niño torturatzailearekin izan dituen harremanak azaldu ditu. Altsasuko gazteen epaiketa zuzentzen duen Espainiako Auzitegi Nazionaleko Epaimahai Penalaren presidentea da Espejel. Artikuluaren laburpena ekarri dugu ARGIAra.


2018-04-17
Prozesuaren zentsugabekeria nabarmendu dute Altsasuko Gurasoek epaiketaren lehen egunean

Prentsari bidalitako oharrean, duela urte eta erdi gertatutakoa taberna bateko gertaera baino ez zela izan adierazi dute auziperatuen gurasoek. Jarraian irakur dezakezue mezua.


2018-04-16 | ARGIA
Gazte altsasuarrek akusazioak ukatu dituzte, gaur guardia zibilak ari dira deklaratzen

Zortzi akusatuen deklarazioarekin hasi da astelehenean, apirilak 16, Altsasuko zortzi gazteen aurkako epaiketa Madrilgo Auzitegi Nazionalean. Herriko ostatu batean izandako liskar batengatik 12,5 eta 62 urteko espetxe zigorrak dauzkate arriskuan.


Hasi da Altsasuko gazteen aurkako epaiketa

Larunbatean manifestazioa egin zen Iruñean Altsasuko zortzi auziperatuen alde. Kasuak terrorismoarekin zerikusirik ez duela argudiatuta, auzia Nafarroan epaitzea eskatu zen, ez Madrilen.


Azkenak
EGILEA
Eguneraketa berriak daude