Alsazian ezetzak irabazi du lurralde elkargoa osatzeko erreferendumean
Alsazian ez dute onartu lurralde elkargoa osatzeko proposamena. Atzo egin zuten galdeketa, eta Bas-Rhin eta Haut-Rhin departamentuetako alsaziarrek baiezkoa eman behar zioten aurrera atera ahal izateko. Guztira baiezko botoak ezezkoak baino ia 70.000 gehiago izan arren, Haut-Rhinen ezetzak irabazi du eta, beraz, lurralde elkargoa atzera bota dute.
Galdeketa Alsaziako UMPk bultzatu du, bi departamentuetan eta eskualdeko kontseiluan agintzen baitu. Nahiz eta baiezko botoa eskatu duten, Haut-Rhinen ez dute onartu. Eskuin frantsesarekin batera baietzaren alde egin dute ekologistek, Unser Land ezkerreko autonomistek eta eskuin muturreko l’Alsace d’Abord eta Bloc Identitaire alderdiek. Lurralde elkargoaren kontra, berriz, eskuin muturreko Front National eta ezkerreko Front de Gauche azaldu dira. PSk ez du bere jarrera argitu, baina Estrasburgoko alkate Roland Riesek ezetza eskatu du.
Abstentzioa izan da nagusi bi departamentuetan, %64 guztira.
Prozesu honek Frantziako Estatuan antzeko galdeketak nahi dituzten nazioei bidea ireki diezaieke. Ipar Euskal Herrian, Bretanian eta Normandian lurralde elkargoa osatzeko ekimenak indarra hartzen ari dira. Itsas gaindiko kolonia ohietan, aldiz, independentziaren aukera ere mahaigaineratu dute. Esaterako, Kaledonia Berria uharteetan.
Erreferendumaren aitzakian, Kike Amonarrizek Alsaziari buruz idatzi du bere blogean.
Euskal Hirigune Elkargoko batzar berezia egin dute 232 hautetsiek, bideokonferentziaz. Aurtengo aurrekontua eta Bizilekuen Tokiko Programa onartu dituzte, baina programa errefusatu eta “anbiziozko etxebizitza politika bat” aldarrikatu du hainbatek.
Esnal, Haranburu eta Paroti ezartzen ari zaien “heriotza zigorraz” kexu da elkargoa frantziar justiziaren erabakiaren aurkako mozio batean.
Zortzi atal, 27 proposamen. Hona Baterak Euskal Hirigune Elkargoaren gobernantzaren hobetzeko, Jean-René Etchegaray presidenteari eman dion txostena joan den larunbatean. Baterak, joanden irailetik eskualdeka, 16 herri desberdinetan bilkurak antolatu ditu oharren... [+]
Hautetsiak eta euskalgitzako eragileek osatu lan batzordeak ari dira norabide hauen lantzen, Beñat Arrabit, Euskal Elkargoko hizkuntz poltikarako arduradunak, Amikuzeko irratiaren estrenan azpimarratu daukun bezala.
Oporraldiko azken egunen atzerako kontaketa egitea eskatu zidan buruak nonbait, hartara, ARGIAko egutegiari orri berri bat kendu nion agorrileko hamazazpian. Buruketa hau egitea proposatzen zuen: “Euskal Herriko Lurralde osoa hartzen duen administrazioari nola deitzen... [+]