Alonso eta Maroto absolbitu ditu Kontu Auzitegiak, PPren inguruko botoei esker

  • Absoluzioa sinatu duen magistratuetako bat Margarita Mariscal de Gante PPren justizia ministro ohia da. Hala ere, Gasteizko San Antonioko eskandaluaren auzibidea oraindik ez dela bukatu dio Adi! elkarteak.

ARGIA @argia
2016ko abenduaren 15a

Espainiako Kontu Auzitegiak Alfonso Alonso, Javier Maroto eta PPren udal gobernukoak izandako beste zenbait kideren kontrako epaiari jarritako helegitea errebisatu du eta absoluzioa ebatzi du. Aurretik auzitegi bereko beste epaimahai batek 393.862 euroko isuna jarri zien, Gasteizko San Anton kalean zeuden lokal publiko batzuk merkatuko preziotik oso goiti alokatu eta desegoki jokatzeagatik.

Epaimahaiak izendapen politikoa dauka eta PPk proposatutako bi kidek eta PSOEren beste batek osatzen dute. Popularren inguruko botoei esker sinatu dute absoluzioa; magistratuetako bat PPko Justizia ministro ohi Margarita Mariscal de Gante da, hain zuzen.

Nolanahi ere, ebazpena ez da aho batekoa izan, epaimahaiko presidente Felipe García Ortizek kontrako boto partikularra eman du, “arau hauste penala” egon zela uste baitu.

"Hau ez da amaitu"

Hain justu, Adi! elkarteak ohartarazi du San Anton kaleko ustezko irregulartasun eta ustelkeria kasuagatik hasitako prozesuak bide penala duela oraindik aurretik, kontu auzibidea oraindik amaitu ez den arren. Elkarte honek Gasteizko Udalari eskatu dio errekurritu dezala auzitegiaren azken erabakia eta jarrai dezala salatzen “Alonso alkate izan zen garaiko taldeak Gonzalo Antoni guztion diruaren bizkarrera egin zion mesedea”.

2007an sinatu zuen Gonzalo Antonek Gasteizko Udalarekin urtebete lehenago erositako lokalen alokairua, hogei urtetarako eta prezio oso altuan. Kontratuan sinatutako betez gero 7,6 milioi euroko etekina aterako luke enpresariak.

Kanal hauetan artxibatua: Ustelkeria  |  PP  |  Gasteiz

Ustelkeria kanaletik interesatuko zaizu...
De Miguel auzia: kopiatzeko lezioak Euskal Herritik

Cristina Cifuentes Madrilgo Autonomia Erkidegoko presidentearen curriculumak bereganatu du medioen atentzioa, nola Espainiako Estatuan hala Hego Euskal Herrian. Baina ez dugu iberiar mesetara joan behar administrazio publikoa zipriztintzen duten sinadura faltsuak eta azken orduan “fabrikatutako” dokumentuak aurkitzeko. Hemen bertan, Ebroren alde honetan, egunotan ikusi dugu hori De Miguel auziaren epaiketan.


'Negozioen sekretuak' babesteko aitzakiaz, alerta jotzaileak mututu

Herritarren oharkabean dator lege berria. 2016an Europako Parlamentuak gehiengo handiz onartu ostean, Frantziak bere legedira egokitu du martxoaren 28an eta laster eginen du gauza bera Espainiak. Enpresen sekretuak konkurrentziaren espioitzaren begiradatik babesteko idatzi dutela diote legegileek, baina herritarrak ohartarazten dituzten alerta jotzaileen lana isilaraztea du helburu kazetari eta ekintzaile askoren ustez. Lobbyek isilpean egin dute azioa orain ere.


2018-04-13 | ARGIA
Erlijiosoek ere Munillaren aurka egin dute

Gipuzkoako elizbarrutiko elizgizon, jarraitzaile eta erlijioso talde batek jakinarazi du Apezpikutzak zor handiak dituela Jose Ignacio Munillaren gotzainaren gestio okerraren ondorioz.


2018-04-13 | Unai O˝ederra
Iruzurra salatzen duena zigortu?

El Correoko zuzendari ordea den Alberto Ayalaren bi artikulu hauetan oinarrituta: Perplejidades varias eta El paraguas laboral del PNV.


2018-04-12 | ARGIA
Intxaurrandieta eta Errazkini elkartasuna adierazi diete sarean eta kalean

2013an Gipuzkoako erraustegia gelditu zuten Iñaki Errazkin eta Ainhoa Intxaurrandietaren aurkako epaiketa zeresana ematen ari da sareetan. #DenokGaraAinhoaEtaIñaki traolak mugimendu handia dauka.


2018-04-09 | Lander Arbelaitz
Zer gertatzen da Errazkin eta Intxaurrandietaren epaiketarekin?

Ostegunean epaituko dituzte Madrilgo Kontu Epaitegian 2013an Gipuzkoako erraustegi gaindimentsionatua geratu zuten Iñaki Errazkin eta Ainhoa Intxaurrandieta. Lehena Ingurumen diputatua zen eta bigarrena Gipuzkoako Hondakinen Kontsortzioko burua, biak EH Bilduko kideak.


2018-04-05 | ARGIA
Falciani aske utzi du Espainiako Justiziak, zaintzapean

Espainiako Auzitegi Nazionaleko Diego de Egea epaileak libre utzi du Herve Falciani, poliziak Madrilen atxilotu eta hurrengo egunean.


2018-04-05 | Miren Osa Galdona
Falcianiren atxiloketa, politikari katalanak estraditatzeko presio neurria?

Asko izan dira atxiloketa Kataluniako egoerarekin lotu dutenak, Anna Gabrielen eta Marta Roviraren estradizioetan presio egin nahi duelakoan.


Semeari diru publikoz ordaindutako bidaia bateko dirua bueltatu du Gernikako Udaleko zinegotzi batek

Iñaki Gorroño Gernikako Udaleko zinegotziak bidaia bat egin zuen Cracoviara bere semeak lagunduta, eta semearen bidaia diru publikoz ordaindu zuen. Gaiak polemika sortu du herrian, eta EH Bilduk bere dimisioa eskatu zuen. Hala, Gorroñok 879 euro itzuli ditu udalbatzara, bidai-txartelaren zenbatekoa, El Correok jaso duenez.


Esparta ustelkeriaren kontra

Esparta (Grezia) K.a XII.-VII. mendea. Likurgok hainbat erreforma ezarri zituen hirian eta Espartako Konstituzioa ere hari egozten diote. Likurgoz aritzean, zaila da errealitatea eta kondaira bereiztea, Antzinaroko hainbat historialarik jaso baitzuten haren berri (Herodotok, Jenofontek, Plutarkok...). Horregatik ezin da, besteak beste, bizi izan zen garaia zehaztu.


Azkenak
EGILEA
Eguneraketa berriak daude