Alofilia
Asertiboa, akuilari, eragile, motibatzaile, erreferentzia, eredu, adibide, lidergo eraldatzaile, bidelagun, eraikitzaile, erakusbide, irakasbide, pertzepzioa, logika, psikologia, pedagogia, komunikatiboa, zeharkakotasuna, endo-taldea, exo-taldea.
Osagai edo aldagai hauek guztiak gehi beste zortzi mila gehiago aipatu ziren Udal Topek Lasarten gauzatu zituen euskararen inguruko jardunaldietan. Eta baldintza hauen guztien gidari-aholkulari, euskara teknikaria, jakina (normalkuntzakoa, trebatzailea, dinamizatzailea…), gure hizkuntza normalizazio bidean jarri eta Euskal Herriko zoko-moko guztietako administrazioetan zabaltzeko, hedatzeko eta egonkortzeko. Baina guk eskatzen duguna, ez da soilik goiko parrastada horren guztiaren gidari izatea euskara zabaltzen diharduen bide-laguntzaileak. Guk hauxe eskatu genion (nion) HPS Patxi Baztarrikari: euskara babestuko lukeen lege bat onartzea, inguruko hizkuntzen (gaztelania eta frantsesa) babes juridiko bera izatea.
Denok dakigu egun bigarren mailako hizkuntza izaten jarraitzen duela euskarak Euskal Herrian. Eta hemen dago gakoa euskara noranahiko bilakatuko duena eta egun bizi duen makalditik suspertzen lagunduko liokeena, agian: legea aldatzea edota egokitzea. Estatus juridiko bera izatea euskarak eta erdarak. Eta hau Eusko Jaurlaritzaren lana da. Politikoa.
Euskara ezagutzeko eta erabiltzeko eskubidea dugu eta erdara, ostera, eskubide eta derrigorra, Konstituzioak Konstituzio. Hortaz, demokrazia legean eta justizian oinarritutako sistema bada, euskara desabantailan dago erdararen aldean, eta nik ez dut inondik inora ikusten justiziarik ez legerik euskara babesten duenik. Erdarak hizkuntza hegemonikoak dira, baztertzaileak eta suntsitzaileak, euskara, ordea apaingarri linguistikoa. Erdara bezala euskara derrigortuko balitz, legearen babesarekin, jakina, beste kukurruku bat egingo luke oilarrak.
Eta gaitz-erdi euskararen alde borroka mentala, emozionala, soziala eta politikoa egin izan dela historian zehar. Eta, hala eta guztiz ere, gure hizkuntzak marjinal izaten jarraitzen du.
Ulergarria da, bestalde, Udal Topen mezu positibo eta baikorra igorri nahi izatea (Mikel Irizarrek aro berri baten aurrean gaudela esan zuen), horixe bera egin behar izaten baita krisialdietan, positibismo edulkorantea barreiatu, herriak-hiztunak itxaropenik ez dagoela sinetsi eta bere buruaz beste egin ez dezan.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Balirudike dena kontrolpean dagoela, badakitela guri nola sinetsarazi edozer, ez dugula inoiz, berez, guk nahi duguna egiten. Iragarki konstante batean bizi bagina bezala, esaten dugu “aukera berdintasuna”, eta pentsatzen dugu esaten ari garela “aukera... [+]
Baltimore ibai gaineko zubiaren erorketa urte bukaerako oroimeneko irudien artean jasoko da, zubi baten erorketa ikuskizun zirraragarri eta salbuespenekoa baita. Zeren eta zubiak eta eraikinak ez dira berez erortzen, lehergailu edo artefaktu baten eztandak bat-batekotasunaren... [+]
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Etxebizitza duina izatea gero eta zailagoa da. Berdin du esaldi hori noiz irakurtzen duzun, urteak pasa eta arazoa gero eta larriagoa da.
Nola izan daiteke bizitzeko oinarrizkoa den eskubidea, teorian hainbat legek babestutakoa, EAEn eskubide subjektibo moduan onartu berri... [+]