Algortako Eztabaida gune antiautoritarioak ateak itxiko ditu

  • Zazpi urteko ibilbidearen ostean ateak itxiko ditu Algortako Eztabaida gune antiautoritarioak. “Motibazio eta energia desgastea” dela eta hartu dute erabakia taldeko kideek. 


2015eko abuztuaren 24an - 11:59
Kontzientzia kritikoa garatzeko helburuarekin jaio ez Eztabaida gunea (argazkia: musikherria.org)

Kontzientzia kritikoa garatzeko helburuarekin jaio zen Eztabaida. Horretarako materiala biltzeaz gain (liburuak, fanzineak, aldizkariak, diskoak), ekitaldi ugari ere antolatu dituzte urteotan kapitalismoaren, sexismoaren, arrazismoaren edota estatalismoaren aurka.

Guneak Uribe Kosta eskualdeko kolektiboen elkargunerako tresna izatea ere bazuen helburu. Proiektua aurrera ateratzeko autogestioan oinarritu dira partaideak.

Eztabaidak zabaldutako oharrean adierazi duenez, “proiektu kolektibo bat garatzerakoan jendez inguratuta egotea beharrezkoa da, eta horixe da gure gabezia nagusia”. Jendearen inplikazio eskasak lokalaren kudeaketa gutxi batzuen esku utzi duela eta, proiektuari amaiera emateko erabakia hartu dute kideek: “Ez dakigu errealitate honen arrazoia proiektuan parte hartzea bermatuko luketen dinamiketan ez asmatzearen ondorioa den, edo pertsonak gero eta desmobilizatu eta alienatuagoak egotearekin zerikusirik duen”.

Urte hauetan parte-hartu duten kide guztiei eskerrak eman eta bilera irekia deitu dute irailaren 10erako, lokalaren kudeaketaz edota proiektuaren balizko errelebuaz hitz egiteko. 


Kanal honetatik interesatuko zaizu: Antikapitalismoa
Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Kargurik gabe aske utzi dituzte Lurraren Altxamenduak sareko atxilotuak

Iazko abenduan hormigoi ekoizle den Lafarge lantegi batean burutu ekintza ekologistari lotua zen ekainaren 5eko sarekada. Kargurik eta kontrol judizialik gabe aske utzi dituzte atxilotu guziak.


Sainte Soline: erailtzeko prest lur-munto batengatik

Sainte-Solineko uraska inguruko gertakari lazgarriek galdera bat planteatzen dute: nola da posible 200 pertsona baino gehiago zauritzea (bi aldeetan) eta horietatik bik (manifestarien artekoetatik) hil ala biziko larrialdian jarraitzea zergatik eta segurtatzeagatik zulo bat... [+]


Eguneraketa berriak daude