Algorta erdira eraman dute Tosuko aparkalekuaren aurkako protesta kanpaldia
Ertzaintzak asteartean Getxoko Tosu landa desalojatu eta gero, Algortako San Nikolas (Txiki eta Otaegi) plazan paratu dituzte kanpadendak, Ibarbengoako geltokiaren ondoko baratzean aparkaleku erraldoia egiteko asmoa salatzeko. Asteazkenean eta larunbatean manifestazioak egingo dituzte Tosu Betirako asanbladak deituta.
30 bat lagunek eman zuten San Nikolas enparantzan asteartetik asteazkenerako gaua, urriaren 17ko desalojoagatik eta obren hasieragatik deitutako protesta elkarretaratzearen ostean kanpaldia bertara eramanda. Asteazken arratsaldean, kanpadendak jaso eta gero, manifestazioa abiatu dute plazatik bertatik, Tosu Betirako asanbladak deituta. Beste manifestazio bat egingo dute larunbatean, eguerdiko 12:30ean, Algortako Telletxe kalean hasita eta Partida ez da amaitu goiburupean; horren ondoren kontzertua iragarri dute.
Astearte eguerdian eraitsi zuten azken urteetan Tosuko landan eraikitako etxola, hura defendatzeko egin zuten herri harresiko kideak kanporatu eta gero. Aurretik, suhiltzaileek askatu egin zituzten goizean goizetik kateatuta zeuden Tosu Betirakoko hiru kide; euretako batek gauerdira arte iraun zuen lauzpabost metroko altuerako tripode baten gainean.
Plaza bakarra okupatuta, aparkalekuak dituen 304etatik. Horrela deskribatu du GuNe kolektiboak Getxoko Andra Mari auzoko Tosu landa eremuan eraiki duten Ibarbengoako metro-geltokiaren ondoko aparkalekuaren egoera, "irailaren 2an, lanorduetan". Idatzi ironiko batean,... [+]
Getxoko Tosu landa defendatzeko urteetako borrokari behin betiko amaiera emateko, egindakoak gogoratzeko eta horretan parte hartu zutenei "eskerrak" emateko jaia egingo dute zapatuan.
Zortzi urtetako borroka omentzeko ekitaldia antolatu zuten igandean Algortako Portu Zaharrean. 2011an okupatu zuten lehen aldiz Tosuko landa. Geroztik, ibilbide luzea egin dute ekologistek.
Tosu Betirako Asanbladak irailaren 10etik 22ra egingo den "Tosutik Uribe Kostara" ekimena iragarri du. "Herrien etorkizuna gutxi batzuek, herritarren iritzia kontuan hartu gabe" planifikatzen dutela salatu gura dute. Erandio eta Gorliz arteko martxa eginez... [+]