Alex Salmondek dimititu egin du

  • Eskoziako lehen ministroak kargua utziko duela adierazi zuen ostiralean, independentziari buruzko erreferendumaren emaitzak ezagutu eta gero. SNP Eskoziako Alderdi Nazionalaren buruzagitzari ere uko egingo dio.


2014ko irailaren 22an - 00:00
Azken eguneraketa: 2014-09-23 17:43:55
Alex Salmond (argazkia: RTVE)

“Lider bezala, nire etapa bukatu da, baina Eskoziarentzat kanpainak jarraitzen du eta ametsa ez da inoiz hil behar”, adierazi du Salmondek prentsaurreko batean. Independentziaren aldeko kanpainan izandako akatsak bere “errua” izan direla aitortu du, baina hala ere, analistek ziotena baino askoz gehiago lortu dutela.

SNPk buruzagi berria aukeratuko du alderdiaren hurrengo batzarrean, azaroaren 13-15ean. Baliteke handik astebetera Eskoziako parlamentuak lehen ministro berria izendatzea, Salmondek adierazi duenez. Nicola Sturgeon, Eskoziako lehen ministrorde eta SNPko bigarrena da hautagai nagusia Salmonden lekua hartzeko.

Buruzagi independentistak adierazi du “aurpegi berriak” behar direla “prozesua aurrera ateratzeko”, bereziki Londresekin egin beharko dituzten negoziaketei dagokionez. Izan ere, gobernu britainiarrak Eskoziari botere gehiago agindu arren, “atzera egiten hasi direla dirudi”, salatu du Salmondek.


Kanal honetatik interesatuko zaizu: Eskoziaren independentzia
2023-06-12 | Leire Artola Arin
Nicola Sturgeon Eskoziako lehen ministro ohia atxilotuta izan dute zazpi orduz

Kargurik gabe aske utzi du Poliziak, galdekatu ostean. Susmagarri gisa atxilotu dute, SNP Eskoziako Alderdi Nazionalaren finantzaketaren inguruan irekita jarraitzen duen ikerketa baten harira. Bigarren erreferenduma egiteko dohaintzan jasotako diruari lotuta dago kasua.


2022-11-23 | ARGIA
Londresen baimenik gabe, erreferendum legalik ez
Eskoziari erabakitzeko eskubidea ukatu diote Erresuma Batuko Auzitegiek

Bi hilabeteren buruan eman du ebazpena Erresuma Batuko Auzitegi Gorenak: Eskoziako parlamentuak ez du independentziari buruzko galdeketaren inguruko legeak egiteko eskumenik, ezinbestekoa da horretarako Westminsterreko parlamentuaren onespena.


2022-10-11 | Leire Artola Arin
2023an independentzia erreferenduma egiteko asmoa berretsi du Eskoziako lehen ministroak

Britainiako Auzitegi Gorenak orain erabaki behar du legezkoa den ala ez Erresuma Batuko Gobernuaren onespenik gabe 2023ko urriaren 19an erreferenduma egitea. Sturgeonek ziurtatu du baimenik eman ezean hauteskundeak baliatuko dituztela independentzia galdeketa gisa.


Olatu berria Eskoziatik?

Denbora azkar pasatzen da, are gehiago pandemiaren eraginez bi urte hain geldo eta arraro bizi ostean. Nicola Sturgeon Eskoziako lehen ministroak, ekain amaieran, iragarri zuen 2023ko urrian herrialdearen independentziari buruzko kontsulta berria egiteko asmoa duela, eta horrek... [+]


2022-07-06 | ARGIA
Eskoziako bigarren independentzia erreferendumari ezezkoa eman dio Boris Johnsonek

Independentziari buruzko bigarren erreferenduma 2023ko urriaren 19an egitea proposatu zuen Nicola Sturgeon Eskoziako lehen ministroak joan den astean. Ezezkoa erantzun dio Boris Johnson Erresuma Batuko lehen ministroak


Eguneraketa berriak daude