Aldaketak LOMCEn: erlijioak eta itunpeko ikastetxeek pisu gutxiago izango dute

  • Hezkuntzako eta lanbide heziketako ministroak LOMCEri egingo dizkion aldaketak zehaztu ditu Diputatuen Kongresuan.


2018ko uztailaren 12an - 12:51
Isabel Celaa Diputatuen Kongresuan (Argazkia:EiTB)

Batez ere, erlijio irakasgaiari eta itunpeko ikastetxeei eragingo die. Erlijioaren notak ez du baliorik izango eta ikastetxe publikoei lehentasuna emango die itunpekoen aurrean.

Hezkuntza Batzordeko bere lehen agerraldian Isabel Celaák gainontzeko taldeak gonbidatzen ditu akordio bat bilatzera. Gehitu du Gobernuak  “arazo gehien” eman dituzten puntuak aldatu nahi dituela.

Lege organiko bat onartu nahi du, bere ustez besterik gabe aldatzeak ez lukelako zentzurik izango.

Celaak lehentasuna eman nahi dio eskola publikoari.Itunpekoa “osagarria” dela esan du: “Itunpekoak egon daitezke ala ez, baina eskola publikoa bai ala bai egon behar da, bestela Estatuak ez du bere egitekoa betetzen”.

LOMCEren 122, 127 eta 135 artikuluak aldatu nahi ditu, erkidegoek aukera izan ditzaten eskola publiko eta itunpekoen eskola kontseiluetan parte hartzeko.

Murrizketen harira ratioak jaitsiko direla esan du, baita irakasleen eskolako ordutegia eta irakasle bat ordezkatzeko baja egunak ere. Errebalidak ere alde batera utziko ditu eta diagnosi frogak itzuliko dira Lehen Hezkuntzako laugarren mailara eta Bigarren Hezkuntzako bigarren mailara.

Lanbide heziketari dagokionez, Lanbide Heziketako Legea sortu nahi du, hezkuntza, lanbide eta garapen ekonomikoko politikak lotzen dituena.


Kanal honetatik interesatuko zaizu: LOMCE legea
Batxilergoko bost modalitate ezarriko ditu Lomloe lege berriak datorren ikasturtean

Espainiako Gobernuak abenduan onartu zuen hezkuntza lege berria, eta 2022-2023 ikasturtean aplikatuko da bigarren hezkuntzako eta batxilergoko maila bakoitietan. DBHn, hautazko ikasgai gehiago eskainiko dira, eta batxilergoan, arteari lotutako bi modalitate eta beste modalitate... [+]


LOMLOE, trileroen jokoa

"... hezkuntzako gastu publikoa barne-produktu gordinaren gutxienez ehuneko 5 handitzea..." Alderdi sozialistak erabili ohi duen eta LOE aldatzeko Lege Organikoaren Proiektuan jasotako dialektika tranpati horren beste esaldi bat da. STEILASentzat, hezkuntzan inbertsio... [+]


2020-11-06 | ARGIA
Lomce legearen ordezkoak ez ditu diruz lagunduko ikasleak sexuaren arabera bereizten dituzten ikastetxeak

LOMLOEn, LOMCE ordezkatuko duen legean, zuzenketa bat onartu du Espainiako Kongresuak: diru laguntzarik ez ikasleak sexuaren arabera banatzen dituzten ikastetxeentzat. Neurriak EAEko eta Nafarroako hainbat ikastetxetan izango du eragina, baina horietako batzuek... [+]


LOMCE indargabetuko duen Hezkuntza Legeari argi berdea eman dio Espainiako Gobernuak

Hego Euskal Herriko ikastetxeetan eragingo duen Hezkuntza Legea onartu du Espainiako ministroen kontseiluak. Bertan behera geratuko dira LOMCEk ezarri zituen errebalida polemikoak eta ibilbide espezializatuak, eta Erlijioa ez da notarako izango, besteak beste.


Bizi ala iraun?

“Esan gezur bat mila aldiz. Errepikatu hitzez hitz. Handik gutxira ikusi, egia bihurtzen. Haien ahotan ikusi, egia bihurtzen.” Horixe abesten du Gorka Urbizuk Berri Txarrak taldearen kontzertuetan. Cristina Uriarte Hezkuntza sailburuarekin gertatzen ari denaren... [+]


Eguneraketa berriak daude