Aktak euskara hutsean bidaltzea zilegi dela ebatzi du EAEko Auzitegi Nagusiak
Aramako Udalaren kasuan hartu du erabakia. Hala, Irurako aurrekaria osatu eta behin betiko epai irmoa emanez, irizpidea ezarri du gainontzeko auzientzat.
Erabat legezkoa da udaletako aktak euskaraz bidaltzea. Hala ebatzi du EAEko Auzitegi Nagusiak Aramako Udalaren auzian, Espainiako Gobernu Ordezkaritzaren helegitea baztertuta. Gauzak horrela, Irurako Udalaren aurrekaria osatu eta behin betiko epai irmoa eman du, gainontzeko auzietarako balioko duena.
Epaiaren arabera, dokumentazioa gaztelera hutsean bidaltzea bezain legezkoa da euskara hutsean bidaltzea, administrazio publikoa euskaraz jakitera behartzen baitu Euskararen Legeak. Gainera, dio Estatuak EAEn dituen erakundeek bertako hizkuntza ofizialetako bat kontuan ez hartzea, eta hizkuntza horretan aritu ahal izatea ez bermatzea, “legearen inguruko benetako zentzugabekeria” dela.
Bide luzearen amaiera
Espainiako Gobernuko ordezkari Carlos Urquijok Arama, Bergara, Elgeta eta beste zenbait udalerriren aurka Donostiako Lurralde Auzitegian jarritako salaketak ireki zuen auzia. Alabaina, auzitegiak udalerriei arrazoia eman eta aktak euskara hutsean bidaltzea legezkoa zela ebatzi zuen. Horrez gain, abokatuen eta prokuradoreen ordain-sarien kostuak ordaintzera zigortu zuen Espainiako Gobernuaren Ordezkaritza.
Orduan, helegitea jarri zuen Urquijok EAEko Auzitegi Nagusian, eta ekainaren 3an iritsi zen epaileen erantzuna: Aramako Udalari arrazoia eman eta helegiterik onartzen ez duen epaia ebatzi zuten.
“Oztopoz betetako bide luze honi amaiera ematen dio. Benetan albiste ederra da”, azaldu zuen Josu Labaka Udalerri Euskaldunen Mankomunitateko lehendakariak.
Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]
23. Korrikaren atarian, udalerri euskaldunetako bizilagun guztiek Korrikaren berri izatea garrantzitsua dela iritzita, diptikoa banatuko du UEMAk hamaika hizkuntzatara itzulita.
Beste urte batez, uda garairako, Salto! udaleku ibiltariak antolatu ditu UEMAk. Udalerri euskaldunetako gazteak elkartuko dira aisialdiaz gozatzeko. UEMAren helburua da “euskaraz bizi diren gazteek inertziatik kontzientziarako saltoa ematea eta horrekin efektu... [+]
EAJren, EH Bilduren eta Azkoitia Bairen aldeko bozkekin hartu dute erabakia. Udalbatza osatzen duten hamazazpi zinegotzietatik hamaseiren aldeko botoa jaso du Udalerri Euskaldunen Mankomunitatera (UEMA) sartzeko eskaerak.
Uliazpi Fundazioa, Laudio, Barakaldo, Irun, Erandio... Edo beste era batera esanda: hizkuntza eskakizunak, Udal Legearen 6.2 artikulua, kontratazioetako klausulak... Sektore publikoaren euskalduntzea urrunegi joan dela esaten ari zaizkigu. Horretara dator oldarraldi judiziala... [+]