Andoain, Antzuola eta Zizurkilgo udalek salatu dute AHTren obretan eraikitzen ari diren zementutegiak ilegalak direla. Horien jarduera “lehenbailehen” geldiarazteko eskatu diote Eusko Jaurlaritzari.
Ana Carrere (Bildu) Andoaingo alkateak hiru udalen izenean hitz egin du. AHTren proiektuetan hormigoi planten eraikuntza ez dagoela jasota salatu du. Bestalde, hiru epai ezberdinek hauen jarduera legez kanpokotzat jo dutela gogoratu du, Garak jaso duenez.
Jarduera baimenen bideratzea udalen eskumena dela azaldu du Carrerek, baina Jaurlaritzak ez duela hori errespetatzen: “Eusko Jaurlaritzak eta obraren sustatzaile den ETS enpresak oztopo egin eta udalei presio egin diete legez kanpoko jarduerak baimentzeko”.
Zizurkil eta Antzuolako udalek espedienteak ireki dituzte eta Andoaingoak bertan eraiki nahi zuten zementutegiaren ilegaltasuna berresten duen epaia du jada. Hiru udalek epaitegietara joko dutela adierazi dute.
AHTren aurkako bizikleta martxa
“Herririk herri, txikizioaren aurka mugi” lelopean ekingo diote uztailaren 25ean AHTren aurkako II. bizikleta martxa desobeditzaileari. Mugitu! kolektiboak deitu du martxa eta aurten Bizkaiko hainbat herri eta eskualdetatik ibiliko da zortzi egunetan zehar. Durangaldean hasi eta Arratiatik, Txorierritik, Urdaibaitik, Uribe Kostatik, Ezkerraldetik, Enkarterrietatik eta Hego-Uribetik pasa eta gero Bilbon amaituko da abuztuaren 2an. Egitaraua eta informazio gehigarria Topatu.info-n aurki daitezke.
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Abiadura Handiko Trenaren inguruan mintzatu dira zenbait ekintzaile asteazkenean Iruñeko Zabaldin osatu duten hitzaldian. Italiako Val Susa bailarako adibidea bertatik bertara ezagutzeko aukera ere izan dute han sortutako mugimenduaren ordezkari bat etorri delako... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]