AHTren lanak hiru hilabetez atzeratuko dira, tunel luzeena behera erori ondoren
AHTren tunel luzeena, Zumarragako barrunbeetatik igarotzen dena, behera erori zen maiatzaren 28an. Garak argitaratu duenez, iraila arte hondakinak ateratzen ibiliko dira.
Luizia ustekabean jazo zen Zumarragako Euskal Herria etorbidearen biribilgune parean, 100 metroko sakoneran, 27 metro luzeko falka bat sortu zen eta 700 metro kubo lur behera erori zen. Garak paperezko edizioan publikatu duenez, Euskal Trenbide Sareak (ETS) Zumarragako udalari jakinarazi dio lur hori guztia ateratzen gutxienez iraila arte ariko direla.
ETSren esanetan ohikoa da obretan halako falkak sortzea eta lurrazalean ez da arriskurik sortu. Etxebizitzak eta kirol instalazioak daude luizia gertatu den tokiaren gainaldean.
Zumarragako supertunelak 5.660 metro izango ditu, AHTren luzeena da, eta bi tuboz osaturik egongo da. Hasierako proiektuak 600 metro gutxiago zituen, baina Eusko Jaurlaritzak tunela luzatu zuen, trenbidea lurpean ezkutatuta “eragin” txikiagoa izango duela iritzita.
Irregulartasun susmoak
Tunela Antzuola-Ezkio-Itsaso zatiaren barnean dago, zati horrek guztira 250 milioi euroko aurrekontua du, kilometroko 36 milioi. Baina kopuruak gora egin dezake, AHTren Gipuzkoako obrak aurreikusi baino 247 milioi euro garestiago baitira jadanik.
Zumarragako barrunbeak zulatzeko, tarte horretako proiektua bi zatitan banatu zuen ETSk, eta kontratazio bana egin. Horietako zati bat geldirik dago momentu honetan, tarte horretan zuloa egiten ari diren enpresek diru gehiago eskatu diotelako ETSri.
LABek susmoa du Eusko Jaurlaritzak irregulartasunak egin dituela auzi honetan. Sindikatuak Lan Ikuskaritzan salatu duenez, ETSk beste zatia egiten ari den-enpresa multzoari agindu dio segi dezala zuloa egiten berari ez dagokion tartean.
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Abiadura Handiko Trenaren inguruan mintzatu dira zenbait ekintzaile asteazkenean Iruñeko Zabaldin osatu duten hitzaldian. Italiako Val Susa bailarako adibidea bertatik bertara ezagutzeko aukera ere izan dute han sortutako mugimenduaren ordezkari bat etorri delako... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]