AHTren aurkako mendi martxa Atxondon, maiatzaren 30ean
AHT gelditu! elkarlanak maiatzaren 30ean Atxondon, Bizkaian, egingo den mendi martxarako deialdia egin du, azpiegitura erraldoi horren aurkako manifestua zabaltzeko kanpainaren testuinguruan. Adierazi dutenez, Euskal Y-ren obrak “suntsitzen hasi ez diren herri bakarra” da Atxondo.
Mobilizazioaren helburua, hain zuzen, AHTren ibilbideak txikituko lituzkeen parajeak erakustea da. Aurreikusita dago trenaren ibilbideko zubirik handienetako batek zeharkatzea Atxondo, eta horrek zeharo erdibituko luke herria, mendi martxaren deitzaileek eta udalak berak salatu dutenez.
Goizeko 10etan hasiko da mendi martxa; obrengatik kalte handiena jasoko luketen guneak bisitatuko dituzte, ibilbide erraz batean. Eguerdian herri-gunera jaitsiko dira, trikitilariek lagunduta poteoa egitera, eta ondoren bazkaria eta amaierako ekitaldia egingo dituzte, azken hori 17:00ak aldera.
Era berean, ekainaren 13an Euskal Y-ren egitasmoa gelditzea eskatzeko Donostian egingo den manifestazio nazionalerako deialdia berretsi du AHT gelditu!-k.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Abiadura Handiko Trenaren inguruan mintzatu dira zenbait ekintzaile asteazkenean Iruñeko Zabaldin osatu duten hitzaldian. Italiako Val Susa bailarako adibidea bertatik bertara ezagutzeko aukera ere izan dute han sortutako mugimenduaren ordezkari bat etorri delako... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]
Nafarroa Trenaren Alde, Araba Trenaren Alde eta Goierriko AHTrik Ez plataformek Altsasun egindako prentsaurrekoan egin dute eskaera: tren lasterrak soilik erabiltzeko trenbide-azpiegitura berriak eraikitzeko proiektuak geldiaraztea, gaur egungo tren-azpiegiturak berritzea eta... [+]