AHTren aurka Urkulluren aurrean protesta egiteagatik 7 lagun epaituko dituzte
AHTren aurkako zazpi ekintzaile epaituko dituzte urtarrilaren 29an Donostian, Iñigo Urkullu EAEko Lehendakariaren aurrean AHTren aurka egindako protestatik.
Azaroaren 5ean egin zuten protesta Donostiako Kursaal jauregian, Eusko Jaurlaritzak “25 urte jasangarritasunaren alde” izenburupean antolatutako ekitaldian.
Urkullu hizketan ari zela Mugitu! mugimenduko zazpi lagun oholtzara igo eta “AHT jasangaitza” eta “EAJ hipokrita” zioten kartelak erakutsi zituzten.
Zazpi lagunak identifikatu zituzten, AHT gelditu webguneak argitaratu duenez.
Mugitu! mugimenduak salatu du, lehendakariaren segurtasun zerbitzuek azkar eta oso modu zakarrean jardun zutela.
Auzipetuak babesteko mobilizazioak
Epaiketa salatzeko eta auzipetuei babesa adierazteko hainbat mobilizazio deitu dituzte Donostian eta Iruñean.
Mugitu! mugimenduak elkarretaratzea deitu du ostegunerako Donostiako epaitegien aurrean 11:30ean.
Iruñean ere elkarretaratzea egingo dute jubilatuen Sasoia Elkarteak deituta, auzipetuetako bat elkarteko kidea delako. Protesta, Iruñeako Foruen Monumentuan izango da 13:00etan.
AHTren aurkako protestaren bideoa ere egin du Mugitu! mugimenduak:
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Abiadura Handiko Trenaren inguruan mintzatu dira zenbait ekintzaile asteazkenean Iruñeko Zabaldin osatu duten hitzaldian. Italiako Val Susa bailarako adibidea bertatik bertara ezagutzeko aukera ere izan dute han sortutako mugimenduaren ordezkari bat etorri delako... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]