AHTk alerta piztu du Arabar Errioxan: mahastietatik pasako litzatekeen trenbidea du buruan Madrilek

  • Miranda de Ebro eta Logroño lotuko dituen trenbide sareak jarri du Arabar Errioxa erdigunean: bi hiriak batzeko AHT eraiki dezaketela adierazi du Iñigo de la Serna Espainiako Sustapen ministroak.

Miren Osa Galdona @Mirentx_U
2017ko abenduaren 20a
Poriektuetako bat zuzen-zuzenean pasako litzake Bastidatik

Ardogileak oso kezkatuta daude urteetako lana kinka larrian ikusten baitute.  Lau proiektu aurkeztu ditu Madrilek, eta horietatik bi eskualdean barrena pasako lirateke, hain zuzen, laburrenak eta merkeenak diren egitasmoak.

Upategi eta mahastizain txikien elkarteak (ABRA) azaldu du eskualdeko ardogintza bizirik dagoen kultur ondare historikoa dela, babestu beharrekoa. “Ingurumenarentzat, gizartearentzat, ekonomiarentzat eta kulturarentzat ekarriko lituzkeen galerak hain handiak lirateke, ezen eskualdea eta sektorea desagertu egingo bailirateke orain ezagutzen ditugun moduan”. Bi kasutan Bastida zuzen- uzenean zeharkatuko luke trenbideak eta ekosisteman ere “eragin nabarmena” izango luke.  Instituzioei babesa eskatu die ABRAk trenbide sareari desadostasuna erakutsi eta euren ondarea babesteko.

Lau proiektutatik bi dira mahastietatik barrena igaroko liratekeenak: 57 kilometroko ibilbidea aurreikusten dute, 711 milioi euroko kostua edukiko lukeena. Beste biak, aldiz, Ebroren hegoaldetik barrena joango lirateke, Araba ukitu gabe. Azken hauek luzeagoak dira, 65 eta 64 kilometrotakoak, eta prezioan era gora egiten dute: bakoitzak 970-890 milioi euroko aurrekontua beharko lituzke, hurrenez hurren. Dena dela, denbora aldetik ia ez dago alderik: laburrenak 20 minutuan lotuko lituzke bi hiriak; luzeenak 22 minutuan.

 

Kanal hauetan artxibatua: Abiadura Handiko Trena  |  Araba

Abiadura Handiko Trena kanaletik interesatuko zaizu...
Espainiako Estatuak Nafarroan gastatuko duenetik %78 AHT eta Esako urtegira bideratuko da

Espainiako Estatuko Ogasun ministro Cristóbal Montorok aurkeztutako aurrekontuen arabera, Nafarroari dagokion inbertsioan %78 AHTri eta Esako urtegiari bideratuko dio Espainiako Estatuak.


2018-03-09
'AHTrik EZ Lautada'-k 7.000 alegazioak defendatu ditu Arabako Diputatu Nagusiaren aurrean

“Lautadako hautesle errolda 9.000 pertsonakoa izanda, 7.000 alegazio baino gehiago aurkeztea da egin daitekeen demokrazia ariketarik handiena”, adierazi dio “AHTrik EZ Lautada” Plataformak Arabako Diputatu Nagusiari.


2018-03-05 | ARGIA
Sustrai elkartea ez doa Nafarroako mugikortasun batzordera, AHTan erabakiak hartuta daudelakoan

Ingurumenaren aldeko eta alferrikako azpiegitura handien kontrako borroketan ezaguna den Sustrai fundazioak jakinarazi du planto egingo diola Nafarroako Legebiltzarraren Mugikortasun batzordeak bilerarako egindako deiari. Berrikitan Madrilen 2.852 alegazio entregatu zituen Sakanan AHTarentzako egin nahi duten bide berriaren kontra.


2018-03-02 | Miren Osa Galdona
AHT ez dela beharrezkoa onartu arren, proiektuak aurrera jarraituko duela esan du Italiako Gobernuak

Italiako Gobernuak zilegitasuna eman dio NoTAV kanpainari, argitaratu berri duen txosten baten arabera. Onartu du abiadura handiko trena ez dela beharrezkoa egun lurraldearen ezaugarriak kontuan izanda. Hala ere, proiektuak aurrera jarraituko du.


2018-03-01 | ARGIA
'Zuloan' liburuaren ondorioak azaltzeko hitzaldi zikloa abiatuko dugu martxoan

AHTko langileen testigantzak eta prekarietate kasu zehatzak aurkezteaz gain, lan honek eraikuntzaren arloko gaur egungo egoeraren argazki orokorra ere ematen du.


2018-03-01 | Guaixe .eus
De la Serna sustapen ministroak: "AHT korridorea 2023rako"

Sustapen ministro Iñigo De la Sernak atzo esan zuen Nafarroako Abiadura Handiko Trenaren (AHT) korridorea 2023rako egina egonen dela. Data hori “handinahia” dela aitortu zuen ministroak berak.


2018-02-27 | ARGIA
Eraikuntza arloko "inpunitate zirkuluarekin" amaitzea eskatu du ELAk Legebiltzarrean

AHTn eta beste zenbait obra publikotan dabiltzan langileen egoeraz azkenaldian zabaldu den kezka Eusko Legebiltzarrera eraman du ELAk. Igor San Jose eta Luis Fernandez sindikatuko kideak Lana eta Justizia batzordean izan dira, EH Bilduk gonbidatuta, eta azaldu dute eraikuntza arloko lan hitzarmenak “sistematikoki” urratzen direla.


2018-02-26 | Hala Bedi
AHTren aurkako oihuak Urkulluren aurrean

Iñigo Urkullu lehendakariak egindako bisita baliatuz, Añanako zenbait kontzeju eta AHTrik Ez Lautada Plataforma bildu ziren atzo Ribabellosan (Araba), AHTren proiektuaren aurkako elkarretaratze zaratatsu batean. Ez zen tentsiorik egon, baina Ertzaintza kontzentratutakoen eta ordezkari instituzionalen artean jarri zen une batean.


2018-02-16 | Mikel Asurmendi
Hendaia eta Baionaren arteko AHTren proiektua porrot bidean

Bordele eta Hendaiaren arteko AHTren proiektuak 25 urte bete ditu. “Ondo bidean”, Iparralderako proiektuak bat egin behar zukeen Hegoalderako AHTrekin. Alta bada, proiektua baztertua omen dago. SNCFk bere ibilbidean etxeak egiteko baimena eman izanak baieztatu du uste hori.


2018-02-15 | Hala Bedi
Igor San Jose (ELA)
"Eraikuntza enpresek beti irabaziko dute, AHT edo erraustegia izan, zigor handi bat jarri ezean"

Igor San Jose ELAko Gipuzkoako Eraikuntzako arduradunarekin hitz egin du Hala Bedi irratiko A todo gas saioak. Askotan hitz egin da AHT eta errauskailuaren inguruan irratsaioan, baina oraingoan lan harremanen perspektibatik egin dute.


Azkenak
EGILEA
Eguneraketa berriak daude