"AHT txarra bada Errioxarentzat, txarra da Arabako Bailarentzat ere"

  • Manzanos, Quintanilla de la Ribera eta Leciñana Okako kontzejuak kexu dira. AHTk Arabako Errioxa zeharkatzeak administrazioaren aldetik piztu duen oposizio berdina nahi dute Arabako Bailaretan egingo duen "hondamendia" gelditzeko.

Arabako Alea @ArabakoALEA  |  Estitxu U. Lopez de Arkaute
2017ko abenduaren 21a
Manzanos inguruak kaltetuko ditu AHTk. (Argazkia: Arabako Alea)

"Oposizio berdina behar da Arabako Errioxan eta Arabako Bailaretan. Denok gara Arabako bizilagunak. Horregatik gure administrazioei eskatzen diegu sutsuki defendatzea Bailaretako herriak ere". Manzanos, Quintanilla de la Ribera eta Leciñana Okako kontzejuek publiko egin dute Abiadura Handiko Trenaren inguruan duten haserrea. Gutun batean azaldu dutenez, Burgos eta Gasteiz lotuko duen AHTren lineak Erriberabeitiko eta Erriberagoitiko hainbat herri eta mendi zeharkatuko ditu: "Geratzen zaigun natura apurra hondatuko du AHTk, eta inguratu egingo gaituzte azpiegitura gehiagorekin".

Iragan udan jakin zuten Arabako Bailaretako lagunek AHTk inguruan eragingo dituen kalteak, baina Arabako Errioxarekin ez bezala, "zoritxarrez, gure udal, foru eta erkidegoko ordezkari politikoek ez dute ezer esan, eta hedabideetan hitz-erdi bat ere ez dute jaso". Are gehiago, informazioa eskatu dutenean, adierazi diete egitasmoa ezin dela aldatu, eta "izorratu" beharko direla. 

Arabako Errioxaren inguruan ordezkari politikoek egin dituzten adierazpenak "pozgarriak" direla nabarmendu dute Añanako kontzejuek, eta gaineratu dute "azkenik, badirudi zentzutasuna gailendu dela, eta ikusten dutela halako proiektu batek eskualde oso bat hondatu dezakeela". Izan ere, herri txikien irudikoz "AHTa txarra bada Arabako Errioxarentzat, txarra da Arabako Bailarentzat ere".

 

Albiste hau Arabako Aleak argitaratu du eta CC-by-sa lizentziari esker ekarri dugu ARGIAra.

 

Kanal hauetan artxibatua: Abiadura Handiko Trena  |  Araba

Abiadura Handiko Trena kanaletik interesatuko zaizu...
Espainiako Estatuak Nafarroan gastatuko duenetik %78 AHT eta Esako urtegira bideratuko da

Espainiako Estatuko Ogasun ministro Cristóbal Montorok aurkeztutako aurrekontuen arabera, Nafarroari dagokion inbertsioan %78 AHTri eta Esako urtegiari bideratuko dio Espainiako Estatuak.


2018-03-09
'AHTrik EZ Lautada'-k 7.000 alegazioak defendatu ditu Arabako Diputatu Nagusiaren aurrean

“Lautadako hautesle errolda 9.000 pertsonakoa izanda, 7.000 alegazio baino gehiago aurkeztea da egin daitekeen demokrazia ariketarik handiena”, adierazi dio “AHTrik EZ Lautada” Plataformak Arabako Diputatu Nagusiari.


2018-03-05 | ARGIA
Sustrai elkartea ez doa Nafarroako mugikortasun batzordera, AHTan erabakiak hartuta daudelakoan

Ingurumenaren aldeko eta alferrikako azpiegitura handien kontrako borroketan ezaguna den Sustrai fundazioak jakinarazi du planto egingo diola Nafarroako Legebiltzarraren Mugikortasun batzordeak bilerarako egindako deiari. Berrikitan Madrilen 2.852 alegazio entregatu zituen Sakanan AHTarentzako egin nahi duten bide berriaren kontra.


2018-03-02 | Miren Osa Galdona
AHT ez dela beharrezkoa onartu arren, proiektuak aurrera jarraituko duela esan du Italiako Gobernuak

Italiako Gobernuak zilegitasuna eman dio NoTAV kanpainari, argitaratu berri duen txosten baten arabera. Onartu du abiadura handiko trena ez dela beharrezkoa egun lurraldearen ezaugarriak kontuan izanda. Hala ere, proiektuak aurrera jarraituko du.


2018-03-01 | ARGIA
'Zuloan' liburuaren ondorioak azaltzeko hitzaldi zikloa abiatuko dugu martxoan

AHTko langileen testigantzak eta prekarietate kasu zehatzak aurkezteaz gain, lan honek eraikuntzaren arloko gaur egungo egoeraren argazki orokorra ere ematen du.


2018-03-01 | Guaixe .eus
De la Serna sustapen ministroak: "AHT korridorea 2023rako"

Sustapen ministro Iñigo De la Sernak atzo esan zuen Nafarroako Abiadura Handiko Trenaren (AHT) korridorea 2023rako egina egonen dela. Data hori “handinahia” dela aitortu zuen ministroak berak.


2018-02-27 | ARGIA
Eraikuntza arloko "inpunitate zirkuluarekin" amaitzea eskatu du ELAk Legebiltzarrean

AHTn eta beste zenbait obra publikotan dabiltzan langileen egoeraz azkenaldian zabaldu den kezka Eusko Legebiltzarrera eraman du ELAk. Igor San Jose eta Luis Fernandez sindikatuko kideak Lana eta Justizia batzordean izan dira, EH Bilduk gonbidatuta, eta azaldu dute eraikuntza arloko lan hitzarmenak “sistematikoki” urratzen direla.


2018-02-26 | Hala Bedi
AHTren aurkako oihuak Urkulluren aurrean

Iñigo Urkullu lehendakariak egindako bisita baliatuz, Añanako zenbait kontzeju eta AHTrik Ez Lautada Plataforma bildu ziren atzo Ribabellosan (Araba), AHTren proiektuaren aurkako elkarretaratze zaratatsu batean. Ez zen tentsiorik egon, baina Ertzaintza kontzentratutakoen eta ordezkari instituzionalen artean jarri zen une batean.


2018-02-16 | Mikel Asurmendi
Hendaia eta Baionaren arteko AHTren proiektua porrot bidean

Bordele eta Hendaiaren arteko AHTren proiektuak 25 urte bete ditu. “Ondo bidean”, Iparralderako proiektuak bat egin behar zukeen Hegoalderako AHTrekin. Alta bada, proiektua baztertua omen dago. SNCFk bere ibilbidean etxeak egiteko baimena eman izanak baieztatu du uste hori.


2018-02-15 | Hala Bedi
Igor San Jose (ELA)
"Eraikuntza enpresek beti irabaziko dute, AHT edo erraustegia izan, zigor handi bat jarri ezean"

Igor San Jose ELAko Gipuzkoako Eraikuntzako arduradunarekin hitz egin du Hala Bedi irratiko A todo gas saioak. Askotan hitz egin da AHT eta errauskailuaren inguruan irratsaioan, baina oraingoan lan harremanen perspektibatik egin dute.


Azkenak
EGILEAK
Eguneraketa berriak daude