Ahotsa.info indartzeko asmoz, 500 akziodun lortzeko kanpaina martxan

  • "En tierra hostil" saioaren parodiek lortu duen eraginaz baliatuta, 500 akziodun lortzeko kanpaina abian jarri du agerkari digital nafarrak. Helburua Ahotsaren bideragarritasuna bermatzea eta tresna indartsuago bat eraikitzea da.


2015eko maiatzaren 05an - 11:20

Berriki aurkeztu dute "En tierra hostil" Antena 3 kateko saioaz trufatzen den programaren hirugarren atala. Bertan Majaris de la Sorna kazetariaren agurra antzeztu dute eta horrekin batera, akziodunak lortzeko kanpaina martxan jarri dute, Venezuelako kazetaria Iruñean geratu dadin.

Ahotsa proiektua duela urtebete aurkeztu zuten. Espainiako Auzitegi Nazionalak Ateak Ireki atari digitalaren itxiera agindu ostean, komunikazio munduko pertsona ugari bildu eta crowdfunding kanpaina abiatu zuten proiektu berri bat martxan jartzeko. “Oso pozik gaude orain arte egindako lan guztiarekin. Geroz eta talde indartsuagoa gara eta etorkizunera begira proiektu asko dugu buruan”, adierazi dute.

Finantziazioaren arazoa azpimarratu dute: “Urte honetan finantziazio bide ezberdinak lortzen saiatu gara. Egun, Ahotsa oso modu prekarioan mantentzen da”.

Urtean 30.000 euroko kapital soziala helburu

“Urtean 30.000 euroko kapital sozialarekin Ahotsaren bideragarritasuna bermatzea eta tresna indartsuago bat eraikitzeko aukera izanen dugu”, adierazi dute proiektuko kideek. Akziodun bakoitzak urtean 60 euro ordaindu beharko ditu proiektua sostengatzeko. Horretaz gain, akziodunek proiektuan modu aktiboagoan parte hartzeko aukera izanen dute.

Horregatik guztiagatik, herritarrak eta kolektiboak proiektuko akziodun bihurtzeko gonbita luzatu dute: “Diru horrekin bi pertsonak modu profesionalean Ahotsan jarduteko aukera izango lukete. Horretaz gain, ekipoak erosteko funts txiki bat geratuko litzaiguke”.


Kanal honetatik interesatuko zaizu: Ahotsa
Artxibatu egin dute Ahotsa.info-ko kazetari bat gezurrekin salatu zuen udaltzainaren aurkako kereila

2021eko protesta batean Poliziaren jarduna grabatu eta zabaltzeagatik, Mozal Legea urratu izana leporatu zion udaltzainak kazetariari. Salaketan hainbat gezur esan zituen agenteak, grabatutako bideoan egiazta daitekeenez. Agiriak faltsutzeagatik kazetariak kereila jarri zuen... [+]


Hedabideen boterea eta boterekeria aztertuko dituzte ostiralean Iruñean

Mahaingurua ostiralean izango da, 19:00etan, Iruñeko San Frantzisko eskolan. Inna Afinogenova, Jonathan Martinez eta Ricardo Feliu izango dira hizlariak, eta Juan Kruz Lakasta arituko da moderatzaile lanetan. 


2022-11-25 | Ahotsa.info
Ahotsa.info-k kereila kriminala aurkeztu du, Mozal Legea erabilita, bere kazetari baten aurkako salaketa faltsua egin zuen udaltzainaren aurka

Iñigo Orduña Ahotsa.info-ko kameraria protesta bat grabatzen ari zenean, udaltzain batek salatu egin zuen. Kontakizun faltsua egin zuen salaketan, kazetariaren aurkako zigorra larriagotzeko asmoz. Dena grabatuta geratu zen, poliziaren gezurrak agerian geratuz... [+]


Ahotsa-k Iruñeko udaltzain baten aurkako salaketa jarri du gezurra erabilita Mozal Legea aplikatzeagatik

Ahotsa.info hedabideko kazetari Iñigo Orduñari mozal legea aplikatu eta zigorra jarri nahi diote Iruñean Gazte Komunisten ekimen baten berri emateagatik. Berak, ordea, agenteari leporatu dio berariaz egiari bizkar ematea eta ikerketa eskatu du, aztertzeko ea... [+]


2021-09-22 | ARGIA
Mozal legeaz zigortu dituzte Ahotsa eta Ekinklikeko kazetari bana, Aroztegiko protestez informatzeagatik

Espainiako Gobernuaren Nafarroako Ordezkaritzak seirehuna euroko isunarekin zigortu ditu Ahotsa.info eta Ekinklik-eko bi kazetari grafiko. Guardia Zibilak dago isunaren atzean; kazetariei leporatzen die agenteak identifikatzea errazten duten irudiak publikatu izana.


Eguneraketa berriak daude