Ahate-hiltzeen aurkako ekintzengatik jendarmeen aurrean deklaratu beharko du ELBko idazkari nagusiak

  • ELBko idazkari nagusia jendarmeen aurrean deklaratzera deitu dute iaz ahateen hiltzearen kontra egindako mobilizazioarengatik.

ARGIA @argia
2018ko urtarrilaren 10a
Ahate-hiltzearen aurkako giza-harresia egin zuten joan den apirilean hainbat herritarrek (argazkia: Ekhi Erremundegi).

ELB sindikatuak jakinarazi duenez, sindikatuko idazkari nagusia den Panpi Sainte-Marie asteazken honetan 14:00etan deklaratzera deitu dute Mauleko jendarmeriara.

Paueko prokuradoreak abian jarri duen inkesta dago deklarazio-deialdi honen atzean: joan den apirilaren 14an eta 21ean Barkoxeko Uhartia etxaldearen aitzinean elkartzeagatik “administrazio sanitarioko kideen trabatzean konplizitatea” leporatu diote Sainte-Marieri.

ELBk gogora ekarri duenez, urriaren 18an eta abenduaren 15ean elkarretaratzeak antolatu zituzten Bastidako eta Mauleko jendarmerien aitzinean, hazleen sostengatzeko.

Asteazkeneko deklarazioaren harira ez dute mobilizaziorik deituko. Hori bai, gaia auzitara iritsiko balitz, ELBk hazkuntza ttipien defentsarako bozgorailu gisa baliatuko duela adierazi du, “politika industrialen salatzeko eta azken bi urteetan hegaztien gripearen kudeaketan izan diren Estatuaren erabaki okerren plazaratzeko”.

Sindikatuak ez du ulertzen gai honetan den “tematzea”: “Apirilean,Gabadin, Dominitxinen eta Barkoxen izan diren mobilizazio azkar eta gogorrek, denbora laburrez plantatuak, legitimitate soziala ematen diote gure borrokari. Afera honetan, kontzientzia hartzeari lagundu dio ELBk baina zentzugabeko erabakien kontrako harresia gizarte zibilak du eraiki”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: ELB  |  Maule  |  Hegazti gripea

ELB kanaletik interesatuko zaizu...
2018-03-23 | Euskal Irratiak
80 bat laborari bildu dira Baionako suprefetura aitzinean diru laguntzak erreklamatzeko

80 bat laborari bildu dira ostegunean Baionako suprefetura aitzinean, ardi eta guzti, larre eta alhapideen diru laguntzak atxikiak izan zaizkien galdetzeko. Orain arte hunkitzen zituzten diru laguntzak ehuneko zazpiz apaldu nahi dizkiete eta horrek 500 eta 1.000 euro artean kenduko dizkiela laborariei salatzen du ELB sindikatuak.


Panpi Sainte-Mariek jendarmeen aurrean defenditu du ahateak eta baserritarrak salbatzeko herri harresia

Bi orduz galdekatu dute Panpi Sainte-Marie ELBko idazkari nagusia Mauleko jendarmerian, Barkoxeko Uhartia etxaldean hazten dituzten ahateak administrazioaren aginduz hiltzea eragozteko mobilizazioagatik. Sainte-Mariek uko egin dio galdeketa luzean egindako 50 galderetako bakoitzari erantzutea, baina bere kabuz egindako deklarazioan adierazi die hegaztien eritasuna baino arriskutsuagoak direla administrazioaren neurriak.

 


2017-08-29 | Mikel Asurmendi
ELBko laborarien protesta ikusgarria Miarritzeko autobidean

ELBko laborariek ekintza berezia egin zuten astelehenean Miarritzeko (La Negresse) autobideko ordainlekuetan. Langak altxa eta autoak ordaindu gabe pasatzen utzi zituzten, 2015eko diru laguntzak jaso ez izanagatik protestan.


2015-07-22 | Laborari
Laborarien Xokoa ari da prestatzen Baionako bestetarako

Aurten ere, kalitatezko janaria eskainiko da Baionako bestetan, Laborarien Xokoaren bidez. ELBko laborariak azkarki mobilizatuko dira tokiko laborantzaren aberastasunak ezagutarazteko giro hoberenean.


2015-07-21 | Laborari
Laborarien xokoa prestatzen ari da Baionako bestetarako

Aurten ere, kalitatezko janaria eskainiko da Baionako bestetan, Laborarien Xokoaren bidez. ELBko laborariak azkarki mobilizatuko dira tokiko laborantxaren aberastasunak ezagutarazteko giro hoberenean.


2015-06-14 | Antxoka Agirre
Elikadura burujabetza
Nekazariek eta gizarte eragileek hordago txikira

Duela bi hamarkada elikadura burujabetzaren aldeko apustua egin zuen Via Campesinak,  munduko mugimendu sozial handienak. Euskal Herrian EHNE-Bizkaia eta ELB nekazari sindikatuek Etxalde mugimendua sortu dute. Multinazionalek, enpresa handiek eta gobernuek karta markatuekin dihardutela eta jokoz kanpo uzten dituela ikusita gero eta eragile gehiago ari da diskurtso eta praktika berri horien alde jotzen. Euskal Herriko ordezkaritza bat Brasilen izan da berriki, bide horretan emandako zenbait... [+]


2015-05-04 | Laborari
Confederation Paysanneren biltzarra Izpuran
ELB eta EHNEk zubi lana egin dute Frantzia eta Espainiako baserritarren artean

Apirilaren 22 eta 23an ELB barne duen Confederation Paysanne sindikatuak biltzarra burutu du Garazialdeko Izpuran. Taldearen barne eztabaida eta kargu berritzeez gain, une berezia izan zen Parisko gobernuan nekazaritza ministro den Stephane Le Follek sindikatuko buruzagiekin eta biltzarreko baserritarrekin eduki zuen eztabaida.


2015-02-03 | ARGIA
Xilabako sagardoak ‘Eztigar’ dauka izena eta Donaixti-Ibarren etxea

Zuberoa, Nafarroa eta Lapurdiko sagargilez osatutako Eztigar kooperatiba bere egoitza zabaltzen ari da Donaixti-Oztibarren, sagardoaren kultura Iparraldean ere indartzen ari den seinale.


2014-12-22 | Jean Louis Davant
Arńo Hegiaphal hil da, Zuberoako militante abertzale historikoa

Laborari astekariak ezagutarazi du hil berri dela Sohütan Arño Hegiaphal militante abertzale zuberotar historikoa.


Uholdeen kalteak konpontzeko 10 milioiko laguntza bideratu nahi du Kontseilu Nagusiak

Uholdeek eragindako kalteek Ipar Euskal Herrian 10 milioiko kostua izango dutela iragarri du Georges Labazée Pirinio Atlantikoetako Kontseilu Nagusiko presidenteak. Ostiralean bozkatuko da diru laguntza hori eman ala ez erabakitzeko.


Eguneraketa berriak daude