Afroamerikarrek arnasa hartzeko eskubidea aldarrikatzen dute Malcolm X hil eta 50 urtera
Arrazismoaren aurkako manifestazioa egin zuten New Yorken Malcolm X aktibista afroamerikarraren omenaldi egunaren harira. Manifestariek beraien aldarriak oihukatuz igaro zituzten hiriko hainbat kale eta besteak beste, I can’t breathe kantua entzun ahal izan zen. Abesti hau poliziaren eskuetan hil zen Eric Garner gaztearen azken hitzetan oinarritzen da.
Hiriko Harlem auzotik abiatu ziren manifestariak eta arrazaren araberako diskriminazioa gaitzetsi zuten.
Azken hilabeteetan areagotzen ari dira arrazakeriaren aurkako protestak AEBetan eta horretarako arrazoiak ematen ditu Washingtongo Pew Ikerketa Zentroak abenduan eginiko ikerketa batek. Bertan azaltzen dutenez, afroamerikarren erdiak baino gehiagok espero dute 2015ean poliziaren eta herritar afroamerikarren arteko erlazioa okertzea.
Mugimendu hauek nola hasi diren ulertzeko aipagarria da honako hau: bi epaimahai herritarrek polizien aurkako auzirik ez irekitzea erabaki zuten udan, bi afroamerikar hiltzea leporatzen zieten arren. Michael Brown tiroz hil zuen poliziak 2014eko abuztuan eta Eric Garner uztailean hil zuten.
Azken hitzek sortutako kantua
Poliziaren eskuetan itota hil zen Eric Garner gazte afroamerikarra. Zigarro solteak saltzen ari zelakoan, Garner immobilizatzen saiatu zen polizia eta saiakera horretan arnasa hartu ezinda utzi zuten gaztea. Eric Garner asmatikoa zen eta poliziek gogor estutzen zuten bitartean “i can't breathe” oihukatzen zuen, “ezin dut arnastu”. Momentu hau grabatu eta bideoa ikusgai jarri zuten sarean.
Azken hitz horiek dira Eric Garnerren heriotza oroituz sortu zuten kantuaren izenburua. I cant breathe abestia ohikoa bihurtu da arrazakeriaren aurkako mugimenduetan eta orain arteko aldarriekin batera, etengabe entzuten da manifestazioetan.
Hainbat herritarri suzko arma batekin tiro egin ostean bi pertsona zauritu zituzten udaltzainek, horietako bat larri, pasa den martxoaren 21ean, Barakaldon. Tirokatuak kalean bizi ziren magrebtar jatorrikoak izatea ez dela kasualitatea dio 77 elkartek sinaturiko adierazpenak:... [+]
Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]
Arrazakeria, diskriminazioa eta islamofobia salatu ditu langileak, eta Iruñeko Lan Ikuskaritzaren aurrean elkarretaratzea egin dute, SOS Arrazakeriak eta LAB sindikatuak deituta. Ikuskaritzak salaketa itxi du, eta onartu egin du Misericordia enpresaren argudiaketa, dioena... [+]
Donostiako Egia auzoan, azken hilabeteetan, bizilagunen artean segurtasunaren inguruko kezka handitu da, eta “beldur eta urduritasunak duen garrantzia aitortu eta sentimendu horiei lekua” egin behar zaiela aldarrikatu dute.