Afrika da huts egin duten estatu gehien dituen kontinentea
Foreign Policy aldizkariak eta Fund for Peace erakundeak urtero argitaratzen dute egoera okerrenean dauden planetako estatuen rankinga, “Failed States Index” edo “huts egin duten estatuak” izenburupean.
2011ko uztailaren 5
Munduko mapa, egonkortasunaren arabera
Hainbat adierazle hartzen dira kontuan, eta horien arabera aipatu rankinga egiten da, zerrenda buruan estaturik desegituratuenak jarriz. Aurtengoan, Afrikako hiru estatu ageri dira gorenean: Somalia, Txad eta Sudan.
Somaliaren kasuan, orain dela lau urtetik zerrendaren buruan dago, nazioarteko komunitatearen porrotaren erakusle; ez da hain arraroa, ordea, huts egin duten 60 estatutik gehienak Afrikan baitaude. Asia eta Amerika dira, Afrikaren atzetik, huts egindako estatu gehien duten kontinenteak.