AEBek eta Israelek UNESCO utziko dute, Palestina barne duelako
AEBek eta Israelek euren erabakiaren berri eman duten egun berean, Hamas eta Al-Fatah erakunde palestinarrek adiskidetze akordioa sinatu dute Egipton.
AEBek eman dute UNESCO (Hezkuntza, Zientzia eta Kulturarako Nazio Batuen Erakundea) uzteko lehen pausoa, erakundeak "Israelen aurkako jarrera" duela-eta, eta Israelek berak jarraitu dio. Palestina UNESCOren baitan izateak eragin du bi herrialdeon haserrea.
Irina Bokova UNESCOren zuzendariak azaldu duenez, AEBek 2011n utzi zioten euren kuota ordaintzeari, erakundeak Palestina barnean hartzea onartu zuelako. AEBeta eta Israelen erabakiagatik "penatua" agertu da Bokova, eta adierazi du aldeaniztasunari kalte egiten diola: "Muturreko indarkeriaren aurkako borrokak, gorrotoari aurre hartzeko inbertsio handiagoak eskatzen dituenean hezkuntzan eta kultur-arteko elkarrizketan, AEBek gauza horiz guztiez arduratzen den agentzia uztea tamalgarria da oso".
Hamas - Al Fatah akordioa
Cairon (Egipto) sinatu duten adiskidetze akordioa medio, batasun gobernua eratzea eta hauteskunde orokorrak deitzea hitzartu dute Al Fatah alderdiak eta Hamas erakundeak, 2007tik banandurik daudenak.
Al-Fatah alderdiko ordezkari Azam al Ahmad eta Hamas mugimenduko buru Saleh al Arourik azaldu dutenez, lehen urratsa litzateke PAN Palestinako Aginte Nazionala indarzea, zeina Gazako lerrora itzuli zen pasa den urriaren 2an. Akordioaren helburuetako bat da Zisjordanian (Al Fatah-ren kontrolpean) eta Gazan (Hamas) lan egingo duen kontsentsu-gobernua eratzea. "Herriak baturik jarraitzea beste aukerarik ez daukagu", dio Al Arourik.
“Ez den herrian sortu ginen, eta geu ere, esan gabe, konprenitzen da ez garena garela”, Joseba Sarrionandia.
Askotan, nire buruari galdetzen diot zer gertatu ote zen Alemaniako jendarteak nazismoaren ondorioak ezagutu zituenean, hau da, horrelako komunitate... [+]
Balirudike dena kontrolpean dagoela, badakitela guri nola sinetsarazi edozer, ez dugula inoiz, berez, guk nahi duguna egiten. Iragarki konstante batean bizi bagina bezala, esaten dugu “aukera berdintasuna”, eta pentsatzen dugu esaten ari garela “aukera... [+]
EHUk Tel Aviv-eko unibertsitatearekin etorkizuneko lankidetzarako bideak ahalbidetzen dituen zibersegurtasuneko katedra bat sortu izanaren harira, bertako langileok interpelatuak izan gara hainbat lekutatik, eta esan beharra dut neurri handi batean lotsatuta sentitu naizela,... [+]
33.000 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.
Munduko dozenaka erakundek osatzen dute Askatasunaren Ontzidia eta bere helburua da 2007az geroztik Israelek Gazari jarritako blokeoa haustea. Iragan urriaren ondoren blokeo hori erabat areagotu da, eta flota horrek Gazara iristeko saioa egingo du datozen egunetan.