Adin txikiko migratuen babesgabetasuna diskurtso arrazisten abiapuntu

  • Astelehenean publiko egin duen “Bakarretan bakarrak” txostenaren bitartez adineko inoren laguntza barik migratzea erabakitzen duten adin txikikoen egoeraren berri eman du  Save The Children-ek. “Europar ametsa” bilatu asmoz, zeharo zaurgarri egiten dituen babesgabetasun egoeran ekiten diote hainbat eta hainbat adin txikikok sarri urteak irauten dituen baldintza gogorreko ibilbideari.


2018ko maiatzaren 22an - 15:53
Save The Children-ek kaleratutako txosteneko argazkia (Save The Children)

Argitaratu berri den txosteneko datuek azpimarratzen dutenez, migrazio fluxu horrek gorantz egin du azken urteetan. EAEn 695 adin txikiko zeuden 2017an tutoretzapean, 2014an baino %127,12 gehiago. Eta horiek datu ofizialek jasotzen dutenaren araberako zifrak direla jakinik, migratutako adin txikikoen kopurua handiagoa dela ondorioztatu dezakegu.

Halako datuak azaleratzen direnean gertatu ohi den bezala, zenbaitzuk ez dute denbora gehiegi behar izan eskuak burura eraman eta adin txikikoen migrazio fluxuaren gorakada hau kontrolatu beharreko “jende-olde” gisa jotzeko. Horren adierazle dugu El Correo, egunkariak Enplegu eta Gizarte Politiketako kontseilari Beatriz Artolazabal-en irizpideekin bat egin baitu adin txikikoen migrazio honi jende-olde izaera ematerakoan. Badirudi egunkariak begi onez ikusten duela Artolazabalek Bizkaiko Gizarte Ekintzako Foru Diputatu den Isabel Sánchez Robles-ekin garatutako estrategia, adin txikikoen migrazioa jende-olde gisa aurkezteak erraztu egiten baitu iritzi publikoaren aurrean adin txikikoen zentroak ugaritzea beharrezko neurri bezala aurkeztea.

Egunkariari pasa egin zaio ordea txostenean azpimarratzen den baina estrategia horri dagokionez mesederik egiten ez duen beste datu baten berri ematea: beraien alde egon beharko lukeen arren huts egiten ari zaie babes sistema, zentroetatik beraien borondatez alde egin eta kalean bizitzearen aldeko hautua egiten duten adin txikikoen kopuru geroz eta puztuagoak erakusten duen moduan. Hala ere, badirudi EAE adin txikiko hauen ohiko helmuga (Espainiar Estatuko datuak ardatz hartuta, migrazioaren %10,84ak bertan hartzen du lekua) izatea pisudun arrazoi dela El Correorentzat bertako baldintzak beste lurraldeetakoak baino hobeak direla ondorioztatzeko, Save The Children-ek adierazitakoaren kontra gazte hauek “Euskadin babestu egiten direla” ziurtatzeraino. Gure hirietan ikusten duguna kontrakoa esatera badator ere, hortxe diskurtso arrazista indartu asmoz datuen irakurketa desitxuratu bat… eta DBEa aipatu beharrik gabe.


Kanal honetatik interesatuko zaizu: Arrazakeria
Polizia operazio "arrazista" Donostian: 29 lagun eraman ditu Poliziak identifikatzeko

Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]


2024-02-27 | Leire Artola Arin
"Beloak egoiliarrak aztoratu ditzakeela" argudiatu du Iruñeko zaharren egoitza batek, garbitzaile bat lanik gabe uzteko

Arrazakeria, diskriminazioa eta islamofobia salatu ditu langileak, eta Iruñeko Lan Ikuskaritzaren aurrean elkarretaratzea egin dute, SOS Arrazakeriak eta LAB sindikatuak deituta. Ikuskaritzak salaketa itxi du, eta onartu egin du Misericordia enpresaren argudiaketa, dioena... [+]


Guztiontzat Egia, arrazakeriari eta Poliziaren gehiegikeriei aurre egiteko sarea aurkeztu dute

Donostiako Egia auzoan, azken hilabeteetan, bizilagunen artean segurtasunaren inguruko kezka handitu da, eta “beldur eta urduritasunak duen garrantzia aitortu eta sentimendu horiei lekua” egin behar zaiela aldarrikatu dute.


Senegaldarrak Monte Igeldoko giza zoologikoan

Arrazakeria zientifikoa asmatu zenetik, hamaika dira Europan zehar zabaldu ziren uste eta ideia arrazistak XIX. eta XX. mendeetan. Donostia, esklabo portu ohia izanik, ez zen zertan salbuespena izan. 1926an izan zen lehen giza zoologikoa.


Uniformeak eskola guztietan: zer dago Frantziako Gobernuak ezarri nahi duen neurriaren atzean?

Ikastetxe guztietako ikasleek uniformea eraman beharko dute 2026tik aurrera, Frantziako presidenteak iragarri duenez. Hainbat hezitzaileri galdetuta, "aniztasunaren kontrako neurria" dela garbi dute. Identitatea erakusteko eta espresatzeko modu bat da arropa, eta... [+]


Eguneraketa berriak daude